Sofonías 3:8 - Q'eqchi Bible

⁸ Jo'kan naq chineeroyb'eni wan laa'ex sa' li kutan a'an, chan li Qaawa', naq tinchalq chi raqok aatin sa' eeb'een. Tinch'utub'eb' li tenamit ut eb' li awab'ej re xkutb'al linjosq'il sa' xb'eeneb', jo' ajwi' re xk'utb'al jo'nimal li naxamnak wi' li waanm. Ut chixjunil li ruuchich'och' taasache'q xb'aan linjosq'il.

Li Santil hu

⁸ Joꞌcan nak chine̱roybeni cuan, chan li Ka̱cuaꞌ, toj ta̱cuulak xkꞌehil nak tincuisi injoskꞌil saꞌ e̱be̱n. La̱in ac xinye nak tinchꞌutubeb ru lix ni̱nkal ru tenamit ut tinrakok a̱tin saꞌ xbe̱neb. Chanchan li xam nak tincꞌut lin joskꞌil che̱ru. Tinsacheb ru chixjunil le̱ tenamit xban nak yo̱ injoskꞌil saꞌ e̱be̱n.

Sofonías 3:8 ပူးပေါင်းရင်းမြစ်များ

Joel 3:2

Tinch'utub'eb' chixjunil li tenamit ut tink'ameb' sa' xtaq'ahil Josafat. Aran tinraqoq aatin sa' xb'eeneb' chirix laj Israel, xb'aan naq ke'xcha'cha'i lintenamit ut li weechanihom, sa' chixjunil li ruuchich'och', ut ke'xjek'i linna'aj chirib'ileb' rib'.

Sofonías 1:18

Sa' xkutankil li xjosq'il li Qaawa', maak'a' taakoloq reheb' li poyanam, chi moko li plaat chi moko li oor, xb'aan naq chixjunil li ruuchich'och' taa'oso'q sa' xxamlel xjosq'il li Yos. Jo'k'ihaleb' li wankeb' junsut junrub'el choxa te'oso'q sa' junpaat.

Miqueas 7:7

A'ut laa'in kaw nin'oyb'enink rik'in li Qaawa', k'ojk'o linch'ool rik'in li Yos laj kolol we: ninnaw naq A'an taa'ab'inq we.

Salmos 27:14

K'ojk'ooq aawaanm rik'in li Qaawa', kawaq aach'ool ut chatkuyuq; k'ojk'ooq aawaanm rik'in li Qaawa' chi junelik!

2 Pedro 3:10

Li xkutankil li Qaawa' tol'elq jo' junaq aj elq'. Sa' li kutan a'an tenloq xyaab' li choxa naq taa'oso'q. Li k'a'aq re ru nak'uub'ank re li ruuchich'och' te'oso'q sa' xam; li ch'och' ut chixjunil li wank chisa' taak'atq.

Apocalipsis 16:14

A'aneb' xmusiq'eb' laj tza, li neke'b'aanunk sachb'ach'oolej ut neke'xik wankeb' wi' li awab'ej re chixjunil li ruuchich'och' re xch'utub'ankileb' chi yalok sa' li xnimal xkutankil li Nimajwal Yos.

San Mateo 25:32

Chixjunileb' li tenamit talaje'ch'utub'aaq chiru, ut taarisi li junch'ol sa' xyanqeb' li junch'ol chik, jo' laj k'aak'alenel ketomq narisiheb' li karneer sa' xyanqeb' li chib'aat.

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Oseas 12:6

Jo'kan naq laa'ex aj Israel sutq'inqex rik'in leeYos: chexrahoq ut chexwanq sa' tiikilal, ut k'ojk'ooq leech'ool rik'in leeYos chi junelik.

Isaías 30:18

Ab'an li Qaawa' yo royb'eninkil li honal re rusilankil eeru. Taawakliiq chaq chi xtoq'ob'ankil eeru, xb'aan naq tiik xch'ool li Qaawa'. Us xaq reheb' li k'ojk'o xch'ooleb' rik'in!

