Tito 1:1 - Q'eqchi Bible

¹ Laa'in laj Pablo, xmoos li Yos ut x'apóstol li Jesukriist re naq li sik'b'ileb' ru xb'aan li Yos te'ok sa' li paab'aal ut te'xnaw chi us li yaal jo' chanru naraj li paab'ank

Li Santil hu

¹ La̱in laj Pablo. Yo̱quin chi tzꞌi̱bac a̱cuiqꞌuin, at Tito. Nincꞌanjelac chiru li Dios ut la̱in x-apóstol li Jesucristo. Xakabanbilin xban li Jesucristo re xtenkꞌanquileb li sicꞌbileb ru xban li Dios re nak tzꞌakalak re ru lix pa̱ba̱leb. Ut xakabanbilin re xtenkꞌanquileb re nak teꞌxtau ru chi tzꞌakal lix ya̱lal li colba-ib ut ta̱ti̱cobresi̱k lix chꞌo̱leb.

Tito 1:1 ပူးပေါင်းရင်းမြစ်များ

Romanos 1:1

Laa'in laj Pablo, xmoosin li Kristo Jesus, b'oqb'ilin chi wank cho'q apóstol ut sik'b'il wu chi xpuktesinkil li xChaab'il Esil li Yos

1 Timoteo 6:3

Wi wank junaq jalan chik yo chi xk'utb'al ut ink'a' naxpaab' li xchaab'il aatin li Qaawa' Jesukriist jo'wi' li qatzolb'al sa' li qapaab'aal,

2 Timoteo 2:25

Chixnaw xtzolb'aleb' sa' tuulanil eb' li xik' neke'ilok re. Mare anchal li Yos tixk'e chi xyot'b'aleb' xch'ool ut chi xjalb'aleb' xk'a'uxl re naq te'xnaw chi us li yaal.

2 Timoteo 2:23

Maach'ik aawib' sa' xyanqeb' li neke'xwech'i rib' chirix memil aatin li maak'a' xyaalal; laa'at nakanaw chi us naq junes raaxiik' naxyoob' a'an.

2 Pedro 1:3

Li xnimal xwankil li Kriist kixsi qe chixjunil li nak'anjelak sa' li qayu'am ut sa' li qapaab'aal, sa' xk'ab'a' xnawb'al ru li Yos li kib'oqok chaq qe rik'in li xloq'al ut li rusilal.

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

2 Pedro 3:11

Rik'in naq chixjunil li k'a'aq re ru a'in te'oso'q chi jo'kan, tento naq wanqex sa' santilal ut rik'in paab'ank;

1 Timoteo 2:4

A'an naraj naq chixjunileb' te'kole'q ut toxe'xtaw ru k'aru li yaal.

Colosenses 2:2

re naq taak'ojlaaq xch'ooleb', junajaq xk'a'uxeb' sa' li rahok, toxe'xtaw li xnimal b'ihomal wank sa' li nawok yaal chi tz'aqal jo'wi' sa' xtawb'al ru li xmuqmuukil na'leb' li Yos, a'an li Kriist.

Filipenses 1:1

Laa'in laj Pablo, wochb'een laj Timoteo, aj k'anjelo chiru li Kristo Jesus, nokootz'iib'ak rik'ineb' chixjunil li wankeb' xsantilal sa' xk'ab'a' li Kristo Jesus, eb' li wankeb' aran Filipos, rochb'eeneb' laj jolominel ut eb' li diákono.

2 Corintios 1:1

Laa'in laj Pablo, x'apóstol li Jesukriist jo' x'alaak sa' xch'ool li Yos, nintz'iib'ak, wochb'een laj Timoteo li wiitz'in, rik'in li x'Iklees li Yos li wank Korinto jo'wi' rik'ineb' chixjunil laj santil paab'anel li wankeb' sa' xsutam Akaya.

Hechos 13:48

Naq eb' li maawa'eb' aj Judiiy ke'rab'i a'in, ke'saho'k sa' xch'ool ut ke'ok chi xnimankil xwankil li Raatin li Qaawa'. Ut chixjunileb' li ak xaqab'anb'ileb' chi xtawb'al li junelik yu'am ke'ok chi paab'ank,

1 Crónicas 6:49

Laj Aharón ut eb' li ralal xk'ajol a'aneb' li neke'k'atok mayej sa' xb'een li artal reheb' li k'atb'il xul ut sa' xb'een li artal re li k'ajpom. Neke'xb'aanu chixjunil li k'anjel aajel ru re li Loq'laj Na'ajej ut neke'mayejak re xtojb'al rix li xmaakeb' laj Israel, jo' chanru kixye laj Moisés laj k'anjel chiru li Yos.

Efesios 2:8

Chek'e reetal, kolb'ilex xb'aan li rusilal li Yos, sa' xk'ab'a' li paab'aal; ut a'in moko eena'leb' ta laa'ex, yal eemaatan xb'aan li Yos.

1 Juan 2:23

Chixjunil li ink'a' nach'olob'ank chirix li K'ajolb'ej, a'in maak'a' li Yuwa'b'ej rik'in; ab'an li nach'olob'ank chirix li K'ajolb'ej, wank li Yuwa'b'ej rik'in.

San Lucas 18:7

Ma toja' ta chik li Yos ink'a' tixkoleb' li sik'b'ileb' ru xb'aan, li neke'yaab'ank re li xk'ab'a' chi q'eq ut chi kutan, us ta tixk'eheb' chi oyb'enink?

2 Timoteo 2:10

Jo'kan naq nalajinkuy chixjunil sa' xk'ab'a'eb' li sik'b'ileb' ru xb'aan li Yos, re naq eb' a'an ajwi' te'xtaw li kolb'a ib' li wank rik'in li Kristo Jesus jo' ajwi' li junelik loq'al.

Santiago 1:1

Laa'in laj Santiago, xmoos li Yos ut xmoos li Qaawa' Jesukriist, nintaqla xsahil xch'ooleb' li kab'laju teep chi tenamit xcha'cha'ihomeb' rib' yalaq b'ar.

Apocalipsis 1:1

A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;