Tito 1:9 - Q'eqchi Bible

⁹ kawaq xch'ool chirix li aatin tz'aqal paab'ajel jo' chanru kitzole'k wi'. Chi jo'kan tixnaw xwaklesinkil xch'ooleb' li kristiyan rik'in li chaab'il na'leb' jo'wi' xtz'apb'al xsa' reheb' li neke'wech'ok.

Li Santil hu

⁹ Incꞌaꞌ nachꞌinan xchꞌo̱l saꞌ lix pa̱ba̱l. Naxpa̱b ban chi anchal xchꞌo̱l lix ya̱lal li quicꞌuteꞌ chiru re nak tixnau xchꞌolobanquil lix ya̱lal chiruheb li rech aj pa̱banelil ut tixnau xqꞌuebal xnaꞌlebeb li nequeꞌcuechꞌin re li cꞌaꞌru naxye.

Tito 1:9 ပူးပေါင်းရင်းမြစ်များ

2 Ts 2:15

Jo'kan utan, ex qas qiitz'in, kaw xaqxooqex ut meekanab' xpaab'ankil leetijb'al eek'ulum qik'in jo' chi aatin jo' chi tz'iib'anb'il chiru hu.

2 Timoteo 1:13

Chiwanq sa' laach'ool chixjunil li chaab'il aatin xawab'i wik'in. Chiwanq laapaab'aal ut chatrahoq sa' xk'ab'a' li Kristo Jesus.

1 Timoteo 6:3

Wi wank junaq jalan chik yo chi xk'utb'al ut ink'a' naxpaab' li xchaab'il aatin li Qaawa' Jesukriist jo'wi' li qatzolb'al sa' li qapaab'aal,

1 Timoteo 1:10

eb' laj ko'b'eet laj yumb'eet, eb' li neke'maakob'k rik'in rech winqilal rech ixqilal ut neke'xk'ayi ras riitz'ineb', eb' laj tik'ti' ut eb' li neke'xpatz' li Yos rik'in yoob'anb'il aatin; naraj naxye, reheb' chixjunil li xik' neke'ril li qachaab'il k'utum,

Apocalipsis 3:3

Chinaq b'i' sa' aach'ool chanru xak'ul ut xawab'i li waatin. K'e aach'ool chirix ut chajal aak'a'uxl, xb'aan naq, wi ink'a' yooqat chi yo'lek, tolin'elq kama' junaq aj elq', chi ink'a' taanaw jo'q'e honal tinchalq sa' aab'een.

1 Timoteo 1:15

Li aatin a'in tz'aqal yaal ut paab'ajel cho'q re chixjunileb': naq li Kristo Jesus kik'ulunk sa' ruuchich'och' re xkolb'aleb' laj maak; ut laa'in li xb'een sa' xyanqeb'.

Tito 2:1

A'ut laa'at chak'utaq li xk'ulub' tzole'k chirix li chaab'il na'leb'.

Tito 1:11

Eb' a'an tento xch'anab'ankileb', xb'aan naq neke'xpo' xch'ooleb' li junq kab'al rik'in xk'utb'al li maatzole'k naraj, yal tumin neke'raj.

2 Timoteo 4:3

Xb'aan naq taawulaq xq'ehil naq eb' li tenamit ink'a' chik te'raj rab'inkil li chaab'il na'leb' ut, xb'aan xrahinkil li k'aru neke'raj xch'ool, q'esaq xxik chi rab'inkil k'iila na'leb', te'sute'q xb'aan jun tuub' chi aj tzolonel;

1 Ts 5:21

Tz'ilomaq rix chixjunil ut k'uulahomaq sa' eech'ool li us.

Proverbios 23:23

Sik' li yaal, ut maak'ayi; tamresi li chaab'il na'leb', li tzolok ut li seeb'al k'a'uxl.

Li xHu LAJ JOB 2:3

Ut li Qaawa' kixye re: —Ma xak'e reetal laj Job laj k'anjel chiwu? Maajun junaq jo' a'an sa' ruuchich'och'. A'an jun li winq tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us. Us ta laa'at xamin wu chi xsachb'al laj Job chi maak'a' xyaalal, ab'anan toj kaw xch'ool sa' li tiikilal.

Apocalipsis 3:11

Tinchalq chi seeb'. Li k'aru wank aawe, kaw chapchooq aab'aan re naq maa'ani taamaq'oq chawu laaq'ajkamunkil.

Apocalipsis 2:25

ka'aj b'an wi' naq chek'uulaaq li b'arwan ak wank eerik'in toj reetal tinsutq'iiq chaq.

San Judas 1:3

Ex inrahom, q'axal xink'e inch'ool chi tz'iib'ak eerik'in chirix li qakolb'al naqawotz sa' komonil; ab'an anaqwan tz'aqal xweek'a naq tento tintz'iib'aq eerik'in re xtz'aamankil naq teeyal eeq'e chi xkolb'al rix li paab'aal li kiq'axtesiik chi junwaakaj reheb' laj santil paab'anel.

2 Timoteo 2:25

Chixnaw xtzolb'aleb' sa' tuulanil eb' li xik' neke'ilok re. Mare anchal li Yos tixk'e chi xyot'b'aleb' xch'ool ut chi xjalb'aleb' xk'a'uxl re naq te'xnaw chi us li yaal.

2 Timoteo 2:2

ut jo'ch'inal jo'nimal li xawab'i wik'in chiruheb' naab'al chi testiiw, a'an ajwi' chaq'axtesi reheb' winq aj paab'anel li te'xnaw moqon xtzolb'al jalaneb' chik.

1 Timoteo 4:9

Tz'aqal yaal li aatin a'in, ut xk'ulub' naq chixjunileb' te'paab'anq re.

1 Timoteo 1:19

chiwanq aapaab'aal ut tiikaq laach'ool. Wankeb' ke'sachk chi junajwa sa' xpaab'aaleb' xb'aan xtz'eqtaanankil li chaab'il k'a'uxl.

Hechos 18:28

kaw naxsumeheb' laj Judiiy chiruheb' chixjunil ut naxk'ut xyaalalil rik'in li Santil Hu naq li Jesus a'an li Kriist.

Li xHu LAJ JOB 27:6

Ink'a' tinkanab' xyeeb'al naq tiik linch'ool xb'aan naq maak'a' li tinxutaanaq wi'.

1 Corintios 14:24

Ab'anan wi chixjunileb' te'aatinaq jo' propeet ut taa'ok aran junaq li maak'a' naxpaab' malaj yal aj ab'inel, li jun a'an taatoch'e'q xch'ool xb'aan chixjunileb' ut taaraqmanq aatin sa' xb'een xb'aan chixjunileb'.

2 Timoteo 3:14

Laa'at kawaq aach'ool rik'in li xatzol ut xapaab'. Wanq sa' aach'ool aniheb' aj ik'in xatzol aawib'.