Tito 2:13 - Q'eqchi Bible

¹³ Yooko chi xyo'oninkil naq tixk'utb'esi rib' li xloq'al li Kristo Jesus, a'an li qaNimajwal Yos ut aj Kolol qe, li qasahilal ut qoyb'enihom.

Li Santil hu

¹³ Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

Tito 2:13 ပူးပေါင်းရင်းမြစ်များ

2 Timoteo 4:8

Ut chalen anaqwan ak yo chi woyb'eninkil linmaatan li tinxq'ajkamu wi' li Qaawa' sa' li Kutan a'an, li tiik xch'ool chi raqok aatin; ut moko ka'aj ta wi' laa'in, jo'kaneb' aj b'an wi' chixjunileb' li neke'xyo'oni li xnimal xk'ulunik chi anchaleb' xch'ool.

1 Corintios 1:7

Chi jo'kan maak'a' chik junaq usilal namajelo'k eere naq yookex chi royb'eninkil li xk'utb'esinkil rib' li Qaawa' Jesukriist.

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

Tito 1:2

li nawank sa' xk'ab'a' li loq'laj royb'eninkil li junelik yu'am. Li Yos ink'a' natik'ti'ik, kixyeechi'i chaq li yu'am a'an najter q'e kutan,

San Marcos 14:62

Kixye li Jesus: —Hehe', laa'inin, ut teeril li K'ajolb'ej k'ojk'ooq sa' xnim uq' li Nimajwal Yos, yooq chaq chi chalk sa' xb'eeneb' li choql sa' choxa.

Hebreos 9:28

Jo'kan ajwi' li Kriist: jun sut ajwi' kixmayeja rib' re riiqaninkil xmaakeb' li tenamit. Moqon tixk'utb'esi wi' chik rib', maawa' chik re kuyuk sachok maak, re b'an xkolb'aleb' li neke'oyb'enink re.

2 Pedro 3:18

Chexk'iiq sa' rusilal li Qaawa' rik'in xnawb'al ru li Jesukriist, laj Kolol qe. Rehaq taxaq li loq'al, anaqwan toj sa' li kutan ink'a' nalajk na'oso'k. Jo'kan taxaq.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

Romanos 15:13

A' taxaq li Yos li nak'ehok xnimal qoyb'enihom chinujob'resinq eere rik'in chixjunil li sahil ch'oolej ut tuqtuukilal sa' leepaab'aal, re naq numtajenaqaq leeroyb'enihom xb'aan xwankil li Santil Musiq'ej.

Romanos 5:5

ut li oyb'enink ink'a' nab'alaq'ik xb'aan naq ak hoyb'il sa' li qach'ool li xrahom li Yos xb'aan li Santil Musiq'ej k'eeb'il chaq qe.

2 Pedro 1:1

Laa'in laj Simón Pedro, xmoos ut x'apóstol li Jesukriist, nintz'iib'ak rik'ineb' li xe'xmaatani li qaloq'laj paab'aal sa' xk'ab'a' li xtiikilal xch'ool li Jesukriist, a'an li qaYos ut aj Kolol qe.

1 Pedro 1:7

Xb'aan naq leepaab'aal, a'an chanchan li oor li nayale'k sa' xam re rilb'al ma chaab'il. Li paab'aal li naxkuy li yale'k, a'an q'axal loq' chiru li oor li nalajk na'oso'k. Jo'kan wi tz'aqal re ru leepaab'aal, taanimaaq leek'ab'a', jo' ajwi' leeloq'al ut leeroxloq'inkil sa' li xk'utb'esinkil rib' li Jesukriist.

1 Pedro 1:3

Loq'oninb'ilaq taxaq li Yos xYuwa' li Qaawa' Jesukriist! Xb'aan xnimal ruxtaan, rik'in li xwaklijik chi yo'yo li Jesukriist sa' xyanqeb' li kamenaq, kooxyoob'tesi wi' chik re jun yo'yookil qoyb'enihom,

2 Timoteo 4:1

Chiru li Yos ut li Kristo Jesus li taaraqoq aatin sa' xb'eeneb' li yo'yookeb' ut kamenaqeb', nintz'aama ut nawelaji chawu sa' xk'ab'a' li xk'utb'esinkil rib' ut sa' xk'ab'a' li xnimajwal awab'ejihom:

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

Hechos 24:15

ut kaw linch'ool chi royb'eninkil rik'in li Yos naq te'wakliiq wi' chik chi yo'yo li tiikeb' xch'ool ut eb' laj maak, jo' ajwi' neke'royb'eni eb' a'in.

