Zacarías 7:3 - Q'eqchi Bible

³ jo' ajwi' re xpatz'b'al reheb' li propeet ut eb' laj tij li yookeb' chi k'anjelak sa' rochoch li Nimajwal Yos: “Ma toj wanq li rahil ch'oolejil ut li ayuunik sa' ro' li po, rajlal chihab', jo' naqab'aanu chalen toj anaqwan?”, chankeb'.

Li Santil hu

³ Ut queꞌxye reheb li profeta ut reheb ajcuiꞌ laj tij li nequeꞌcꞌanjelac saꞌ lix templo li nimajcual Dios: —¿Ma toj yo̱ko chi ya̱bac ut xba̱nunquil ka-ayu̱n joꞌ cꞌaynako xba̱nunquil saꞌ roꞌ li po rajlal chihab? chanqueb.

Zacarías 7:3 ပူးပေါင်းရင်းမြစ်များ

Zacarías 8:19

“Jo'ka'in naxye li Nimajwal Yos: Li ayuunik chiru li xka po, li ro', li xwuq ut li xlaje po, a'anaq li xnimal sahil ch'oolej cho'q reheb' laj Judá; taasutq'iiq cho'q nimla ninq'e re paab'ank ut loq'onink. Cherahaq b'i' li tiikilal ut li tuqtuukilal.

Malaquías 2:7

“Ex aj tij, laa'ex li xtaql li Nimajwal Yos. Leek'anjel laa'ex, a'an xk'utb'al li Chaq'rab' chiruheb' li poyanam, ut chixjunileb' tento te'xsik' eerik'in li chaab'il na'leb'.

1 Corintios 7:5

Meeram li wank cherib'il eerib'; naru teekuy eerib' wi xek'uub' a'an sa' wiib'al, yal chiru jarub'aq kutan, re naq teek'e eech'ool chi tijok. Ab'anan moqon teelaq'ab' wi' chik eerib' re naq mexraale laj tza sa' xk'ab'a' naq ch'a'aj xkuyb'al eerib'.

San Mateo 9:15

Kixye li Jesus reheb': —Ma truuq tab'i' te'wanq chi raheb' sa' xch'ool li b'oqb'ileb' rik'in sumlaak wi toj wank li b'eelomej rik'ineb'? Ab'an taawulaq xkutankil naq taamaq'e'q li b'eelomej chiruheb': toja' naq te'ayuuniq.

Zacarías 7:5

“Ye reheb' chixjunil li tenamit jo'wi' reheb' laj tij chi jo'ka'in: «Laa'ex nekex'ayuunik ut nekexyaab'ak chiru li ro' ut xwuq po chalen chaq lajeeb' xkaak'aal chihab' toj anaqwan; ab'an moko nekeb'aanu ta a'an re inloq'oninkil laa'in.

Hageo 2:11

“Sa' xk'ab'a' li Nimajwal Yos patz' reheb' li xyuwa'ileb' laj tij chirix li Chaq'rab':

Joel 2:17

Sa' xyanq li neb'aal rik'in li artal yaab'aqeb' laj tij li neke'k'anjelak chiru li Yos, ut te'xye: “Kuy xmaakeb' laatenamit, at Qaawa', ut maakanab'eb' chi se'eek xb'aaneb' li xik' neke'ilok re. Ink'a' taxaq te'xye eb' li junch'ol chik: «B'ar wank li xYoseb'?»”.

Oseas 4:6

Yo chi kamk lintenamit xb'aan naq ink'a' neke'xnaw wu. Ut laa'at, aj tij, xatz'eqtaana xnawb'al wu, jo'kan naq tatwisi sa' laak'anjel. Xb'aan naq xatz'eqtaana li xchaq'rab' laaYos, laa'in ajwi' teb'intz'eq chirix inch'ool eb' laawalal aak'ajol.

Eclesiastés 3:4

Wank xq'ehil li yaab'ak, ut wank xq'ehil li se'ek. Wank xq'ehil li rahil ch'oolej, ut wank xq'ehil li xajok.

Deuteronomio 33:10

Eb' a'an neke'xk'ut laataqlahom chiruheb' li ralal xk'ajol laj Jakob ut laachaq'rab' chiruheb' laj Israel. Neke'xyeechi'i pom chawu laa'at ut neke'mayejak chi chaab'il sa' xb'een laa'artal.

Esdras 3:10

Naq eb' laj tz'ak ke'xk'e li rub'elankil li rochoch li Qaawa', kule'elq eb' laj tij chi tiqtookeb' chaq rik'in chaab'il liin, wankeb' chaq xtronpeet; xaqxookeb' ajwi' aran eb' laj Leví, ralaleb' laj Asaf, wankeb' chaq xtzojtzoj, re xnimankil ru li Qaawa' jo' kixtz'iib'a laj David, awab'ej re Israel.

Zacarías 7:4

Toja' naq li Nimajwal Yos kinraatina wi' chik ut kixye we: