1 Corintios 1:2 - Q'eqchi Bible

² nintz'iib'ak rik'in li x'Iklees li Yos li wank Korinto, eerik'in laa'ex li santob'resinb'ilex sa' xk'ab'a' li Kristo Jesus, eerik'in laa'ex li b'oqb'ilex chi wank sa' santilal, eerochb'een chixjunileb' li neke'xyaab'a xk'ab'a' li Qaawa' Jesukriist yalaq b'ar, a'an li qaQaawa' laa'o ut xQaawa' li santil tenamit.

Li Santil hu

² Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto. Santobresinbilex saꞌ xcꞌabaꞌ li Jesucristo ut sicꞌbil e̱ru xban li Dios chokꞌ ralal xcꞌajol. Ut sicꞌbil ajcuiꞌ ruheb chixjunileb li cuanqueb yalak bar li nequeꞌxya̱ba xcꞌabaꞌ li Jesucristo. Aꞌan li kaDios chikajunilo la̱o li nocopa̱ban re.

1 Corintios 1:2 ပူးပေါင်းရင်းမြစ်များ

Romanos 1:7

Eerik'in chejunilex laa'ex li raarookex xb'aan li Yos aran Roma ut b'oqb'ilex chi wank sa' santilal chiwanq taxaq li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

Hebreos 13:12

Jo'kan ajwi' li Jesus kixk'ul li rahilal toj junpak'al rokeb'aal li tenamit, re xsantob'resinkil li xtenamit rik'in li xkik'el.

1 Ts 4:7

Li Yos ink'a' xooxb'oq chi wank sa' tz'ajnij ib', sa' santilal b'an wanqo.

Hebreos 10:10

Ut rik'in li rajom xch'ool li Yos santob'resinb'ilo chiqajunilo sa' xk'ab'a' naq li Jesukriist kixmayeja rib' chi junwaakaj.

2 Corintios 4:5

Ink'a' yooko chi xpuktesinkil qesil laa'o, a' b'an resil li Kristo Jesus, li Qaawa'; laa'o yal eemoos sa' xk'ab'a' li Jesus.

Hechos 9:14

Ninnaw ajwi' naq wank arin, rik'in xwankil k'eeb'il re xb'aaneb' li xb'eenil aj tij chi xchapb'aleb' chixjunil li neke'patz'ok laak'ab'a'”.

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

San Judas 1:1

Laa'in laj Judas, xmoos li Jesukriist ut riitz'in laj Santiago, nintz'iib'ak rik'ineb' li b'oqb'ileb', raarookeb' xb'aan li Yos Yuwa'b'ej ut xokxookeb' cho'q re li Jesukriist.

Hebreos 2:11

Xb'aan naq laj santob'resinel ut eb' li santob'resinb'ileb' jun ajwi' li xYuwa'eb'. Jo'kan naq li Jesus ink'a' naxutaanak chi xyeeb'al was wiitz'in reheb',

2 Timoteo 1:9

li kooxkol ut kooxb'oq rik'in jun qasantil b'oqb'al, maawa' xb'aan qab'aanuhom, rik'in b'an naq kiraj xch'ool ut sa' xk'ab'a' li rusilal li kixsi qe sa' xk'ab'a' li Kristo Jesus junxilaj naq toj maji' kitiklaak li ruuchich'och'.

1 Timoteo 3:15

Chi jo'kan, wi tinb'ayq chi xik, nawaj naq ak taanaw chanru li k'anjelak sa' rochoch li Yos, a'an li x'Iklees li yo'yookil Yos, roqechal ut xkuut li yaal.

2 Ts 1:1

Laa'in laj Pablo, wochb'een laj Silvano ut laj Timoteo, nintz'iib'ak rik'in li x'Iklees eb' laj Tesalónika li wank rik'in li Yos li qaYuwa' ut rik'in li Qaawa' Jesukriist.

1 Ts 1:1

Laa'in laj Pablo, wochb'een laj Silvano ut laj Timoteo, nintz'iib'ak rik'in li x'Iklees eb' laj Tesalónika li wank rik'in li Yos Yuwa'b'ej ut li Qaawa' Jesukriist: eerik'inaq taxaq li usilal ut li tuqtuukilal.

Efesios 5:26

re xsantob'resinkil: kixch'ajob'resi rik'in li ha' ut li raatin,

2 Corintios 1:1

Laa'in laj Pablo, x'apóstol li Jesukriist jo' x'alaak sa' xch'ool li Yos, nintz'iib'ak, wochb'een laj Timoteo li wiitz'in, rik'in li x'Iklees li Yos li wank Korinto jo'wi' rik'ineb' chixjunil laj santil paab'anel li wankeb' sa' xsutam Akaya.

