Zacarías 1:2 - Q'eqchi Bible

² “Laa'in q'axal kinjosq'o'k rik'ineb' leemama' leerixa'an.

Li Santil hu

² —La̱in li nimajcual Dios. Cꞌajoꞌ nak quinjoskꞌoꞌ riqꞌuineb le̱ xeꞌto̱nil yucuaꞌ.

Zacarías 1:2 ပူးပေါင်းရင်းမြစ်များ

Jeremías 44:6

Jo'kan naq kilochk xxamlel linjosq'il ut q'axal kinjosq'o'k sa' xb'eeneb' li tenamit re Judá ut sa'atqeb' li b'e re Jerusalén. Ke'juk'mank ut nakirirnak ke'kanaak chalen toj anaqwan.

Ezequiel 22:31

Toja' naq xwisi linjosq'il sa' xb'eeneb' ut xeb'insach ru xb'aan xpo'ik linch'ool, re xteneb'ankil li tojb'amaak sa' xb'eeneb'»”, chan li Qaawa'.

Lamentaciones 5:7

Eb' li qaxe' qatoon ke'maakob'k, ut maak'a'eb' chik anaqwan; ut sa' qab'een chik laa'o xkanaak li xmaakeb'.

Hechos 7:52

Ma wank junaq propeet li ink'a' xik' ki'ile'k xb'aaneb' leena' leeyuwa'? Eb' a'an ke'xkamsi li yookeb' chaq chi xyeeb'al resil chi junxilaj li xk'ulunik li Tiik xch'ool, a' li xeq'axtesi ut xekamsi laa'ex anaqwan.

Salmos 60:1

Re li xjolomileb' laj b'ichanel. Taab'ichamanq jo' chanru li xyaab': “Li xliryo li testiiw”. Xk'utum laj David.

Esdras 9:13

“Chirix naq xqak'ul chixjunil a'in xb'aan li qamaak ut li qamaa'usilal (us ta laa'at, at qaYos, ink'a' xoohaak'e chi xtojb'al rix li qamaak jo' qak'ulub' raj xk'ulb'al, xoohaak'e b'an chi wank chi ach'ab'anb'il),

2 Reyes 23:26

Ab'anan li Qaawa' ink'a' kikotzk li xnimal xjosq'il sa' xb'een li tenamit Judá xmaak chixjunil li kilajxb'aanu laj Manasés re xchiq'b'al xjosq'il li Yos.

2 Reyes 22:19

chirix li na'ajej a'in ut eb' li xpoyanamil li te'sache'q ru ut te'majewaaq. Xyot'e'k laach'ool, xakub'si laawankil chiru li Qaawa', xaq'ich laawaq' ut xatyaab'ak chiwu. Jo'kan naq laa'in xwab'i li k'aru xaye, chan li Qaawa'.

Ezequiel 8:18

K'ajo' linjosq'il sa' xb'eeneb'! Ink'a' twil xtoq'ob'aal ruheb' chi moko tinkuy li xmaakeb'. Us ta te'xjap re chi xyaab'ankil link'ab'a', ab'an laa'in ink'a' twab'iheb'”, chan li Qaawa'.

Zacarías 1:15

Jo'kan naq makach'in injosq'il sa' xb'eeneb' li tenamit a'an li maak'a' neke'xk'oxla, xb'aan naq k'ajo' chik li maa'usilal xe'xb'aanu re lintenamit naq yo b'a'b'ay injosq'il.

Jeremías 32:23

A'ut naq eb' a'an ke'ok sa' li na'ajej ut ke'reechani, ink'a' ke'xpaab' laawaatin chi moko ke'xk'e sa' xch'ooleb' li xchaq'rab'inkileb' aab'aan: tik ink'a' ke'xb'aanu li kaye reheb'; jo'kan naq xataqla chaq li rahilal a'in sa' xb'eeneb'.

Zacarías 7:12

ke'xkawub'resi li xch'ooleb' jo' li raxpek, re naq ink'a' ke'xpaab' li xchaq'rab' ut eb' li raatin li Nimajwal Yos naq kixtaqla chaq li xmusiq', chi xtz'uumal reheb' li najter propeet. Jo'kan naq k'ajo' naq kijosq'o'k li Nimajwal Yos, ut kixye:

Zacarías 8:14

“Jo'ka'in naxye li Nimajwal Yos: Laa'in kexink'e raj chi rahob'tesiik xb'aan naq ke'xchiq' injosq'il leemama' leerixa'an, ut ink'a' kinjal link'a'uxl -chan li Nimajwal Yos-.