Sofonías 3:15 - Q'eqchi Bible

¹⁵ Xb'aan naq li Qaawa' xrisi li raqb'a aatin sa' aab'een ut xraanilasiheb' li xik' neke'ilok aawe. Li Qaawa', li x'awab'ej laj Israel, wank aawik'in, ut maajun chik taaxib'esinq aawe.

Li Santil hu

¹⁵ Li Ka̱cuaꞌ xrisi li raylal li xqꞌue saꞌ e̱be̱n ut xrisiheb li xicꞌ nequeꞌiloc e̱re. Li Ka̱cuaꞌ aꞌanak chic le̱ rey, la̱ex aj Israel. Joꞌcan nak ma̱cꞌaꞌ chic te̱xucua xban nak ma̱cꞌaꞌak chic li raylal saꞌ e̱be̱n.

Sofonías 3:15 ပူးပေါင်းရင်းမြစ်များ

Isaías 51:22

Jo'ka'in kixye li Qaawa', laaYos, laj kolol re laatenamit: “Twisi sa' laawuq' li xsek'ul li rahilal, li xsek'ul linjosq'il li xatkalaak wi'; ink'a' chik taawuk' xsa'.

Ezequiel 39:29

Ink'a' chik teb'inkanab' xjuneseb', xb'aan naq xinhoy linmusiq' sa' xb'eeneb' li ralal xk'ajol laj Israel. Laa'in li Qaawa' ninye li waatin”.

Sofonías 3:5

Ab'anan li Qaawa' wank sa' xyanqeb'. A'an usilal naxb'aanu, ut maawa' li ink'a' us. Wulaj wulaj naraqok aatin ut rajlal eq'la naxk'ut li tiikilal chiruheb'. A'ut li reemaaru aj winq ink'a' naxnaw xutaanak.

Amós 9:15

Xb'aan naq teb'ink'ojob' sa' li xch'och'eb', ut maajoq'e chik te'isiiq sa' li xna'ajeb' ink'ehom reheb', chan li Qaawa' laaYos”.

San Juan 1:49

Kichaq'ok laj Natanael: —At Tzolonel, laa'at li Ralal li Yos, laa'at li xReyeb' laj Israel, chan re.

Zacarías 14:11

Relik chi yaal naq te'wanq poyanam aran Jerusalén ut maajun wa chik taasachmanq li tenamit a'an. Sa' tuqtuukilal chik te'wanq eb' li poyanam, chi maak'a'aq chik xib'esink.

Zacarías 12:3

“Sa' li kutan a'an tink'e Jerusalén jo' junaq aalilpek cho'q reheb' chixjunileb' li tenamit: jo'k'ihaleb' li te'raj xjunajinkil rib' re numtaak sa' xb'een, q'axal ra te'xk'ul.

Isaías 60:18

Ink'a' chik taa'ab'iiq resil li rahilal sa' laatenamit chi moko taawanq chik raaxiik' malaj sachok sa' laana'aj, taaye b'an reheb' laasuttz'ak: «Laa'ex linkolb'a ib'», ut laawokeb'aal «Nimaal u» chik tixk'ab'a'in.

Isaías 33:22

Xhite'k li xk'aamaleb' li jukub', ink'a' chik xaqxo chi kaw li roqechal sa' xna'aj ut ink'a' chik naru xhelb'al li xnimal xt'ikrul li jukub'. Naab'al xb'ihomaleb' li xik' neke'ilok qe taaqeechani: te'tz'aqonq ajwi' eb' li mutz', ut eb' li yeq roqeb' te'xkut rib' sa' xb'een chi relq'ankil. Xb'aan naq li Qaawa' a'an laj raqol aatin sa' qab'een, a'an laj k'amol qab'e; li Qaawa' a'an li qaRey. A'an ajwi' taakoloq qe.

Salmos 85:3

Xakuy xmaakeb' laatenamit ut xasach chi junajwa chixjunil li kimaakob'k wi'.

Apocalipsis 12:10

Toja' naq kiwab'i jun xyaab' kuxej sa' choxa, kaw yo chi xyeeb'al: “Anaqwan ak xk'ulunk li kolb'a ib', li xnimal xloq'al ut li x'awab'ejihom li qaYos ut li xwankilal li xKriist, xb'aan naq xkute'k chaq taq'a laj jitol reheb' li qiitz'in, a' li najitok reheb' chiru li qaYos chi q'eq ut chi kutan.

Apocalipsis 7:15

“Jo'kan naq wankeb' chiru li xnimajwal k'ojarib'aal li Yos ut neke'k'anjelak chiru chi q'eq ut chi kutan sa' li rochoch; ut li k'ojk'o sa' li nimajwal k'ojarib'aal taamuheelanq reheb'.

San Juan 19:19

Laj Pilaat kixtz'iib'a ajwi' jun eetalil ut kixk'e sa' xjolom li krus. A'an a'in li kixtz'iib'a: “Li Jesus aj Nazaret, xReyeb' laj Judiiy”.

