Sofonías 3:20 - Q'eqchi Bible

²⁰ Chiruheb' li kutan a'an texink'am chaq ut texinch'utub'. Toja' naq tinnima leek'ab'a' ut texink'e chi nawe'k sa' xyanqeb' chixjunileb' li tenamit sa' ruuchich'och', naq texwosob'tesi wi' chik”, chan li Qaawa' Yos.

Li Santil hu

²⁰ Saꞌ eb li cutan aꞌan, la̱in texinchꞌutub ut texincꞌam cuiꞌchic saꞌ le̱ naꞌaj ut tinqꞌue cuiꞌchic le̱ lokꞌal ut naꞌno̱k chic e̱ru yalak bar saꞌ ruchichꞌochꞌ. Ut tinqꞌue cuiꞌchic li cꞌaꞌru e̱re ut sa chic texcua̱nk, chan li Ka̱cuaꞌ.

Sofonías 3:20 ပူးပေါင်းရင်းမြစ်များ

Jeremías 29:14

Tink'e wib' chi tawe'k eeb'aan ut tink'eheb' chaq chi sutq'iik leekomon li wankeb' chaq chi preexil; texwisi chaq sa' chixjunileb' li tenamit ut na'ajej b'arwi' xexincha'cha'i, texinch'utub' ut texinsutq'isi wi' chik sa' li na'ajej b'arwi' kexwisi. Laa'in, li Qaawa', ninyehok re a'in».

Malaquías 3:12

Toja' naq chixjunileb' li tenamit te'xye naq osob'tesinb'ilex, xb'aan naq k'ajo'aq chik xch'ina'usal leena'aj”, chan li Nimajwal Yos.

Isaías 56:5

laa'in wank k'aru jwal loq' tink'e reheb' jo' ruuchil li ralal xk'ajoleb': sa' li wochoch, chiruheb' lintz'ak, tink'e naq tz'iib'anb'ilaq li xk'ab'a'eb'; patz'b'ilaqeb' chi junelik ut maajoq'e chik te'sache'q xloq'al.

Sofonías 3:19

K'e reetal, sa' li kutan a'an tinsach ruheb' chixjunileb' li neke'rahob'tesink aawe. Tintenq'aheb' li karneer li yeq roqeb' ut tinxok chaq li sachenaq. Tinterq'usi leeloq'al ut leek'ab'a' sa' chixjunil li na'ajej b'arwi' xek'ul rahilal.

Amós 9:14

Toja' naq tink'ameb' chaq wi' chik lintenamit Israel sa' li xna'ajeb'. Te'xyiib' wi' chik eb' li tenamit li ke'juk'mank, ut aran te'wanq; te'awq uub' ut te'uk'aq b'iin; te'awq ut te'xtzeka li ru.

Joel 3:1

“Naq taawulaq xkutankil ut xq'ehil, tinsutq'isiheb' chaq wi' chik sa' li xna'ajeb' eb' laj Judá ut eb' laj Jerusalén.

Ezequiel 34:16

Tinsik' chaq li karneer sachenaq, tinsutq'isi chaq li xcha'cha'iik, tinb'an li xtiq' rib', tink'irtasi li yaj ut twileb' ajwi' li ninqeb' xtib'el ut kaweb' rib'. Tinb'eresiheb' sa' tiikilal.

Isaías 60:15

Xattz'eqtaanaak, xatmajewaak ut junaatalat naq xatwank; ab'an chalen anaqwan tink'e aaloq'al chi junelik ut laa'ataq li xsahil xch'ooleb' chixjunileb' junq'e junq'e kutan.

Sofonías 2:7

Ut jo'k'ihaleb' te'kole'q sa' xteepal Judá a'aneb' chik te'eechaninq re li na'ajej a'an. Aran te'xk'aak'ale li xketomqeb' ut te'hilanq sa' rochocheb' laj Askalón, naq li Qaawa' li qaYos tolxtenq'aheb' laj Judá ut tixsutq'isiheb' wi' chik sa'eb' li xna'ajeb'.

Ezequiel 39:28

Xintaqlaheb' chi preexil sa' xyanqeb' li jalanil tenamit, ut tinch'utub'eb' wi' chik sa' li xna'ajeb'. Maajun reheb' taakanaaq chaq sa' jalan tenamit. Toja' naq te'xnaw naq laa'in li Qaawa', li xYoseb'.

Ezequiel 37:21

ut ye reheb': «Jo'ka'in xye li Qaawa': Ok we chi risinkileb' chaq laj Israel sa' xyanqeb' li tenamit koxe'na'ajunq wi'; tinch'utub'eb' yalaq b'ar ut tink'ameb' chaq wi' chik sa' li xna'ajeb'.

Ezequiel 28:25

“Laa'in, li Qaawa', ninye chi jo'ka'in: Tinch'utub' li tenamit Israel sa' xyanqeb' li tenamit cha'chookeb' wi', ut tink'ut linsantilal chiruheb'. Eb' li ralal xk'ajol aj Israel te'na'ajunq sa' li xna'ajeb', sa' li ch'och' kink'e re laj Jakob, laj k'anjel chiwu.

Isaías 66:22

“Jo' naq li ak' choxa ut li ak' ruuchich'och' li tinyoob'tesi wanqeb' chiwu chi junajwa, jo'kan ajwi' naq te'wanq leeralal eek'ajol ut leek'ab'a', -chan li Qaawa'-.

