Zacarías 2:9 - Q'eqchi Bible

⁹ Jo'kan naq ok we chi xtaqsinkil li wuq' sa' xb'eeneb', ut te'sache'q ru xb'aaneb' li xe'wank rub'el xwankileb'. Aran teenaw naq li Nimajwal Yos xtaqlank chaq we.

Li Santil hu

⁹ Joꞌcan nak tinqꞌueheb saꞌ raylal. Ut la̱ex li cuanquex chokꞌ xmo̱seb, texinqꞌue chi numta̱c saꞌ xbe̱neb aꞌan re nak te̱nau nak li nimajcual Dios, aꞌan li quitaklan chak cue.

Zacarías 2:9 ပူးပေါင်းရင်းမြစ်များ

Isaías 19:16

Sa' li kutan a'an eb' laj Ejiipt chanchanaqeb' chik li ixq; siksootqeb' chiru li Nimajwal Yos naq A'an taaraj xtaqlankil chaq li rahilal sa' xb'eeneb'.

Zacarías 6:15

Te'chalq li wankeb' chaq chi najt, ut tole'okenq chi xyiib'ankil wi' chik li rochoch li Qaawa'. Toja' naq te'xnaw naq a' li Nimajwal Yos xtaqlank chaq we eerik'in. Jo'ka'an taak'ulmanq wi relik chi yaal naq teepaab' li raatin li Qaawa' leeYos”.

Zacarías 4:9

“Laj Sorobabel xk'ojob'ank re li rub'elankil li ochoch a'in, ut a'an ajwi' taachoyoq xb'aanunkil. Chi jo'kan teenaw naq li Nimajwal Yos xtaqlank chaq we eerik'in.

Ezequiel 39:10

Ink'a' chik te'xik chi si'ib'k sa' k'aleb'aal chi moko sa' k'iche', xb'aan naq a' li k'a'aq re ru na'oksimank re yalok te'xk'at cho'q xsi'eb'. Chi jo'kan te'xxok li k'aru xxokmank reheb', ut te'xmaq' chiruheb' li xik' neke'ilok reheb' li k'aru xmaq'e'k reheb' -chan li Qaawa'-.

Isaías 14:2

Naab'aleb' li tenamit te'ochb'eeninq reheb' re sutq'iik sa' li xna'ajeb', ut eb' laj Israel te'xchap eb' a'an cho'q aj k'anjel chiruheb' sa' li na'ajej k'eeb'il reheb' xb'aan li Qaawa'. Eb' li ke'numtaak sa' xb'eeneb' laj Israel junxil, a'aneb' chik li te'chape'q ut te'wanq rub'el xwankileb'.

Isaías 11:15

Li Qaawa' tixte xb'eheb' sa' li Kaqi Palaw ut tixk'ut li xwankilal sa' xb'een li nima' Éwfrates: tixtaqla jun tiqwal iq' li tixjach li nima' sa' wuqub' chi roqha', ut aran te'nume'q li tenamit chi chaqi ru xb'eheb'.

San Juan 16:4

Xinye a'in eere, re naq, jo'q'e taawulaq xhonaleb' a'an, chijultiko'q eere naq ak inyehom eere. “Ink'a' xinye chaq a'in eere sa' xtiklajik xb'aan naq toj wankin chaq eerik'in.

San Juan 13:19

Ak ninye eere anaqwan, naq toj maji' nak'ulmank, re naq, jo'q'e taak'ulmanq, teepaab' naq Laa'inin.

Zacarías 2:8

Xb'aan naq jo'ka'in naxye li Nimajwal Yos li xtaqlank chaq we chi xyeeb'al reheb' li xe'rahob'tesink eere: “Ani taarahob'tesinq eere, tinxrahob'tesi ajwi' laa'in”.

Sofonías 2:9

Jo'kan naq Laa'in, li Nimajwal Yos ut xYos laj Israel, ninye li waatin naq Mohab taakanaaq jo' Sodoom, ut Amón taa'oso'q jo' Gomoor. Junes k'ix ut atz'am taa'elq chiru; nakirirnak chi junajwa taakanaaq. Jo'k'ihaleb' chik lintenamit xe'kole'k, te'xxok chixjunil ut eb' a'an te'eechaninq re li na'ajej a'an”.

Habacuc 2:17

Li maa'usilal xab'aanu aran Líbano taaq'apluuq sa' aab'een, ut k'ajo' naq tatxiwaq xb'aan li xkik'eleb' li k'iila xul xakamsiheb'. Chixjunil a'in taachalq sa' aab'een xb'aan laamaa'usilal jo' ajwi' xb'aan chixjunil li xab'aanu re li qana'aj, reheb' li qatenamit ut reheb' li jo'k'ihal wankeb' chisa'.

