1 Corintios 12:9 - Q'eqchi Bible

⁹ wan chik xmaatani xpaab'aal, rik'in ajwi' li Musiq'ej. Wan k'eeb'il xmaatan re k'irtasink rik'in li jun chi Musiq'ej;

Li Santil hu

⁹ Cuan li qꞌuebileb xma̱tan xban li Santil Musikꞌej chi xpa̱banquil nak teꞌxcꞌul li cꞌaꞌru nequeꞌxtzꞌa̱ma chiru li Dios. Ut cuan ajcuiꞌ qꞌuebileb xma̱tan xban li Santil Musikꞌej re xqꞌuirtesinquileb li yaj. Abanan jun ajcuiꞌ li Santil Musikꞌej li naqꞌuehoc xma̱tan li junju̱nk.

1 Corintios 12:9 ပူးပေါင်းရင်းမြစ်များ

2 Corintios 4:13

Tz'iib'anb'il sa' li Santil Hu: “Xinpaab', jo'kan naq xin'aatinak”. Laa'o wank qamaatan chi paab'ank jo' naxye li Saalm a'in; naqapaab' ajwi' laa'o, jo'kan naq nokoo'aatinak.

Efesios 2:8

Chek'e reetal, kolb'ilex xb'aan li rusilal li Yos, sa' xk'ab'a' li paab'aal; ut a'in moko eena'leb' ta laa'ex, yal eemaatan xb'aan li Yos.

1 Corintios 13:2

Wi wank ta inmaatan re aatinak jo' propeet, wi ninnaw ta chixjunileb' li xmuqmuukil na'leb' li Yos ut chixjunil li k'a'uxl, wi ta tz'aqlojenaq ru linpaab'aal re xjalb'al xna'aj eb' li tzuul, ab'anan wi ink'a' ninrahok, maak'a' nin'ok wi'.

Hebreos 11:33

Sa' xk'ab'a' li paab'aal eb' a'an ke'reechani xninqal ru tenamit, ke'xb'aanu li tiikilal, koxe'xtaw li xyeechi'om li Yos, ke'xtz'apatq xsa' reheb' li kaqkoj,

1 Corintios 12:30

Ma chixjunileb' tab'i' k'eeb'ileb' xmaatan re k'irtasink? Ma chixjunileb' tab'i' neke'aatinak sa' jalanil aatin? Ma chixjunileb' tab'i' neke'xch'olob' xyaalal eb' li aatin a'in?

1 Corintios 12:28

Jo'ka'in li Yos kixxaqab' xk'anjel li junjunq sa' li Iklees: xb'een xb'een eb' li apóstol, sa' xkab' eb' li propeet; sa' rox eb' laj tzolonel; chirix a'an k'eeb'il li maatan re xb'aanunkil sachb'ach'oolej; chirix chik a'an k'eeb'il li maatan re k'irtasink, re tenq'ank, re jolomink, re aatinak sa' jalanil aatin.

San Marcos 16:18

te'chapoq k'anti' rik'in ruq'eb' ut, wi te'ruk' k'a'aq re ru nakamsink, maak'a' te'xk'ul; te'xk'e li ruq' sa' xb'eeneb' li yaj ut te'k'iraaq”.

Hechos 5:15

neke'xk'ameb' li yaj sa'atqeb' li xaalib'e ut neke'xk'eheb' sa' ch'aat jo'wi' sa' kok' warib'aal re naq, jo'q'e taanume'q laj Pedro, ka'aj taxaq li xmu chimuheelanq re junjunqaq.

San Lucas 10:9

Chek'irtasiheb' li yaj li wanqeb' aran ut cheye reheb': «Li xnimajwal awab'ejihom li Yos nach' wank eerik'in».

San Lucas 9:2

Ut kixtaqlaheb' chi xpuktesinkil resil li xnimajwal awab'ejihom li Yos ut chi k'irtasink.

San Marcos 6:13

neke'risihatq naab'aleb' aj tza, neke'xyul naab'al li yaj rik'in aseeyt, ut neke'xk'irtasiheb'.

San Mateo 21:21

Kichaq'ok li Jesus ut kixye reheb': —Relik chi yaal ninye eere: wi wanq leepaab'aal ut ink'a' taawiib'anq leech'ool, moko ka'aj ta wi' li xinb'aanu laa'in re li xche'el li iig teeb'aanu laa'ex, taaruuq aj b'an wi' teeye re li tzuul a'in: «Elen ut kut aawib' sa' palaw», ut taa'uxmanq raj.

San Mateo 10:8

Chek'irtasiheb' li yaj, chewaklesi chi yo'yo eb' li kamenaq, chek'irtasiheb' li saqlep rixeb' ut cherisiheb' li maa'us aj musiq'ej. Chi maatan xek'ul, ut chi maatan ajwi' teek'e.

Hechos 10:38

yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in.