Zacarías 1:3 - Q'eqchi Bible

³ Jo'kan naq ye reheb' lintenamit: «Chalqex wi' chik wik'in ut laa'in tinsutq'iiq eerik'in -chan li Nimajwal Yos-.

Li Santil hu

³ Joꞌcan nak ta̱ye reheb lin tenamit nak teꞌxjal xcꞌaꞌux ut teꞌsukꞌi̱k cuiqꞌuin. Ut la̱in chic tincua̱nk riqꞌuineb. La̱in li Ka̱cuaꞌ li nim incuanquil. Xinyehoc re aꞌin.

Zacarías 1:3 ပူးပေါင်းရင်းမြစ်များ

Malaquías 3:7

Chalen chaq chiru li xyu'amileb' leexe'toonil yuwa' nekeq'et chaq linchaq'rab' ut ink'a' nekepaab' li waatin. Sutq'inqex chaq wik'in ut laa'in tinsutq'iiq eerik'in, chan li Nimajwal Yos. A'ut laa'ex nekeye: «K'a'ut naq tooxik wi' chik aawik'in?», chankex.

Jeremías 3:22

Chalqex wi' chik wik'in, ex walal ink'ajol aj q'etolex aatin, ut laa'in twisi leeq'etq'etil”. “Waaye'o arin, xoosutq'iik chaq aawik'in, xb'aan naq laa'at li Qaawa' li qaYos.

Joel 2:12

“Ut anaqwan sutq'inqex chaq wik'in chi anchal leech'ool, rik'in ayuunik, yaab'ak ut rik'in tz'uyink”, chan li Qaawa' Yos.

Jeremías 4:1

“Wi taawaj sutq'iik chaq, a Israel, -chan li Qaawa'- wik'in laa'in tento tatsutq'iiq chaq. Wi taakanab' xloq'oninkil li jalanil yos li k'ajo' xyib'al ru ut ink'a' chik tat-eleliq chiwu,

Jeremías 12:15

Ab'anan naq akaq xinsacheb' ru, tinsutq'iiq chaq ut tintoq'ob'a ruheb', ut tink'ameb' chaq wi' chik sa' li xna'ajeb' ut sa' li xtenamiteb'.

Isaías 31:6

Ex ralal xk'ajol laj Israel, sutq'inqex chaq rik'in li q'axal xexnajto'k wi' naq xeq'et li raatin.

Oseas 14:4

Ut li Qaawa' tixye: “Twisi chixjunil li xq'etq'etil laj Israel, ut q'axal tinra chi anchal inch'ool; xb'aan naq maak'a' chik injosq'il sa' xb'een.

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Ezequiel 33:11

Ab'anan, sa' xk'ab'a' linloq'al, laa'in li Qaawa' ninye li waatin naq ink'a' nawaj li xkamik laj maak, nawaj b'an naq tixyot' xch'ool tixjal xk'a'uxl ut wanq xyu'am. Ex aj Israel, jalomaq leek'a'uxl, kanab'omaq xb'aanunkil li maa'usilal. K'aru aj e naq texkamq?

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

Jeremías 25:5

«Kanab'omaq xb'aanunkil li maa'usilal ut li ink'a' us -chankeb'-. Chi jo'kan sa texwanq sa' li na'ajej xk'ehom eere chi junajwa li Qaawa' ut cho'q reheb' leexe'toonil yuwa'.

Oseas 14:1

At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.

Nehemías 9:28

“Ab'an naq toje'aq rokikeb' sa' tuqtuukilal, ke'ok wi' chik chi maakob'k chawu; jo'kan naq kakanab'eb' sa' ruq'eb' li xik' neke'ilok reheb', li ke'numtaak sa' xb'eeneb'. Ke'xjap reheb' re xtz'aamankil xtenq'ankileb' aawe, ut laa'at toj sa' choxa kawab'iheb' chaq: xb'aan xnimal laarahom naab'al sut kakoleb'.

2 Crónicas 15:4

Ab'anan naq sa' li xnimal xrahilaleb' ke'sutq'iik rik'in li Qaawa', xYos laj Israel, ut ke'xsik', A'an kixk'e rib' chi tawe'k.

Li xHu LAJ JOB 22:23

Wi nakatsutq'iik rik'in li Nimajwal chi kub'enaq aawankil, taanajto'q li rahilal rik'in laajunkab'al.

Isaías 44:22

Laa'in xinkuy laaq'etq'etil ut xinsach laamaak jo' naq nasachk li choql ut li mayuus. Sutq'in chaq wik'in xb'aan naq laa'in xinkolok aawe.

Jeremías 3:1

“Qayehaq: wi junaq winq naxkanab' li rixaqil ut li ixq na'elk ut nasumlaak rik'in jalan chik, ma naru taasutq'iiq wi' chik rik'in li xwank cho'q xb'eelom? A'an q'axal xutaanal cho'q re chixjunil li tenamit. Jo'kan b'i', a Israel, laa'at xamux aawib' rik'in naab'aleb' li xe'rahink aawu, ut anaqwan taawaj wi' chik sutq'iik chaq wik'in!

Ezequiel 18:19

Mare laa'ex teeye: «K'a'ut naq li alalb'ej ink'a' naxtoj rix xmaak li xyuwa'?». Ink'a', xb'aan naq a'an xb'aanu li us ut li tiikilal, xpaab' ut xk'anjela ru chixjunileb' linchaq'rab'; jo'kan naq ch'olch'o naq taawanq xyu'am.

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

Ezequiel 18:31

Kanab'omaq chixjunil li maa'usilal xineemajewa wi' ut ak'aq chik leech'ool, ak'aq chik leemusiq'. K'a'ut naq nekeraj kamk, ex aj Israel?

Ezequiel 18:32

Laa'in maajun nawaj taakamq. Yot'omaq leech'ool jalomaq leek'a'ul, ut taawanq eeyu'am”, chan li Qaawa'.