Sofonías 3:14 - Q'eqchi Bible

¹⁴ B'ichan, at tenamit Sión. Jap aawe xb'aan xsahil aach'ool, at Israel. Saho'qat chi x'anchalil laawaanm, at Jerusalén.

Li Santil hu

¹⁴ Bichankex la̱ex li cuanquex Sión. Japomak e̱re xban xsahil e̱chꞌo̱l, la̱ex aj Israel. Ut chinumta̱k taxak xsahil e̱chꞌo̱l, la̱ex li cuanquex Jerusalén.

Sofonías 3:14 ပူးပေါင်းရင်းမြစ်များ

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Miqueas 4:8

Ut laa'at Sión, rochochilat li xtenamit li Yos ut xkawilat li tenamit Jerusalén, nimaq wi' chik laawankil jo' junxil: laa'at tat-ok wi' chik chi awab'ejink sa' xb'een Israel”.

Isaías 54:1

Jap aawe xb'aan xsahil aach'ool, at ma'al ixq li maajuneb' laawalal aak'ajol. B'ichan chi sa sa' laach'ool, laa'at li maajun sut xat-alank, xb'aan naq li Qaawa' kixye chi jo'ka'in: “Q'axal wi' chik naab'aleb' li ralal xk'ajol li kanab'anb'il ixq chiru li wank xb'eelom”.

Isaías 51:11

Jo'ka'in naq te'sutq'iiq chaq li te'kole'q xb'aan li Qaawa', yooqeb' chi b'ichank naq te'ok Sión. Li rahilal ut li yaab'ak taasachmanq chi junajwa; numtajenaqaq li xsahil xch'ooleb', ut a'an taak'utunq tz'aqal sa' xnaq' ruheb'.

Isaías 40:9

Taqen sa' xb'een junaq tzuul najt xteram, at aj yehol esil re Sión; aatinan chi kaw xyaab' aakux ut chi maak'a'aq aaxiw, at aj yehol esil re Jerusalén. Ye reheb' li tenamit re Judá: “Arin wank leeYos”.

Isaías 35:2

chi'atz'umaq jo' li saqihix ut chixjapaq re xb'aan xsahil xch'ool. Jwal taach'ina'uso'q jo' li tzuul Líbano, jo' li xchaq'alil ru li Karmeel ut li xtaq'ahil Sarón. Chixjunileb' te'ril li xnimal xloq'al li Qaawa' ut te'xk'e reetal li xwankil li qaYos.

San Mateo 21:9

Ut eb' li tenamit li yookeb' chi xik chi uub'ej ut li wankeb' chi ixb'ej japjookeb' re chi xyeeb'al: —Chinimaaq xloq'al li Ralal laj David! Usilaatinanb'il li xchalk sa' xk'ab'a' li Qaawa'! Chinimaaq xloq'al li Qaawa' taqe'q!

Salmos 14:7

Chichalq taxaq toj Sión li xkolb'aleb' laj Israel! Naq li Qaawa' tixwaklesi xch'ool li xtenamit, taa'ok chi ninq'ehik laj Jakob. K'ajo' naq taasaho'q sa' xch'ool laj Israel!

Nehemías 12:43

Naab'al li mayej kiyeechi'imank sa' li kutan a'an ut k'ajo'eb' li tenamit chi ninq'ehik, xb'aan naq jun nimla sahil ch'oolej xk'ehom li Yos reheb'. Ke'ninq'ehik ajwi' eb' li ixq ut eb' li kok'al; ut toj chi najt ki'ab'iik li xsahilal xch'ooleb' laj Jerusalén.

Jeremías 33:11

li b'ichank ut li sahil ch'oolejil, li ninq'ehik, li xb'ich li b'eelomej ut li ixaqilb'ej; taa'ab'imanq xyaab' xkuxeb' chixjunileb' li te'chalq chi mayejak re b'anyoxink sa' rochoch li Qaawa', yooqeb' chi xyeeb'al: «Chexyoxinq chiru li Nimajwal Yos xb'aan naq chaab'il li Qaawa', ut li xnimal xrahom wank chi junelik!». Relik chi yaal naq tink'ameb' chaq wi' chik sa' li xna'ajeb' li wankeb' chaq chi preexil, re naq te'wanq wi' chik jo' naq ke'wank chaq xb'enwa”, chan li Qaawa'.

Jeremías 31:13

Toja' naq eb' li tuq'ixq te'xajoq xb'aan xnimal xsahilaleb' xch'ool; jo'kanaqeb' ajwi' li saaj al ut eb' li cheekel winq. Tinsutq'isi li xrahilaleb' cho'q sahilal, tink'ojob'eb' xch'ool ut twisi chixjunil li ch'a'ajkilal sa' xyanqeb'.

Jeremías 30:19

Ut aran taa'ab'iiq li b'ichank re b'anyoxink ut li japok e xb'aan li sahil ch'oolejil. Teb'ink'e wi' chik chi k'ihank toj reetal te'naab'alo'q; maajoq'e chik te'tz'eqtaanaaq, xb'aan naq tink'e wi' chik xloq'aleb'.

Salmos 97:8

At Qaawa', naq eb' laj Sión ut eb' li tenamit re Judá te'rab'i naq laa'at tiik aach'ool, k'ajo' naq te'saho'q sa' xch'ool ut te'ninq'ehiq.

Isaías 37:22

A'an a'in li aatin kixye li Qaawa' chirix li awab'ej re Asiria: “Nakate'xtz'eqtaana, nakate'xse'e eb' laj Sión jo' naxb'aanu junaq tuq'ixq; neke'xb'anb'ani li xjolomeb' li rixqilaleb' aj Jerusalén.

Isaías 40:1

K'ojob'omaq xch'ool lintenamit, k'ojob'omaq xch'ool -chan li Qaawa' leeYos-.

Salmos 149:2

Chisaho'q sa' eech'ool chejunilex aj Israel: a'an laj yoob'tesihom eere. Sahoqex laa'ex ralal xk'ajol Sión, xb'aan naq a'an leeRey!

Isaías 29:19

Eb' li kub'enaqeb' xwankil te'saho'q wi' chik xch'ool rik'in li Qaawa', ut eb' li neb'a' q'axal te'k'ojlaaq xch'ool rik'in li Yos, li xSant laj Israel.

Isaías 52:9

Japomaq eere chi b'ichank chi junaj xyaab' leekux, ex xpo'lemil Jerusalén, xb'aan naq li Qaawa' xril xtoq'ob'aal ru li xtenamit, ak xkol Jerusalén.

Joel 2:23

Ex aj Sión, chisaho'q leech'ool ut sahoqex rik'in li Qaawa' leeYos. Xb'aan naq A'an nak'ehok eere leetzekemq chi tz'aqal rik'in xtaqlankil chaq li hab' sa' xq'ehil, kama' chaq junxil.