Habacuc 2:8

Jo' naq xamaq' li xb'ihomaleb' li k'iila tenamit, jo'kan ajwi' naq te'xmaq' chawu li k'a'aq re ru xawelq'a. Jalanil tenamit taak'ehoq aawe chi xtojb'al rix laamaa'usilal jo' ajwi' chixjunil li xab'aanu re li qana'aj, reheb' li qatenamit ut reheb' li jo'k'ihal wankeb' chisa'.

Jeremías 28:9

Ab'anan wi junaq propeet naxye naq taawanq tuqtuukil usilal, taanawmanq naq li Qaawa' kitaqlank chaq re, ka'ajwi' naq taatz'aqloq ru chixjunil li xyehom”.

Jeremías 27:7

Chixjunileb' li tenamit wanqeb' rub'el xwankil a'an, jo'wi' rub'el xwankil eb' li ralal xk'ajol ut eb' li ri xmam, toj taawulaq xq'ehil naq li x'awab'ejihom toxwanq ajwi' rub'el xwankileb' li xninqal ru tenamit ut awab'ej li q'axal kaweb' rib'.

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Isaías 13:2

“Taqsihomaq li reetalil li yalok sa' xb'een li t'ojoch aj tzuul, japomaq eere ut k'utomaq leeruq' chiruheb' laj puub' re naq te'ok sa' li rokeb'aaleb' li ninqeb' xwankil.

Isaías 10:32

Hoon ajwi' eb' laj Asiria te'hilanq aran Nob; te'xk'ut li reetalil li yalok aran Sión, sa' xtzuulil Jerusalén.

Isaías 48:16

Jilonqex chaq chink'atq ut ab'ihomaq a'in: Chalen chaq sa' xtiklajik maak'a' xinye chi muqmu; ut naq yo chi k'ulmank chixjunil a'in, wankin aran laa'in. Ut anaqwan laa'in, li Qaawa' Yos, xintaqlank chaq re rik'in xwankil linmusiq'”.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Isaías 4:5

tixk'e jun li choql jwal q'oqyink ru chiru li kutan sa' xb'een li tzuul Sión ut sa' xb'een li xLoq'laj Ch'utam; ut chiru q'oqyink taalemtz'uno'q jun lochlookil xam. Ut sa' xb'een chixjunil a'an wanq li xloq'al li Qaawa',

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Isaías 26:1

Sa' li kutan a'an taab'ichamanq li b'ich a'in sa' xteepal Judá: “Kaw rib' li qatenamit; li Qaawa' xk'ehok re wiib' xtzol li xsuttz'akil re naq tookole'q.

Isaías 33:21

Aran li Qaawa' tixk'ut chiqu li xnimal xloq'al. K'ajo'aq xk'ihal li nima' ut xninqal roq li ha' sa' li na'ajej, ab'an ink'a' te'nume'q aran eb' li ninqi jukub' b'eresinb'ileb' xb'aaneb' li xik' neke'ilok qe.

Isaías 60:18

Ink'a' chik taa'ab'iiq resil li rahilal sa' laatenamit chi moko taawanq chik raaxiik' malaj sachok sa' laana'aj, taaye b'an reheb' laasuttz'ak: «Laa'ex linkolb'a ib'», ut laawokeb'aal «Nimaal u» chik tixk'ab'a'in.

Isaías 60:19

“Moko aajel ta chik ru li saq'e cho'q aasaqenk chiru li kutan chi moko li xsaqenkil li po chiru li q'oqyink. Laa'in chik laasaqenk chi junelik; laa'in li Qaawa' laaYos, laa'in chik li xnimal aaloq'al.

Jeremías 8:19

Yalaq b'ar na'ab'imank li xyaab'eb' lintenamit: “Ma maa'ani chik li Qaawa' aran Sión? Ma maak'a' chik li awab'ej aran?”, chankeb'. Ut li Qaawa' kichaq'ok ut kixye rehab': “K'a'ut naq xe'xchiq' injosq'il xb'aaneb' li xjalanil yoseb', li maak'a' neke'ok wi' chi moko nawb'ileb' ru”, chan.

Joel 2:27

Toja' naq laa'ex aj Israel teenaw naq wankin sa' eeyanq; laa'in li Qaawa' leeYos, ut maak'a' chik junaq chiwu laa'in! Ut lintenamit maajoq'e chik taak'ehe'q sa' xutaan”.

Sofonías 3:15

Xb'aan naq li Qaawa' xrisi li raqb'a aatin sa' aab'een ut xraanilasiheb' li xik' neke'ilok aawe. Li Qaawa', li x'awab'ej laj Israel, wank aawik'in, ut maajun chik taaxib'esinq aawe.

Zacarías 9:15

Li Nimajwal Yos tixkoleb' li ralal xk'ajol, ut eb' a'an te'xputz'i eb' li neke'jok'i'b'k; te'xsach ruheb' li xik' neke'ilok reheb', te'ruk' li xkik'eleb' jo' li b'iin toj reetal te'k'ojlaaq xch'ool, jo' naq nanujak chi kik' li xsek'ul li mayej sa' xb'een li artal.