Isaías 61:9

Q'axal nawnooq ruheb' li ralal xk'ajol xb'aaneb' li tenamit, ut chixjunileb' li te'iloq reheb' te'xk'e reetal naq a'aneb' jun tenamit osob'tesinb'il xb'aan li Qaawa'.

Salmos 35:6

Q'oqyinaq taxaq ru li xb'eheb' ut yolyolaq ru, naq yooq raanilasinkileb' xb'aan li x'ánjel li Qaawa'.

Ezequiel 37:12

Jo'kan naq aatinaheb' ut ye reheb': «Jo'ka'in xye li Qaawa': Ex intenamit, ok we chi xteeb'al eb' li muqleb'aal wankex wi', texwisi chisa' ut texink'am chaq wi' chik sa' xteepal Israel.

Isaías 62:12

“Santil tenamit” taayeemanq reheb' laj Israel; “kolb'ileb' xb'aan li Qaawa'” te'xk'ab'a'in. Ut li tenamit Jerusalén tixk'ab'a'in: “Rahinb'il ru”, “Tenamit ink'a' chik tz'eqtaananb'il”.

Ezequiel 16:53

«Laa'in tink'e wi' chik xsahilal Sodoom ut eb' li xk'aleb'aal; twosob'tesi ajwi' Samaria ut eb' li xk'aleb'aal. Chirix chik a'an tatink'ojob' wi' chik sa' laana'aj sa' xyanqeb' a'an,

Isaías 62:7

meek'e chi hilank li Qaawa' toj reetal tixwaklesi wi' chik li xtenamit ut chixjunil li ruuchich'och' tixnima xloq'al Jerusalén.

Isaías 56:8

Laa'in tinsutq'isiheb' chaq li toj wankeb' chi preexil sa' ab'l tenamit, tinch'utub'eb' ut te'wanq sa' junajil”. A'an a'in raatin li Qaawa' li nach'utub'ank reheb' laj Israel li xe'cha'cha'iik sa' najtil tenamit.

Deuteronomio 26:18

Jo'kan ajwi', sa' li kutan a'in, li Qaawa' xye naq laa'at tz'aqal li xtenamit, jo' chanru kixyeechi'i aawe junxil, ut laa'at tento taak'uula sa' aach'ool chixjunil li xchaq'rab'.

Deuteronomio 26:19

A'an tixterq'usi laaloq'al, laak'ab'a' ut laawankil sa' xb'een chixjunileb' li tenamit li kixyoob'tesi, ut laa'ataq jun tenamit q'axtesinb'ilaq cho'q re li Qaawa' laaYos, jo' chanru kixye aawe A'an”.

Jeremías 30:3

xb'aan naq twulaq xkutankil naq tinsutq'isiheb' chaq wi' chik eb' lintenamit Israel ut Judá li wankeb' chaq chi preexil. Laa'in, li Qaawa', ninyehok re a'in. Tink'eheb' chi wank sa' li xna'ajeb' ink'ehom reheb' li xxe'toonil yuwa'”, chan li Qaawa'.

Ezequiel 39:13

Chixjunileb' li poyanam laatz'aq ruheb' chi muquk kamenaq, ut aran te'xtaw xloq'aleb'. Sa' li kutan a'an tink'ut linloq'al -chan li Qaawa'-.

Zacarías 8:8

ut tink'ameb' chaq re naq te'hilanq Jerusalén. A'anaqeb' lintenamit ut laa'inaq li xYoseb': Yos re li tiikilal ut tiikil ch'oolej”.

Jeremías 23:3

Laa'in tink'ameb' chaq linkarneer b'arwi' xwaanilasiheb', tinch'utub'eb' ut teb'ink'am chaq wi' chik sa' li xna'ajeb', re naq te'k'iiq ut te'k'ihanq.

Jeremías 33:9

Jerusalén a'anaq li xnimal xsahil linch'ool, a'anaq linloq'al ut linwankil sa' xyanqeb' chixjunil li tenamit sa' ruuchich'och'. Naq eb' a'an te'rab'i resil chixjunil li us tink'am chaq sa' xb'eeneb' laj Jerusalén, ut chixjunil li usilal tinb'aanu reheb', te'xsiksiki rib' ut te'sachq xch'ool”.

Miqueas 2:12

Ok we chi xch'utub'ankil chixjunil li xtenamit laj Jakob; twaj tinxok li rela'eb' laj Israel. Tinch'utub'eb' jo' na'uxk reheb' li karneer sa' li koral, jo' na'uxk reheb' li ketomq sa' li pach'aya'; ut tz'aapixikaq rab'inkileb' xb'aan xk'ihaleb'.

Miqueas 4:7

Sa' xyanqeb' li yeq ra'eb' tinkol jun ch'uut li taakanaaq; ut eb' li najt wankeb' chaq tink'uub' junaq kawil tenamit rik'ineb'. Toja' naq tin'awab'ejinq sa' xb'eeneb' aran Sión, chalen anaqwan ut chi junelik.

Zacarías 8:13

Jo' naq laa'ex aj Judá ut aj Israel majewanb'ilex sa' xyanqeb' li tenamit naq kexwank, jo'kan naq chalen anaqwan osob'tesinb'ilaqex chik naq texinkol. Mexxiwak ut meech'ina eech'ool!