1 Corintios 12:2 - Q'eqchi Bible

² Nekenaw chi us naq, jo'q'e maak'a' chaq leepaab'aal, nekek'e eerib' chi k'ame'k yalaq chanru chirixeb' li memil yos.

Li Santil hu

² Nak toj ma̱jiꞌ nequexpa̱ban chak queqꞌue chak xcuanquil li yi̱banbil dios li incꞌaꞌ nequeꞌa̱tinac ut queqꞌue e̱rib chi balakꞌi̱c riqꞌuin xpa̱banquileb.

1 Corintios 12:2 ပူးပေါင်းရင်းမြစ်များ

1 Pedro 4:3

Ak naab'al li kutan xenumsi chaq chi xb'aanunkil li nawulak chiruheb' li ink'a' neke'paab'ank: xexwank sa' li jo'maajo'il na'leb', jo' li naxrahi li tz'ejwalej, rik'in num uk'ak num wa'ak, rik'in kalaak ut xloq'oninkileb' ru li yal k'oxlanb'il yos: a'an ink'a' naru xb'aanunkil.

1 Ts 1:9

Eb' a'an ajwi' neke'xye qesil: neke'xseeraq'i chanru naq xooheek'ul chaq ut chanru naq xekanab'eb' li yal k'oxlanb'il yos ut xeq'axtesi eerib' re li Yos re k'anjelak chiru li yo'yookil ut tz'aqal Yos,

Salmos 115:5

Wankeb' xtz'uumal re, ut ink'a' neke'aatinak, wank xsa' ruheb', ut ink'a' neke'ilok,

Gálatas 4:8

Junxil naq toj maji' nekenaw ru li Yos, kexk'anjelak chaq chiruheb' li maawa'eb' tz'aqal yos.

1 Corintios 6:11

Jo'ka'in naq xe'wank junjunq sa' eeyanq. Ab'anan xexch'ajob'resiik, xexsantob'resiik ut tiikob'resinb'il chik leech'ool sa' xk'ab'a' li Qaawa' Jesukriist ut rik'in xMusiq' li qaYos.

Jeremías 10:5

Chanchaneb' li xxib'enkileb' li xul sa'eb' li awimq, xb'aan naq ink'a' neke'ruuk chi aatinak. Tento xpaqonkileb', xb'aan naq ink'a' neke'b'eek. Meexiwaheb', xb'aan naq maak'a' k'aru us neke'xb'aanu chi moko k'a' ta ru ink'a' us”.

1 Pedro 1:18

Laa'ex nekenaw naq xex'ach'ab'aak chiru li jo'maajo'il na'leb' li kek'ul chaq rik'ineb' leena' leeyuwa': moko xexkole'k ta rik'in li k'a'aq re ru nalajk na'oso'k, jo' li oor ut li plaat,

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

Isaías 46:7

Neke'xk'am chi paqpo sa' xb'eeneb' xtel, neke'xxaqab' sa' xna'aj ut aran nakanaak chi junwaakaj; ink'a' na'elk sa' xna'aj. Us ta te'xjap reheb' chi xpatz'b'al xtenq'ankileb' chiru, ink'a' te'sumeeq chi moko te'kole'q chiru li rahilal.

Salmos 135:16

Wank xtz'uumal reheb', ut ink'a' neke'aatinak; wankeb' xsa' ru, ut ink'a' neke'ilok;

Salmos 115:7

Wankeb' ruq', ut ink'a' neke'ch'e'ok, wankeb' roq, ut ink'a' neke'b'eek, tik ink'a' na'eek'ank b'ayaq sa' xkuxeb'.