1 Corintios 1:8 - Q'eqchi Bible

⁸ A'an tixk'e xkawub' eech'ool toj reetal sa' roso'jik, re naq maak'a'aq eeq'usb'al sa' xkutankil li Qaawa' Jesukriist.

Li Santil hu

⁸ Li Dios yo̱k chixqꞌuebal xcacuub le̱ chꞌo̱l chalen toj saꞌ rosoꞌjic li cutan re nak ma̱cꞌaꞌak e̱ma̱c saꞌ li cutan nak tol-e̱lk li Ka̱cuaꞌ Jesucristo.

1 Corintios 1:8 ပူးပေါင်းရင်းမြစ်များ

1 Ts 3:13

re naq kawub'resinb'ilaq chi us leech'ool sa' santilal chi maak'a'aq eeq'usb'al chiru li Yos li qaYuwa', sa' xk'ulunik li Qaawa' Jesukriist, rochb'een chixjunil li xsantil tenamit.

Colosenses 1:22

A'ut anaqwan li Yos xexk'am wi' chik sa' rusilal sa' xk'ab'a' li xkamik li xch'och'el sululel li Kriist, re eexaqab'ankil chiru sa' santilal, chi maak'a'aq eemuxul ut eeq'usb'al.

Filipenses 1:6

K'ojk'o inch'ool naq li Yos li xyoob'ank re li chaab'il k'anjel a'in eerik'in yooq ajwi' chi xtz'aqob'resinkil ru, toj reetal sa' xkutankil li Kristo Jesus.

2 Ts 3:3

Tiik xch'ool li Qaawa'; ut a'an tixk'e xkawub' eech'ool ut texxkol chiru li maa'us.

Efesios 5:27

re naq li Iklees taaxaqab'aaq chiru chi k'ajo' xloq'al, chi maak'a'aq xtz'ajnil, chi moko xyocholal malaj k'a'aq chik re ru, santaq b'an ut chi maak'a'aq xq'usb'al.

Romanos 16:25

Chiqanima ru li Yos! A'an wank xwankil chi xk'eeb'al xkawub' eech'ool, jo' chanru li Chaab'il Esilal ninjultika ut ninpuktesi chirix li Jesukriist, jo' ajwi' chanru yo chi k'utunk xyaalal anaqwan li choxahil na'leb' tz'aptz'o ru naq kiwank chalen chaq q'e kutan,

1 Pedro 5:10

Naq akaq xekuy b'ayaq li rahilal, li Yos taatz'aqob'resinq eere eeru, tixk'e xkawub' eech'ool, taawaklesinq ut taaxaqab'anq eere. A'an ajwi' li Yos li kib'oqok eere sa' li xjunelik loq'al sa' xk'ab'a' li Kriist, xb'aan xnimal xrahom.

Filipenses 1:10

re naq texruuq xsik'b'al ru li q'axal chaab'il, ut chi jo'kan maak'a'aq eemuxul, maak'a'aq eemaak sa' xkutankil li Kriist,

2 Pedro 3:14

Jo'kan utan, ex was wiitz'in raarookex inb'aan, naq yookex chi royb'eninkil chixjunil a'in, yalomaq eeq'e re naq tolexxtaw li Qaawa' sa' tuqtuukil usilal rik'in, chi maak'a'aq eemuxul ut eeq'usb'al.

Romanos 14:4

Anihat laa'at chi xwech'b'al rix li xmoos laawas aawiitz'in? A' laj eechal re taayehoq re ma us malaj ink'a' us yo chi xb'aanunkil. Ab'anan, nim li Qaawa' sa' xb'een, tixb'aanu li xk'anjel chi chaab'il.

Salmos 37:28

xb'aan naq li Qaawa' naxra li tiikil ch'oolej, ut ink'a' naxkanab' xjuneseb' li neke'paab'ank re. Li ink'a' useb' xna'leb' te'sache'q chi junajwa; li ralal xk'ajoleb' laj maak te'isiiq chi junwaakaj.

