1 Corintios 1:7 - Q'eqchi Bible

⁷ Chi jo'kan maak'a' chik junaq usilal namajelo'k eere naq yookex chi royb'eninkil li xk'utb'esinkil rib' li Qaawa' Jesukriist.

Li Santil hu

⁷ Ac xema̱tani li usilal li naxqꞌue li Santil Musikꞌej ut ma̱cꞌaꞌ chic nequeroybeni. Caꞌaj chic lix cꞌulunic li Ka̱cuaꞌ Jesucristo nequeroybeni.

1 Corintios 1:7 ပူးပေါင်းရင်းမြစ်များ

Filipenses 3:20

A'ut laa'o sa' choxa wank qatenamit, b'arwi' taak'ulunq chaq laj Kolonel li naqoyb'eni, a' li Qaawa' Jesukriist.

2 Pedro 3:12

tento naq teeroyb'eni ut teeseeb'a xchalik li xkutankil li Yos naq taa'oso'q li choxa sa' xam, ut chixjunil li wank chisa' taak'atq ut taaha'lesiiq.

Hebreos 9:28

Jo'kan ajwi' li Kriist: jun sut ajwi' kixmayeja rib' re riiqaninkil xmaakeb' li tenamit. Moqon tixk'utb'esi wi' chik rib', maawa' chik re kuyuk sachok maak, re b'an xkolb'aleb' li neke'oyb'enink re.

San Judas 1:21

Kanaaqex sa' xrahom li Yos, yooqex chi royb'eninkil li ruxtaan li Qaawa' Jesukriist, cho'q re li junelik yu'am.

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

1 Pedro 4:13

Chexsaho'q b'an rik'in naq yookex chi tz'aqonk sa' li xrahilal li Kriist, re naq, sa' li xk'utb'esinkil rib' li xnimal xloq'al, k'ajo'aq ajwi' xsahil sa' eech'ool.

Tito 2:13

Yooko chi xyo'oninkil naq tixk'utb'esi rib' li xloq'al li Kristo Jesus, a'an li qaNimajwal Yos ut aj Kolol qe, li qasahilal ut qoyb'enihom.

Romanos 8:19

Jo'ch'inal jo'nimal li wank junsut junrub'el choxa q'axal yo chi xrahinkil ut xyo'oninkil naq taak'utb'esimanq chi yaal naq laa'o ralal xk'ajol li Yos.

San Lucas 17:30

Jo'kanaq ajwi' sa' li kutan tixk'ut wi' rib' li K'ajolb'ej.

1 Pedro 5:4

Chi jo'kan, sa' xq'ehil li xk'utb'esinkil rib' li xnimal ru aj K'aak'alenel, teek'ul xnimal eeloq'al, a' leeq'ajkamunkil chi junelik.

1 Pedro 1:13

Jo'kan utan, aj'ajaq ru leek'a'uxl ut tuqtuuq leech'ool. Chiwanq xnimal eeroyb'enihom rik'in li usilal taak'ehe'q eere xb'aan li Yos, naq tixk'utb'esi rib' li Jesukriist.

2 Timoteo 4:8

Ut chalen anaqwan ak yo chi woyb'eninkil linmaatan li tinxq'ajkamu wi' li Qaawa' sa' li Kutan a'an, li tiik xch'ool chi raqok aatin; ut moko ka'aj ta wi' laa'in, jo'kaneb' aj b'an wi' chixjunileb' li neke'xyo'oni li xnimal xk'ulunik chi anchaleb' xch'ool.

2 Ts 1:7

ab'an laa'ex li rahob'tesinb'ilex texk'ehe'q chi hilank qochb'een naq li Qaawa' Jesus tixk'ut rib'. A'an taak'ulunq sa' choxa rochb'eenaqeb' li x'ánjel li wankeb' xwankil,

1 Ts 1:10

jo'wi' re royb'eninkil li Ralal taak'ulunq chaq sa' choxa, a' li kiwaklesiik xb'aan li Yos sa' xyanqeb' li kamenaq, a'an li Jesus li nokooxkol chiru li josq'il chaalel.

Colosenses 3:4

Naq tixk'ut rib' li Kriist qayu'am, toja' naq laa'ex ajwi' eerochb'een a'an texk'utunq chaq sa' li xloq'al.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

San Lucas 12:36

Jo'kaqex eb' li winq yookeb' chi royb'eninkil naq laj eechal reheb' taasutq'iiq chaq sa' li sumlaak, re naq, ka'ajwi' taak'ulunq ut taab'oqoq, tikto te'xte li kab'l chiru.

San Mateo 25:1

“Li taak'ulmanq sa' li xnimajwal wankilal li choxa chanchan li kik'ulmank sa' jun li sumlaak. Lajeeb' chi tuq'ixq ke'xk'am xsaqenkeb' naq ke'elk chi xk'ulb'al li b'eelomej.

Génesis 49:18

“At Qaawa', aawik'in nawoyb'eni li kolb'a ib'!

2 Corintios 12:13

K'aru kok'ex wi' chiruheb' li Iklees junch'ol? Ka'ajwi' rik'in naq ink'a' xexinch'i'ch'i'i. Chekuyaq inmaak wi ink'a' us xinb'aanu.

Romanos 8:23

Laa'o ajwi' li qak'ulum li xb'een ru li Musiq'ej nokoo'ayaynak sa' li qach'ool, naq yooko chi xyo'oninkil naq li Yos tooxk'ul jo' tz'aqal ralal xk'ajol ut taakole'q li qach'och'el qasululel.

Gálatas 5:5

Ab'anan laa'o naqayo'oni chi anchal qach'ool li tiikil ch'oolej xb'aan li Musiq'ej sa' xk'ab'a' li paab'aal.