San Marcos 8:38

Xb'aan naq ani taaxutaanaq sa' ink'ab'a' ut xb'aaneb' li waatin chiru li tenamit a'in aj muxunel ut aj maak, taaxutaanaq ajwi' li K'ajolb'ej xb'aan a'an, naq tol'elq sa' li xnimal xloq'al li xYuwa' rochb'eenaqeb' chaq li santil ánjel.

Apocalipsis 1:7

K'ehomaq reetal, we' chaq rochb'eeneb' li choql: chixjunil li xsa' uhej taa'iloq re, te'ril ajwi' eb' li ke'xeq'ok re; sa' xk'ab'a' a'an huyhutqeb' chixjunil li xteepaleb' li ruuchich'och'. Yaal ut jo'kan taak'ulmanq.

Tito 3:4

A'ut naq kixk'ut rib' li rusilal ut li qaraab'al xb'aan li Yos laj Kolol qe,

Colosenses 3:4

Naq tixk'ut rib' li Kriist qayu'am, toja' naq laa'ex ajwi' eerochb'een a'an texk'utunq chaq sa' li xloq'al.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

Isaías 25:9

Sa' li kutan a'an taayeemanq: “A'an a'in li qaYos li kaw wi' qach'ool re qakolb'al. A'an a'in li Qaawa' li xoo'oyb'enink wi': qanimaaq xloq'al ut chisaho'q li qach'ool xb'aan naq A'an xkolok qe”.

1 Juan 4:14

Laa'o qilom ut naqach'olob' xyaalal naq li Yuwa'b'ej kixtaqla chaq li Ralal cho'q aj Kolol re li ruuchich'och'.

Colosenses 1:5

sa' xk'ab'a' royb'eninkil li sahil ch'oolej k'uulanb'il cho'q eere sa' choxa. Ak tzolb'ilex chaq chirix a'an xb'aan li Aatin re li yaal, a' li Chaab'il Esilal

San Mateo 26:64

Kixye li Jesus re: —Hehe', laa'at xatyehok re. Ut laa'in ninye eere naq chalen anaqwan teeril li K'ajolb'ej k'ojk'ooq sa' xnim uq' li Nimajwal Yos, yooq chaq chi chalk sa' xb'eeneb' li choql sa' choxa.

San Mateo 25:31

“Naq taak'ulunq chaq li K'ajolb'ej sa' li xnimal xloq'al rochb'eenaqeb' chaq chixjunileb' li x'ánjel, toja' naq taak'ojlaaq sa' li xloq'laj k'ojarib'aal.

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

2 Ts 2:8

Toja' naq tixk'ut chaq rib' laj q'etol chaq'rab', ut taasaapuuq xb'aan li Qaawa' rik'in li xmusiq' li na'elk chaq sa' re, ut taasache'q xb'aan xnimal xwankil sa' li xk'ulunik.

Colosenses 1:27

Li Yos kiraj xk'utb'al chiruheb' a'an li xchamal xsasal li xloq'al li muqmuukil na'leb' a'in sa' xyanqeb' li maawa'eb' aj Judiiy, a' li Kriist li wank eerik'in, li k'ojk'o wi' leech'ool chi royb'eninkil xnimal eeloq'al.

Romanos 8:18

Laa'in nink'oxla naq moko naru ta xjuntaq'eetankil li rahilal yooko chi xk'ulb'al anaqwan rik'in li xnimal loq'al taak'utb'esimanq qik'in.

1 Timoteo 1:1

Laa'in laj Pablo, x'apóstol li Kristo Jesus, jo' chanru rajom li Yos laj Kolol qe ut li Kristo Jesus li qasahil oyb'enihom,

2 Timoteo 1:2

nintz'iib'ak aawik'in, a Timoteo inraarookil alal. Li usilal, li uxtaanal ut li tuqtuukilal li nachalk rik'in li Yos Yuwa'b'ej ut rik'in li Kristo Jesus, li Qaawa', chiwanq taxaq aawik'in.

Tito 1:4

Jo'kan naq nintz'iib'ak aawik'in, a Tito, tz'aqal walalat sa' li qapaab'aal. Chiwanq taxaq aawik'in li usilal ut li tuqtuukilal nachalk rik'in li Yos Yuwa'b'ej ut rik'in li Kristo Jesus laj Kolol qe.

San Judas 1:21

Kanaaqex sa' xrahom li Yos, yooqex chi royb'eninkil li ruxtaan li Qaawa' Jesukriist, cho'q re li junelik yu'am.