1 Corintios 8:6

ab'an chiqu laa'o jun ajwi' chi Yos wank, a' li Yuwa'b'ej, li nachalk wi' chixjunil li k'a'aq re ru; cho'q re a'an naq yo'yooko. Jo'kan ajwi' chiqu laa'o wank jun ajwi' chi Qaawa', a' li Jesukriist: sa' xk'ab'a' a'an wank chixjunil, ut laa'o yo'yooko sa' xk'ab'a' a'an.

Romanos 10:12

Chiru li Yos juntaq'eeteb' laj Judiiy ut eb' laj Griego, xb'aan naq jun ajwi' li Qaawa' sa' xb'eeneb' chixjunileb', k'ajo' xchaab'ilal rik'ineb' li neke'yaab'ank li xk'ab'a'.

Romanos 3:22

Sa' xk'ab'a' xpaab'ankil li Jesukriist, li Yos naxtiikob'resi xch'ooleb' chixjunileb' li neke'paab'ank re, xb'aan naq juntaq'eet narileb' chixjunil:

Hechos 22:16

Ut anaqwan, k'a' naq nakab'ay aawib'? Waklin ut chikub'eeq laaha'! Chayaab'a xk'ab'a' li Qaawa' ut ch'ajeb' laamaak».

Hechos 18:1

Chirix chik a'an laj Pablo ki'elk Atenas ut kiwulak Korinto.

Hechos 15:9

Moko jalan ta kixb'aanu qe laa'o, jalan ta kixb'aanu reheb' a'an, xb'aan naq kixch'ajob'resi li xch'ooleb' xb'aan li paab'aal.

Hechos 10:36

A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal sa' xk'ab'a' li Jesukriist, a' li xQaawa' chixjunil li ruuchich'och'.

Hechos 9:21

Sachsookeb' xch'ool chixjunil li neke'ab'ink re, ut neke'xye: —Ma maawa' tab'i' a'in li narahob'tesink reheb' aran Jerusalén li neke'patz'ok re li k'ab'a'ej a'in? Ma ink'a' tab'i' xchalk arin re xk'amb'aleb' chi b'ak'b'o rik'ineb' li xb'eenil aj tij?

Salmos 45:11

Ab'i, at inrab'in, chak'e reetal, q'esaq laaxik chi wab'inkil: Chatz'eq chirix aach'ool laatenamit jo'wi' laana' laayuwa';

Génesis 12:8

Moqon ki'elk aran ut kiq'axonk sa' li tzuul chi xk'atq Betel, sa' xjayal releb'l li saq'e, ut kixk'ojob' li xmuheb'aal sa' xyanq Betel, li wank sa' rokeb'l saq'e, rik'in Ay sa' xjayal releb'l saq'e. Aran kixyiib' jun li artal re li Qaawa' ut kixyaab'a xk'ab'a'.

Génesis 4:26

Jo'kan ajwi' laj Set kiwank jun ralal, ut aj Enós kixk'e cho'q xk'ab'a'. A'an kitikib'ank re xyaab'ankil xk'ab'a' li Qaawa'.

2 Timoteo 2:22

Tz'eqtaana chixjunil li naxik wi' xch'ooleb' li saaj al ut k'e aach'ool chirix li tiikilal, li paab'aal, li rahok, li tuqtuukilal, sa' junajil rik'ineb' li neke'yaab'ank re xk'ab'a' li Qaawa' chi saqeb' ru li xch'ool.

Gálatas 1:2

Laa'in ut chixjunileb' li was wiitz'in li wankeb' wochb'een naqataqla xsahil xch'ooleb' li Iklees re Galacia:

Hechos 9:13

Naq kirab'i a'in, laj Ananías kixye: “At Qaawa', naab'aleb' wab'ihom chi aatinak chirix li winq a'an: ninnaw naq makach'in li rahilal ak xb'aanu reheb' laasantil paab'anel aran Jerusalén.

Romanos 8:28

Naqanaw ajwi' naq li Yos na'okenk re naq chixjunil taakanaaq cho'q usilal cho'q reheb' li neke'rahok re, a' li b'oqb'ileb' jo' chanru rajom li xch'ool.

1 Corintios 10:32

Meeluktesi xch'ooleb' laj Judiiy chi moko eb' laj Griego malaj li x'Iklees li Yos,

1 Corintios 12:27

Laa'ex xtz'ejwal li Kriist, ut xcha'alex chejunjunqal.

1 Timoteo 2:8

Nawaj naq eb' li winq che'tijoq yalaq b'ar ut che'xtaqsihaq li ruq'eb' sa' choxa chi saqaq ru, chi maak'a'aq josq'il ut wech'ij ib'.

2 Timoteo 2:19

Ab'anan li rub'elankil li xk'ehom li Yos a'an kaw rib', xaqxo sa' xna'aj ut kaaxtinb'il rik'in li aatin a'in: “Li Qaawa' naxnaw ruheb' li re”, ut: “Chixjunil li nayaab'ank re xk'ab'a' li Qaawa', chirisihaq rib' sa' li maa'usilal”.