Cantares 8:6

K'ehin cho'q kaaxt chiru laach'ool, jo' junaq kaaxt chiru laatelb', xb'aan naq jwal kaw rib' li Rahok jo' li Kamk, wank xwankil li Sowenak jo' li Xb'alb'a: li xxamlel li Rahok a'an tiqwal xam, tz'aqal xam li nachalk rik'in li Yos!

Proverbios 20:22

Maak'oxla reeqajunkil li rahilal xak'ul. K'ojob' aach'ool rik'in li Yos, ut A'an taakoloq aawe.

Salmos 123:2

Jo' laj k'anjel winq kaw na'ilok sa' ruq' laj eechal re, kama' laj k'anjel ixq kaw na'ilok sa' ruq' laj eechal re, jo'kano ajwi' laa'o: kaw li qilob'aal rik'in li Qaawa' li qaYos toj reetal tolril xtoq'ob'aal qu.

Salmos 62:5

Junes xsachb'al inwankil nekek'oxla, ut rik'in li tik'ti' nasaho'k sa' eech'ool: sa' leere wank li usilaatinak, a'ut sa' leech'ool a' chik li maa'usilaatinak.

Salmos 62:1

Re li xjolomileb' laj b'ichanel jo'wi' re laj Jedutún. Xsaalm laj David.

Salmos 37:34

Kawaq aach'ool rik'in li Qaawa' ut b'aanu li rajom: taak'ehe'q aaloq'al ut taaweechani li chaab'il na'ajej; laa'at toxaawil xsachik li ink'a' useb' xna'leb'.

Salmos 37:7

Hilan rik'in li Qaawa', chiwanq aawoyb'enihom rik'in; matjosq'o'k xb'aan li winq li us na'elk sa' chixjunil, chi moko xb'aaneb' li tenamit li junes raaxiik' neke'xyoob'.

Salmos 12:5

eb' li neke'yehok re: “Li ru'uj qaq' a'an qakawilal; li xtz'uumal qe nokooxtenq'a, ani tawi' taataqlanq sa' qab'een?”.

Apocalipsis 16:1

Chirix chik a'an kiwab'i jun xyaab' kuxej q'axal kaw sa' rochoch li Yos, yo chi xyeeb'al reheb' li wuqub' chi ánjel: “Ayuqex ut hoyomaq sa' xb'een li ruuchich'och' li wuqub' chi sek', li wank xjosq'il li Yos chisa'”.

Salmos 79:5

Toj jo' najtil chik yooq laajosq'il, at Qaawa'? Ma junelik taak'atoq laajosq'il kama' li xam?

Salmos 79:6

Chapo' laach'ool sa' xb'eeneb' li poyanam li ink'a' neke'xnaw aawu, sa' xb'eeneb' li tenamit li ink'a' neke'xyaab'a laak'ab'a'.

Isaías 14:26

A'an a'in li xink'uub' xb'aanunkil sa' li ruuchich'och', ut a'an li xinteneb' sa' xb'een chixjunileb' li tenamit.

Jeremías 10:25

Isi laajosq'il sa' xb'eeneb' li tenamit li ink'a' neke'nawok aawu, jo' ajwi' sa' xb'eeneb' li poyanam li ink'a' neke'tijok chawu. Xb'aan naq xe'xsach ruheb' li ralal xk'ajol laj Jakob toj reetal xe'oso'k chi junajwa, ut nakirirnak aj chik li xna'ajeb' xe'xkanab'.

Hageo 2:22

Tinjuk' li xwankileb' li neke'awab'ejink re li ruuchich'och' ut twisiheb' li awab'ej sa' li xna'ajeb'; tinpak'lusiheb' li b'eleb'aal ch'iich' re yalok ut eb' li wankeb' chisa'. Te'kamsije'q eb' li kawaay ut eb' li winq; li junjunq taakamsiiq chi q'esnal ch'iich' xb'aan li ras riitz'in.

Isaías 34:2

K'ajo' xjosq'il li Qaawa' rik'in chixjunil li tenamit jo'wi' rik'in chixjunileb' laj puub'. Xteneb' li tojb'amaak sa' xb'eeneb' ut xq'axtesiheb' chi kamk.

Isaías 63:6

Xinyeq'iheb' li tenamit xb'aan linjosq'il, xinsach ruheb' ut li xkik'eleb' xb'eek chiru ch'och' naq xe'oso'k”.