1 Corintios 1:6 - Q'eqchi Bible

⁶ Li resilal li Kriist kipuktesimank ut kixchap xxe' sa' eeyanq.

Li Santil hu

⁶ Ac xema̱tani li rusilal li Dios ut nacꞌutun nak ya̱l li quinye e̱re chirix li Cristo.

1 Corintios 1:6 ပူးပေါင်းရင်းမြစ်များ

Apocalipsis 1:2

ut a'in naxye naq tz'aqal yaal chixjunil li xyehom li Yos ut li kixk'utb'esi li Jesukriist: a'an a'in chixjunil li k'aru kiril.

2 Timoteo 1:8

Jo'kan naq matxutaanak chi xyeeb'al li yaal chirix li Qaawa', chi moko tatxutaanaq inb'aan laa'in li wankin sa' tz'alam sa' xk'ab'a' A'an. Chakuyaq ajwi' laa'at li rahilal nak'ulmank sa' xk'ab'a' li Chaab'il Esilal. Chakuy rik'in xwankil li Yos

1 Timoteo 2:6

li kixq'axtesi rib' re qakolb'al chiqajunilo. A'an kich'olob'aak tz'aqal sa' xq'ehil,

Apocalipsis 19:10

Toja' naq kint'ane'k rub'el roq li ánjel chi xloq'oninkil ru, ut a'an kixye we: “Maab'aanu a'in! Laa'in aawech moosil; wech moosileb' ajwi' eb' laawas aawiitz'in li neke'xk'uula sa' xch'ooleb' li xch'olob'ahom li Jesus. A' li Yos tento taaloq'on ru”, chan we. Xb'aan naq eb' li propeet a'aneb' li neke'xk'uula sa' xch'ooleb' li xch'olob'ahom li Jesus.

2 Corintios 12:12

Li reetalil li tz'aqal apóstol xk'utunk sa' eeyanq: rik'in chixjunil li kuyuk, rik'inatq eetalil, sachb'ach'oolej ut xninqal ru b'aanuhom.

Romanos 15:19

rik'in xninqal ru eetalil ut sachb'ach'oolej ut rik'in xnimal xwankil li xMusiq' li Yos. Xinraqe'k xpuktesinkil li xChaab'il Esil li Kriist: xintikib' chaq Jerusalén, xinsuti chixjunil li na'ajej toj reetal xinwulak Iliria.

Hechos 20:24

Ab'anan laa'in ink'a' nink'e xloq'al linyu'am chi junajwa; ka'ajwi' nawaj tinchoy linb'eenik ut li k'anjel xink'ul sa' ruq' li Qaawa' Jesus, a' li xyeeb'al resil li xChaab'il Esil li rusilal li Yos.

Apocalipsis 12:17

Aran kichalk xjosq'il li nimla xul sa' xb'een li ixq ut koho chi xyalb'al xmetz'ew rik'ineb' li ralal xk'ajol li ixq, li jo'k'ihal chik ke'kanaak, a'aneb' li neke'paab'ank re li xchaq'rab' li Yos ut neke'xk'uula sa' xch'ool li xch'olob'ahom li Jesus.

2 Ts 1:10

Sa' li Kutan a'an tol'elq li Qaawa' re naq taanimaaq xloq'al sa' xyanqeb' li xsant ut taaloq'oniiq xb'aaneb' chixjunileb' laj paab'anel. Ut laa'ex xepaab' li xqach'olob' xyaalal cheru.

Gálatas 3:5

Naq li Yos naxk'e eere li Musiq'ej ut naxb'aanu li xninqal ru eetalil sa' eeyanq, ma naxb'aanu a'in xb'aan naq nekek'anjela li Chaq'rab'? Ma ink'a' tab'i' xb'aan naq nekepaab' li Aatin eerab'ihom wik'in?

Hechos 28:23

Ke'xxaqab' xkutankil rilb'al wi' chik laj Pablo ut, naq kiwulak xkutankil, q'axal naab'aleb' chik ke'chalk b'arwi' nahilank. Toja' naq laj Pablo kixtikib' xyeeb'al resil li xnimajwal awab'ejihom li Yos, yo chi xch'olob'ankil li yaal chiruheb' ut yalyo xq'e chi xq'unb'esinkil xch'ooleb' chirix li Jesus rik'in li naxye li xChaq'rab' laj Moisés ut eb' li Propeet: kixtikib' eq'la ut kiraqe'k ewu.

Hechos 23:11

Sa' li q'oqyink jun chik, li Qaawa' kixk'ut rib' chiru ut kixye re: “Kawu aach'ool! Xach'olob' li yaal chiwix Jerusalén; jo'kanaqat ajwi' aran Roma”.

Hechos 22:18

kiwil li Qaawa' yo chi xyeeb'al we: «Seeb'a aawib' ut elen chi junpaat Jerusalén xb'aan naq ink'a' te'xk'ulub'an laawaatin taaye chiwix».

Hechos 20:21

xinjultika chi kaw chiruheb' laj Judiiy ut eb' laj Griego naq tento te'xjal xk'a'uxl ut te'xq'axtesi rib' re li Yos, jo' ajwi' naq te'xpaab' li Qaawa' Jesus.

Hechos 18:5

Naq ke'chalk chaq Macedonia laj Silas ut laj Timoteo, laj Pablo junes chirix li Aatin kixk'e xch'ool, ut naxch'olob' chiruheb' laj Judiiy naq li Jesus a'an li Kriist.

San Marcos 16:20

Ut eb' a'an koheb', ke'xpuktesi li Chaab'il Esilal yalaq b'ar, yo chi k'anjelak li Qaawa' rochb'eeneb' jo'wi' chi xk'eeb'al xwankil li Aatin rik'in li eetalil neke'ochb'eenink re.]

Apocalipsis 12:11

Eb' a'an xe'xq'ax ru sa' xk'ab'a' li xkik'el li Karneer jo' ajwi' rik'in li aatin xe'xye chi yaal, xb'aan naq ink'a' xe'xra ru li xyu'ameb' chiru li kamk.

Apocalipsis 6:9

Naq kixte li ro' tz'apleb', kiwil rub'el li artal wankeb' aran li raanmeb' li ke'kamsiik sa' xk'ab'a' li Raatin li Yos ut li yaal ke'xk'e wi' xch'ooleb'.

Apocalipsis 1:9

Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus.

Hechos 11:21

Li ruq' li Qaawa' wank rik'ineb'; jo'kan naq naab'aleb' ke'ok chi paab'ank ut ke'xq'axtesi rib'eb' re li Qaawa'.

Hechos 11:17

Jo'kan utan, wi li Yos kixk'e ajwi' reheb' a'an li simaatan xk'ehom qe laa'o xb'aan xpaab'ankil li Qaawa' Jesukriist, anihin laa'in chi xramb'al li Yos?