Tito 1:3 - Q'eqchi Bible

³ ut naq kixtaw xq'ehil, kixk'ut li rajom rik'in li k'anjel kiq'axtesiik we re xpuktesinkil li raatin jo' chanru xchaq'rab' li Yos laj Kolol qe.

Li Santil hu

³ Nak quicuulac xkꞌehil li Dios laj Colol ke quixcꞌutbesi lix ya̱lal li colba-ib chiku. Tenebanbil saꞌ inbe̱n xban li Dios xchꞌolobanquil xya̱lal li colba-ib yalak bar.

Tito 1:3 ပူးပေါင်းရင်းမြစ်များ

1 Timoteo 1:11

li wank sa' xk'ab'a' li xChaab'il Esil li loq'laj ut usilaatinanb'il Yos, jo' chanru q'axtesinb'il we.

1 Timoteo 1:1

Laa'in laj Pablo, x'apóstol li Kristo Jesus, jo' chanru rajom li Yos laj Kolol qe ut li Kristo Jesus li qasahil oyb'enihom,

Tito 2:10

me'elq'ak, anchalaq b'an xch'ooleb' chi k'anjelak sa' tiikilal re naq sa' chixjunil taak'ehe'q xloq'al li xk'utum li Yos laj Kolol qe.

Tito 2:13

Yooko chi xyo'oninkil naq tixk'utb'esi rib' li xloq'al li Kristo Jesus, a'an li qaNimajwal Yos ut aj Kolol qe, li qasahilal ut qoyb'enihom.

1 Timoteo 4:10

A'in aj e naq yooko chi xtawasinkil qib' chi yalyo qaq'e, xb'aan naq wank qasahil oyb'enihom rik'in li yo'yookil Yos, a'an laj Kolol re chixjunileb' ut xb'een xb'een reheb' laj paab'anel.

1 Timoteo 2:3

Chixjunil a'in chaab'il ut loq' chiru li Yos laj Kolol qe:

1 Ts 2:4

Relik chi yaal, jo' naq li Yos kixyal qix ut kixq'axtesi qe li Chaab'il Esilal, jo'kan ajwi' naq naqapuktesi laa'o, maawa' re xk'ojob'ankil xch'ool li winq, re b'an xk'ojob'ankil xch'ool li Yos li naxyal qix sa' xchamal li qaanm.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

Colosenses 1:6

li kiwulak toj eerik'in ut yo chi uuchink ut chi k'ihank sa' eeyanq kama' ajwi' sa' chixjunil li ruuchich'och', chalen naq kerab'i resil li rusilal li Yos ut ketaw ru k'aru tz'aqal a'an.

Efesios 2:17

Kichalk chi xyeeb'al resil li tuqtuukil usilal eerik'in laa'ex li najt wankex chaq jo' ajwi' rik'ineb' li nach' wankeb'.

Gálatas 4:4

A'ut naq kixtaw xtz'aqlojik li kutan, li Yos kixtaqla chaq li Ralal, yo'lajenaq rik'in ixq, yo'lajenaq rub'el xwankil li Najter Chaq'rab',

1 Corintios 9:17

Wi ta ninb'aanu chi yal na'alaak sa' inch'ool, relik chi yaal naq twoyb'eni raj inq'ajkamunkil. Ab'an wi ninb'aanu a'in xb'aan naq chaq'rab'inb'ilin, naraj naxye naq a'an jun loq'laj k'anjel q'axtesinb'il we.

Isaías 45:21

Aatinanqex chi xkolb'al eerib'; wi teeraj, patz'omaq eerib' cherib'il eerib': Ani xk'ehok chi nawe'k a'in chalen chaq sa' xtiklajik? Ani ak xyehom chaq chalen chaq junxil? Ma maawa' tab'i' laa'in li Qaawa'? Maak'a' chik junaq yos chiwu laa'in. Laa'in li Yos tiik inch'ool ut aj kolonelin; maak'a' chik junaq yos chiwu laa'in.

Filipenses 1:13

Jo'kan naq jo'k'ihal li wankeb' sa' rochoch li ruuchil li awab'ej ut chixjunileb' li junch'ol chik neke'xnaw naq wankin sa' tz'alam sa' xk'ab'a' li Kriist.

