Tito 1:8 - Q'eqchi Bible

⁸ aj k'eholaq ochochnaal b'an, aj raholaq re li us, wanq xna'leb', tiikaq xch'ool, aj paab'anelaq, tixnaw xkuyb'al rib',

Li Santil hu

⁸ Junak aj cꞌanjel chiru li Dios naxcꞌuleb li rulaꞌ chi sa saꞌ xchꞌo̱l ut nasahoꞌ ajcuiꞌ saꞌ xchꞌo̱l riqꞌuineb li nequeꞌba̱nun re li us. Laj cꞌanjel chiru li Dios toj naxcꞌoxla chi us li cꞌaꞌru naxba̱nu ut junelic cua̱nk saꞌ usilal riqꞌuineb li ras ri̱tzꞌin. Ti̱c xchꞌo̱l ut naxcuy xnumsinquil li raylal ut li a̱le̱c.

Tito 1:8 ပူးပေါင်းရင်းမြစ်များ

1 Timoteo 3:2

Laj ilol re xtenamit li Yos tento naq maak'a'aq xq'usb'al, jun sut ajwi' sumsuuq, tuqtuuq xna'leb', chaab'ilaq xch'ool, tijb'ilaq, aj k'eholaq ochochnaal, seeb'aq xch'ool chi k'utuk,

Tito 2:7

Chak'e aawib' chi xk'amb'aleb' xb'e sa' chixjunil li chaab'il k'anjel: rik'in li tz'aqal tij, rik'in xloq'al laayu'am,

1 Reyes 5:7

Naq laj Jirán kirab'i li raatin laj Salomón, k'ajo' naq kisaho'k sa' xch'ool ut kixye: “Nimaq ta xloq'al li Qaawa' anaqwan, xb'aan naq xk'ehom re laj David jun ralal q'axal chaab'il xna'leb' chi xjolominkil li nimla tenamit a'an!”, chan.

1 Juan 5:1

Chixjunil li napaab'ank re naq li Jesus a'an li Kriist, a'an yo'lajenaq rik'in li Yos; ut chixjunil li narahok re junaq yuwa'b'ej naxra ajwi' li yo'lajenaq chaq rik'in.

1 Juan 3:14

Laa'o naqanaw chi us naq xoo'elk sa' li kamk ut xooq'axonk sa' li yu'am, xb'aan naq naqaraheb' li qas qiitz'in. Ani ink'a' narahok, nakanaak sa' li kamk.

1 Timoteo 6:11

A'ut laa'at aj raholat re li Yos, maab'aanu a'in; chayal b'an aaq'e chi xsik'b'al li tiikilal ut li roxloq'inkil li Yos; chasik' li paab'ank, li rahok, li kuyuk ut li tuulanil.

1 Timoteo 4:12

Maa'ani chitz'eqtaananq aawe sa' xk'ab'a' laasaajilal, chayal b'an aaq'e chi xk'amb'al xb'eheb' laj paab'anel rik'in aatinak, rik'in laayu'am, sa' li rahok, sa' laapaab'aal jo' ajwi' rik'in xsaqal ru laach'ool.

1 Ts 2:10

Laa'ex nekenaw chi tz'aqal, ut naxnaw ajwi' li Yos, chanru xsaqal ru li qayu'am, chanru li xtiikilal qach'ool chi maak'a' qaq'usb'al, naq xoowank sa' eeyanq laa'ex li nekexpaab'ank.

Salmos 16:3

A'ut eb' a'an naxik xch'ooleb' chirixeb' li yos li wankeb' sa' ruuchich'och', k'ojk'ookeb' li raanm rik'in xwankilaleb'.

1 Reyes 5:1

Naq laj Jirán, awab'ej re Tiro, kirab'i resil naq laj Salomón kixaqab'aak cho'q awab'ej sa' xna'aj laj David li xyuwa', kixtaqlaheb' li xtaql rik'in, xb'aan naq laj Jirán q'axal ramiiw laj David naq kiwank chi junelik.

1 Samuel 18:1

Naq laj David kiraqe'k chi aatinak rik'in laj Saúl, li xch'ool laj Jonatán kixjunaji rib' rik'in li xch'ool laj David, ut laj Jonatán kixra laj David jo' naxra rib' a'an.

2 Timoteo 3:3

Ink'a' chik te'xrahatq rib', maak'a'aq chik usilal rik'ineb', aj yoob'anelaqeb' aatin, ink'a' te'xkuy rib', q'axal josq'aqeb', xik' te'ril li chaab'ilal,

2 Timoteo 2:22

Tz'eqtaana chixjunil li naxik wi' xch'ooleb' li saaj al ut k'e aach'ool chirix li tiikilal, li paab'aal, li rahok, li tuqtuukilal, sa' junajil rik'ineb' li neke'yaab'ank re xk'ab'a' li Qaawa' chi saqeb' ru li xch'ool.

Amós 5:15

Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.

San Lucas 2:25

Aran Jerusalén wank jun li winq, aj Simehón xk'ab'a': li winq a'an tiik xch'ool ut aj paab'anel, yo chi royb'eninkil li xk'ojob'ankil xch'ool li tenamit Israel; ut li Santil Musiq'ej wank chi xb'een.

Hechos 24:25

Ab'anan, naq laj Pablo kixtikib' aatinak chirix li tiikilal, li kuyuk ib' ut li raqb'a aatin chaalel, laj Félix ki'ok xxiw ut kichaq'ok: —Tz'aqal a'in; truuq tatxik anaqwan. Jo'q'e tixk'e rib' chiwu, tintaqla wi' chik aab'oqb'al, chan.