San Juan 12:15

“Matxiwak, at xrab'in Sión. Il, we' chaq laaRey k'ojk'o chaq chirix ral jun li b'uur”.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Sofonías 3:17

Li Qaawa' laaYos wank aawik'in: A'an q'axal nim xwankil ut tatxkol. K'ajo' naq tsaho'q xch'ool sa' laak'ab'a'! Rik'in li xrahom tix'ak'ob'resi laayu'am, ut taab'ichanq xb'aan xsahil xch'ool

Habacuc 2:17

Li maa'usilal xab'aanu aran Líbano taaq'apluuq sa' aab'een, ut k'ajo' naq tatxiwaq xb'aan li xkik'eleb' li k'iila xul xakamsiheb'. Chixjunil a'in taachalq sa' aab'een xb'aan laamaa'usilal jo' ajwi' xb'aan chixjunil li xab'aanu re li qana'aj, reheb' li qatenamit ut reheb' li jo'k'ihal wankeb' chisa'.

Miqueas 7:10

Li xik' na'ilok we taaril a'an; taaril ut taakanaaq sa' xutaan. Ut li xyehok we junxil: “B'ar wank li Qaawa' laaYos?”, anaqwan taasaho'q linch'ool chi rilb'al naq taayeq'iiq sa' oqej jo' xsululel li b'e.

Joel 3:17

“Toja' naq teetaw xyaalal naq laa'in li Qaawa' leeYos ut wankin Sión sa' linloq'laj tzuul. Jerusalén a'anaq li santil tenamit, ut maajun sut chik te'wanq aran eb' li jalaneb' xtenamit.

Ezequiel 48:35

Li roq chixjunil li xsuttz'akil li tenamit a'an kach'in chik maa wiib' leew, ut chalen sa' li kutan a'an li tenamit tixk'ab'a'in: «Li Qaawa' wank arin»”.

Isaías 65:19

“Laa'in sahaq inch'ool rik'in Jerusalén, ut lintenamit tixk'e xnimal xsahil li waanm. Ink'a' chik taa'ab'iiq aran li yaab'ak chi moko li q'oqonk.

Isaías 54:14

K'ojk'ooqat sa' xb'een li tiikilal, kolb'ilaqat chiru li rahob'tesiik ut li xiwak, ut maajun chik taaxib'esinq aawe.

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

Génesis 30:23

Kisiyank, kiwank jun xk'uula'al ut kixye: “Li Yos xrisi linxutaan”.

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

Habacuc 2:8

Jo' naq xamaq' li xb'ihomaleb' li k'iila tenamit, jo'kan ajwi' naq te'xmaq' chawu li k'a'aq re ru xawelq'a. Jalanil tenamit taak'ehoq aawe chi xtojb'al rix laamaa'usilal jo' ajwi' chixjunil li xab'aanu re li qana'aj, reheb' li qatenamit ut reheb' li jo'k'ihal wankeb' chisa'.

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

San Juan 5:30

“Laa'in maak'a' naru ninb'aanu injunes wib': a' yaal chanru nawab'i, ninraqok aatin, ut linraqb'a aatin a'an tiik xb'aan naq ink'a' ninsik' li wajom laa'in, a' b'an li rajom li kitaqlank chaq we.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Salmos 19:9

Li raatin li Qaawa' a'an tiik ut sahil ch'oolej; li rajom li qaYos maak'a' reek', a'an naxkutanob'resi li qana'leb'.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Ezequiel 35:10

«Laa'at xaye: Weheb' li wiib' teep chi tenamit; qeechaniiq Israel us ta aran wank li Qaawa', chankat.

Salmos 149:2

Chisaho'q sa' eech'ool chejunilex aj Israel: a'an laj yoob'tesihom eere. Sahoqex laa'ex ralal xk'ajol Sión, xb'aan naq a'an leeRey!

Isaías 52:9

Japomaq eere chi b'ichank chi junaj xyaab' leekux, ex xpo'lemil Jerusalén, xb'aan naq li Qaawa' xril xtoq'ob'aal ru li xtenamit, ak xkol Jerusalén.

Jeremías 8:19

Yalaq b'ar na'ab'imank li xyaab'eb' lintenamit: “Ma maa'ani chik li Qaawa' aran Sión? Ma maak'a' chik li awab'ej aran?”, chankeb'. Ut li Qaawa' kichaq'ok ut kixye rehab': “K'a'ut naq xe'xchiq' injosq'il xb'aaneb' li xjalanil yoseb', li maak'a' neke'ok wi' chi moko nawb'ileb' ru”, chan.

Ezequiel 36:15

Ink'a' chik texhob'e'q xb'aaneb' laj ab'l tenamit chi moko texmajewaaq xb'aaneb' li wankeb' chesutam; ink'a' chik te'kamq li ralal xk'ajoleb' laj Israel. Laa'in, li Qaawa', xin'aatinak»”.