Romanos 16:26

ab'anan k'utb'esinb'il chik anaqwan xb'aan li xtz'iib'ahomeb' li propeet sa' li Santil Hu, jo' x'alaak sa' xch'ool li junelik Yos. Li tz'aptz'ookil na'leb' a'in k'eeb'il chik chi nawe'k xb'aaneb' chixjunil li tenamit re naq te'ab'inq ut te'paab'anq.

Romanos 15:19

rik'in xninqal ru eetalil ut sachb'ach'oolej ut rik'in xnimal xwankil li xMusiq' li Yos. Xinraqe'k xpuktesinkil li xChaab'il Esil li Kriist: xintikib' chaq Jerusalén, xinsuti chixjunil li na'ajej toj reetal xinwulak Iliria.

Romanos 5:6

Naq toj maak'a' chaq qametz'ew, li Kriist kikamk sa' xk'ab'a'eb' laj maak, tz'aqal sa' xq'ehil.

Hechos 17:26

“Rik'in jun chi winq kixyoob'tesi chixjunileb' li tenamit re naq te'wanq junsut junrub'el choxa. Kixxaqab' li saq'ehil ut li hab'alq'e, jo'wi' li xnub'ajlil li xna'ajeb' li tenamit b'arwi' te'hilanq,

Hechos 10:36

A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal sa' xk'ab'a' li Jesukriist, a' li xQaawa' chixjunil li ruuchich'och'.

San Lucas 1:47

ut li waanm nasaho'k rik'in li Yos laj Kolol we,

San Marcos 16:15

Ut kixye reheb': “Ayuqex sa' chixjunil li ruuchich'och' ut chepuktesi li Chaab'il Esilal junsut junrub'el choxa.

San Marcos 13:10

Ut tento xb'enwa taapuktesimanq li Chaab'il Esilal sa'atqeb' chixjunil li tenamit.

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Daniel 11:27

Toja' naq eb' li wiib' chi awab'ej a'an te'k'ojlaaq chi wa'ak sa' jun chi meex ut te'xb'alaq'i rib' chirib'ileb' rib'; ab'anan yal maak'a'aq rajb'al, xb'aan naq toj maji' xhonalil li roso'jik.

Daniel 9:24

«Ak xaqxo lajeeb' xkaak'aal xamaan sa' xb'een laatenamit ut sa' xb'een Jerusalén b'arwi' wankat. Aajel ru a'an, re naq taaraqe'q li maa'usilal ut li q'etb'a aatin, jo'wi' re naq te'tojmanq rix chixjunileb' li maak, re xxaqab'ankil xwankil li tiikilal chi junajwa ut xsantob'resinkil wi' chik li Rochoch li Yos re naq taatz'aqloq ru li moy u xawil ut li xyehom li propeet.

Daniel 8:23

Ut sa' xraqik li x'awab'ejihomeb', naq numtajenaqaq li maa'usilal, taawakliiq chaq jun chik awab'ej q'axal wi' chik q'etq'et ut aj b'alaq'.

Isaías 45:15

Relik chi yaal naq laa'at li muqmuukil Yos, laa'at li xYos laj Israel, laj Kolonel.

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Apocalipsis 14:16

Ut li k'ojk'o sa' xb'een li choql kixch'ik li xch'iich' sa' li ruuchich'och', ut li ruuchich'och' kiq'ole'k.

Efesios 1:10

re naq tixb'aanu sa' xtz'aqlojik ru li kutan: a'an xxaqab'ankil li Kriist chi xjolomil chixjunil li wank sa' choxa ut li wank sa' ruuchich'och'.

San Marcos 1:15

“Xtz'aqlok xkutankil, li xnimajwal awab'ejihom li Yos ak nach' wank -chan-. Yot'omaq eech'ool jalomaq eek'a'uxl, ut paab'omaq li Chaab'il Esilal”.

Romanos 16:25

Chiqanima ru li Yos! A'an wank xwankil chi xk'eeb'al xkawub' eech'ool, jo' chanru li Chaab'il Esilal ninjultika ut ninpuktesi chirix li Jesukriist, jo' ajwi' chanru yo chi k'utunk xyaalal anaqwan li choxahil na'leb' tz'aptz'o ru naq kiwank chalen chaq q'e kutan,

2 Timoteo 4:17

Ab'an li Qaawa' xoltenq'anq we ut xk'e xkawub' linch'ool re xpuktesinkil chi yaal li Aatin re naq xe'rab'i chixjunileb' li tenamit. Ut xinkole'k sa' re li kaqkoj.