Tito 1:10 - Q'eqchi Bible

¹⁰ Xb'aan naq wankeb' naab'al aj q'etol aatineb', maak'a' rajb'al li neke'xye ut aj b'alaq'eb', ma' ta chaye eb' laj sirkunsisyon.

Li Santil hu

¹⁰ Chaqꞌuehak retal ani ta̱xakab chokꞌ aj cꞌamol be xban nak nabaleb li incꞌaꞌ nequeꞌxtau xya̱lal. Nequeꞌa̱tinac chi ma̱cꞌaꞌ rajbal ut nequeꞌxbalakꞌi li tenamit. Kꞌaxal cuiꞌchic nabaleb joꞌcaneb xnaꞌleb saꞌ xya̱nkeb li kech aj pa̱banelil aj judío.

Tito 1:10 ပူးပေါင်းရင်းမြစ်များ

1 Timoteo 1:6

Wankeb' xe'elk sa' li b'e a'in ut xe'sachk xb'aan naq neke'xb'ay rib' rik'in seeraq' maak'a' na'ok wi';

1 Juan 4:1

Ex inrahom, meepaab' chixjunil li musiq'ej; chek'ehaq b'an reetal ma rik'in li Yos chalenaq li musiq'ej, xb'aan naq naab'aleb' propeet aj b'alaq' xe'waklije'k chaq sa' ruuchich'och'.

Gálatas 2:4

Wankeb' ke'xch'ik rib'eb' sa' qayanq ut neke'xye rib' naq qas qiitz'ineb', a'aneb' li ke'ok chi muqmu re xk'eeb'al reetal li xnimal usilal wanko wi' sa' xk'ab'a' li Kristo Jesus, re raj qak'eeb'al rub'el xwankil li Chaq'rab'.

Efesios 4:14

Ink'a' chik kama'aqo li kok'al, chi moko eek'asinb'ilaqo ut k'amb'ilaqo xb'aan li iq' yalaq b'ar xb'aan k'a'aq re ru chi na'leb'il li yal naraj xch'ooleb' li winq aj tik'ti' ut aj lab'al, a'eb' li junes b'alaq'il neke'xyoob',

Santiago 1:26

Wi ani naxk'oxla rib' naq tz'aqal aj paab'anel ut ink'a' naxq'us li ru'uj raq', a'an naxb'alaq'i rib' xjunes, ut li xpaab'aal maak'a' rajb'al.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

Hechos 11:2

Ab'anan naq laj Pedro kisutq'iik wi' chik Jerusalén, kiq'use'k xb'aaneb' laj sirkunsisyon:

Apocalipsis 2:14

Ab'anan wank k'aru tatinq'us wi': wank wankeb' aawik'in li neke'xpaab' li xk'utum laj Balaham. A'an kik'utuk chiru laj Balak xq'unb'esinkileb' chi maakob'k eb' li ralal xk'ajol laj Israel re naq te'xtzeka li tib' mayejanb'il chiru li xyoseb' ut te'xmux rib'eb'.

Apocalipsis 2:6

Ab'anan wank li us nakab'aanu, a' naq xik' nakawil li neke'xb'aanu eb' laj nikolaíta; jo'kan ajwi' laa'in xik' nawil li xna'leb'eb'.

1 Juan 2:18

Ex inkok'al, ak xtaw xhonal li roso'jikeb' li kutan. Eerab'ihom resil naq chalk re laj Tz'eqtaanahom re li Kriist. Relik chi yaal naq naab'aleb' laj tz'eqtaanahom re li Kriist xe'waklije'k chaq; jo'kan naq naqataw ru naq anaqwan li roso'jikeb' li kutan.

2 Timoteo 4:4

te'xkanab' rab'inkil li yaal ut a' chik li seeraq' maak'a' na'ok wi' taawulaq chiruheb'.

1 Timoteo 1:4

chi moko chixik xch'ooleb' chirix b'alaq'il seeraq', jo'wi' chirix xwech'inkil rix li xxe' xtoonaleb': chixjunil a'in maak'a' roso'jik. Li na'leb' a'in nak'amok chaq wech'ij ib' ut ink'a' na'okenk sa' xnimal xk'a'uxl li Yos, li k'ojk'o sa' li paab'aal.

Gálatas 3:1

Ex aj Galacia maak'a' eena'leb'! Ani xtuulank eere? Chi xnaq' eeru xch'olob'amank xyaalal li Jesukriist k'eeb'il chiru krus!

Hechos 20:29

Ninnaw naq, akaq xkohin, wanqeb' josq' aj xojb' te'ok sa' eeyanq li te'xrahob'tesi eb' li karneer.

Hechos 15:1

Wankeb' aj Judea ke'wulak Antiokía, yookeb' chi xtzolb'aleb' laj paab'anel chi jo'ka'in: “Wi ink'a' teek'ul li sirkunsisyon jo' naxye li xChaq'rab' laj Moisés, ink'a' truuq texkole'q”, chankeb'.

Hechos 15:24

Xqab'i resil naq wankeb' sa' qayanq koxe'okaq chi xyoob'ankil jun li ch'a'ajkilal ut chi xpo'b'al eech'ool rik'ineb' li raatin. Moko laa'o ta xootaqlank reheb' a'an.

1 Timoteo 1:9

ak ch'olch'o chiqu naq li Chaq'rab' moko k'eeb'il ta cho'q reheb' li tiikeb' xch'ool, reheb' b'an li ink'a' neke'raj ab'ink ut aj q'etoleb' aatin, reheb' ajwi' li ink'a' useb' xna'leb' ut aj maakeb', eb' li ink'a' neke'xpaab' li Yos ut aj muxuneleb' paab'aal, eb' li neke'xkamsi xna' xyuwa' malaj ras riitz'in,

Tito 1:6

Maak'a'aq xq'usb'al li ani taaxaqab', jun sut ajwi' sumsuuq, aj paab'anelaqeb' li ralal xk'ajol ut maak'a'aq xjitb'aleb' chirix wank chi jo'maajo', chi moko aj q'etol aatinaqeb'.

1 Juan 2:4

Wi junaq nayehok: “Laa'in ninnaw ru”, ut wi ink'a' naxpaab' li xchaq'rab', a'an aj tik'ti' ut maak'a' li yaal rik'in.