2 Pedro 3:10

Li xkutankil li Qaawa' tol'elq jo' junaq aj elq'. Sa' li kutan a'an tenloq xyaab' li choxa naq taa'oso'q. Li k'a'aq re ru nak'uub'ank re li ruuchich'och' te'oso'q sa' xam; li ch'och' ut chixjunil li wank chisa' taak'atq.

2 Corintios 1:21

A' ajwi' li Yos nak'ehok xkawub' qach'ool qochb'eenex laa'ex sa' xk'ab'a' li Kriist, ut a'an ajwi' kooxyul

Salmos 37:17

xb'aan naq li ink'a' useb' xna'leb' taajuk'e'q li xwankileb', a'ut li tiikeb' xch'ool a' li Qaawa' taakuutunq reheb'.

2 Corintios 1:14

naq laa'ex li ak xetaw ru xyaalal chiqix, teetaw ru chi us naq laa'o leeloq'al, jo' naq laa'exaq li qaloq'al sa' xkutankil li Qaawa' Jesus.

1 Corintios 5:5

q'axtesimanq li winq a'an sa' ruq' laj tza re naq taasachq li xtz'ejwal, ab'an chikole'q li xmusiq' sa' xkutankil li Qaawa'.

San Lucas 17:24

Xb'aan naq jo' li raq'kaaq li narepb'ak, nalemtz'unk chaq sa' xmaril li choxa toj sa' li junpak'al chik, jo'kanaq ajwi' li K'ajolb'ej sa' li xkutankil.

San Lucas 17:30

Jo'kanaq ajwi' sa' li kutan tixk'ut wi' rib' li K'ajolb'ej.

Romanos 8:19

Jo'ch'inal jo'nimal li wank junsut junrub'el choxa q'axal yo chi xrahinkil ut xyo'oninkil naq taak'utb'esimanq chi yaal naq laa'o ralal xk'ajol li Yos.

1 Corintios 3:13

li xk'anjel li junjunq toxk'utb'esiiq sa' li xnimal kutan. Xb'aan naq sa' roso'jikeb' li kutan li xam taayaloq xchaab'ilal xk'anjel li junjunq.

2 Corintios 1:13

Xb'aan naq li k'aru xqatz'iib'a eerik'in, ka'ajwi' li yookex chi rilb'al ut chi xtawb'al xyaalal. Ut nawoyb'eni

Colosenses 2:7

xe'eninb'ilaqex ut kab'lanb'ilaqex sa' xb'een, kaw xaqxooqex sa' li paab'aal jo' chanru tzolb'ilex wi', q'axal yooqex chi yoxink chiru li Yos.

1 Ts 5:2

Laa'ex nekenaw chi us naq li xkutankil li Qaawa' taachalq jo' nachalk junaq aj elq' chi q'eq.

2 Ts 2:2

naq meejal eek'a'uxl sa' junpaat chi moko chexib'e eerib' rik'in junaq xnimal reetalil li Musiq'ej, chi moko rik'in junaq aatin malaj hu kama' ta li taqlanb'il qab'aan, chanchan tawi' yooko chi xyeeb'al naq ak xtaw xq'ehil xkutankil li Qaawa'.

2 Timoteo 1:12

ut yookin chi xk'ulb'al li rahilal a'in. Ab'an ink'a' ninxutaanak xb'aan naq ninnaw chi us ani k'ojk'o wi' inch'ool, ut ch'olch'o chiwu naq A'an q'axal kaw rib' re xk'uulankil li k'aru q'axtesinb'il we, toj reetal taawulaq li Kutan a'an.

2 Timoteo 1:18

A' taxaq li Qaawa' chi'uxtaananq ru sa' li Kutan a'an, ut jo'ch'inal jo'nimal li chaab'il k'anjel xb'aanu we aran Éfeso, laa'at nakanaw chi us.