Zacarías 7:2 - Q'eqchi Bible

² Chiruheb' li kutan a'an, eb' laj Betel ke'xtaqla laj Saréser jo'wi' laj Rekem-Mélek, rochb'eeneb' laj tenq' reheb', re xtz'aamankil rusilal li Qaawa',

Li Santil hu

² Eb li cuanqueb saꞌ li tenamit Bet-el queꞌxtakla laj Sarezer ut laj Regem-melec rochbeneb nabaleb chic chixtzꞌa̱manquil xtenkꞌanquileb chiru li Ka̱cuaꞌ.

Zacarías 7:2 ပူးပေါင်းရင်းမြစ်များ

Zacarías 8:21

Ut li wankeb' sa' jun tenamit te'xik sa' li jun chik, yooqeb' chi xyeeb'al: «Yo'qeb' chi xsik'b'al li Nimajwal Yos ut xtz'aamankil rusilal sa' qab'een!». Ut eb' li junch'ol chik te'xsume: «Tooxik ajwi' laa'o», cha'qeb'.

Jeremías 26:19

“Ma kikamsiik tab'i' laj Mikeas xb'aan laj Esekías, awab'ej re Judá, ut xb'aaneb' chixjunileb' laj Judá? Ink'a'. Li awab'ej kixxiwa ru li Qaawa' ut kixtz'aama xkuyb'aleb' li xmaak. Ut li Qaawa' ink'a' chik kixtaqla chaq li rahilal sa' xb'eeneb' jo' kixk'uub' xb'enwa. A'ut laa'o, wi tqakamsi laj Jeremías, tqateneb' jun nimla maak sa' qab'een”, chankeb'.

1 Reyes 13:6

Ut laj Jerobohán li awab'ej kixye re li propeet: “B'aanu usilal, tijon chiwix chiru li Qaawa' laaYos ut tz'aama naq tixk'irtasi li wuq'”. Kitijok li propeet chiru li Qaawa', ut li ruq' laj Jerobohán kik'iraak ut kikanaak jo' naq xwank junxil.

1 Samuel 13:12

Jo'kan naq xinye sa' inch'ool: Anaqwan kub'eekeb' chaq re laj Filistea re yalok wik'in arin Kilkal ut maji' nintz'aama rusilal li Qaawa' sa' inb'een. Jo'kan naq tento xinyeechi'i li k'atb'il mayej”, chan.

Zacarías 6:10

“Ayu ut ch'utub' li oor ut li plaat sa' xyanqeb' li xe'sutq'iik chaq Babilonia: a' laj Jelday, laj Tobías ut laj Jedaías. Chirix chik a'an, chiru ajwi' li kutan a'in, tatxik sa' rochoch laj Josías, ralal laj Sofonías.

Isaías 60:7

Chixjunileb' li ketomq re Kedar te'ch'utub'aaq cho'q aawe; ut eb' li karneer re Nebayot te'k'anjelaq chawu, re naq taayeechi'iheb' sa' xb'een lin'artal cho'q mayej jo' li nawulak chiwu. Chi jo'kan laa'in tinnimob'resi li xch'ina'usal li wochoch.

Esdras 6:10

re naq te'yeechi'inq sununkil mayej chiru li xYos li choxa ut te'tijoq chirix xyu'am li awab'ej ut eb' li ralal xk'ajol.

Éxodo 32:11

Ab'anan laj Moisés kixyal xq'e chi xtuulanob'resinkil li Qaawa' li xYos, ut kixye re: “At Qaawa', k'a'ut naq xchalk laajosq'il sa' xb'een laatenamit, li kawisiheb' chaq aran Ejiipt rik'in xnimal aawankil ut xkawilal laawuq'?

Esdras 2:28

li xk'ihaleb' laj Betel ut eb' laj Ay, a'an oxib' xkab'lajuk'aal (223) chi winq;