Sofonías 3:13 - Q'eqchi Bible

¹³ Ut eb' li te'kole'q sa' xyanqeb' laj Israel ink'a' chik te'xb'aanu li maa'usilal chi moko te'tik'ti'iq chik; moko te'xye ta chik b'alaq'il aatin. Naru chik te'tzekanq ut te'hilanq chi sa, chi maajun chik taaxib'esinq reheb'”.

Li Santil hu

¹³ Li joꞌ qꞌuialeb chic li ralal xcꞌajoleb laj Israel li teꞌcana̱k, incꞌaꞌ chic teꞌxba̱nu li ma̱usilal chi moco teꞌticꞌtiꞌik chi moco teꞌbalakꞌi̱nk. Teꞌxchꞌolani ribeb saꞌ xya̱lal. Cꞌojcꞌo̱keb xchꞌo̱l nak teꞌcua̱rk xban nak ma̱ ani chic ta̱chꞌiꞌchꞌiꞌi̱nk reheb ut ma̱cꞌaꞌakeb chic xxiuheb.

Sofonías 3:13 ပူးပေါင်းရင်းမြစ်များ

Apocalipsis 14:5

Ink'a' ke'tik'ti'ik, xb'aan naq maak'a' xmaakeb'.

Sofonías 2:7

Ut jo'k'ihaleb' te'kole'q sa' xteepal Judá a'aneb' chik te'eechaninq re li na'ajej a'an. Aran te'xk'aak'ale li xketomqeb' ut te'hilanq sa' rochocheb' laj Askalón, naq li Qaawa' li qaYos tolxtenq'aheb' laj Judá ut tixsutq'isiheb' wi' chik sa'eb' li xna'ajeb'.

Miqueas 4:7

Sa' xyanqeb' li yeq ra'eb' tinkol jun ch'uut li taakanaaq; ut eb' li najt wankeb' chaq tink'uub' junaq kawil tenamit rik'ineb'. Toja' naq tin'awab'ejinq sa' xb'eeneb' aran Sión, chalen anaqwan ut chi junelik.

Isaías 60:21

“Chixjunileb' li wanqeb' sa' laatenamit tiikaqeb' xch'ool ut te'reechani li na'ajej a'in chi junajwa. Laa'in kinyoob'tesink reheb' re naq te'xk'ut linloq'al: chanchaneb' li xtuxm li awimq li kiwaw laa'in.

Miqueas 4:4

Ut li junjunq taahilanq sa' xmu li rochoch sa' tuqtuukilal, chi maak'a'aq xxiw. A'an a'in xyehom li Qaawa', li Nimajwal Yos.

Isaías 17:2

Eb' li tenamit sa' xteepal Siria te'kanab'aaq chi junajwa ut te'sutq'iiq cho'q xna'ajeb' li ketomq; aran te'hilanq eb' li xul ut maajun taaxib'esinq reheb'.

San Juan 1:47

Li Jesus kiril naq laj Natanael yo chi nach'ok, ut kixye: —We' chaq jun tz'aqal aj Israel li maak'a' b'alaq'ik rik'in.

Joel 3:17

“Toja' naq teetaw xyaalal naq laa'in li Qaawa' leeYos ut wankin Sión sa' linloq'laj tzuul. Jerusalén a'anaq li santil tenamit, ut maajun sut chik te'wanq aran eb' li jalaneb' xtenamit.

Ezequiel 39:26

Twisiheb' chaq sa'eb' li jalanil tenamit li xik' neke'ilok reheb' ut tinch'utub'eb' wi' chik sa' li xna'ajeb'. Toja' naq sa wanqeb' aran, chi maak'a' chik taaxib'esinq reheb'. Chi jo'kan tink'ut linsantilal, ut naab'aleb' li tenamit te'xk'e reetal a'an. Eb' laj Israel te'chalq xxutaan xb'aan naq xe'xq'etq'eti rib' chiwu.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Jeremías 30:10

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol, tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Jeremías 23:4

Tinxaqab'eb' aj ilol reheb' re naq te'xch'oolaniheb'; chi jo'kan maak'a' te'xxiwa chi moko taasachq junaq sa' xyanqeb'”, chan li Qaawa'.

Isaías 54:14

K'ojk'ooqat sa' xb'een li tiikilal, kolb'ilaqat chiru li rahob'tesiik ut li xiwak, ut maajun chik taaxib'esinq aawe.

Apocalipsis 21:27

Maak'a' k'aru muxb'il taa'ok chisa', chi moko eb' li neke'b'aanunk re li tz'i'b'eetalil na'leb' malaj eb' laj tik'ti', ka'ajeb' b'an wi' li tz'iib'anb'il xk'ab'a'eb' sa' li xhuhil li yu'am re li Karneer.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

1 Juan 5:18

Naqanaw naq chixjunil ani yo'lajenaq rik'in li Yos, ink'a' chik namaakob'k, nak'aak'aleek b'an xb'aan li Ralal li Yos, ut li maa'us ink'a' naru tixch'e'.

1 Pedro 3:14

Ab'anan, us ta teek'ul rahilal sa' xk'ab'a' li tiikilal, us xaq eere. Meexiwa ru anihaq ut ink'a' chi'ok leek'a'uxl.

Colosenses 3:9

Meetik'ti'i eerib' cherib'il eerib', xb'aan naq xerisi chik sa' leech'ool leenajteril yu'am jo'wi' li xk'anjel,

San Mateo 13:41

Li K'ajolb'ej tixtaqlaheb' chaq li x'ánjel, ut eb' a'an tole'xxok ut tole'risi sa' li x'awab'ejihom chixjunileb' laj luktesinel ch'oolej ut eb' laj b'aanuhom maa'usilal,

Miqueas 7:14

At Qaawa', chawil taxaq laatenamit rik'in laawankil, chab'eresiheb' laakarneer sik'b'ileb' ru aab'aan, li wankeb' xjunes sa' li k'iche' ut sutsuukeb' sa' xq'emal li ch'och'. K'ameb' chi ichajib'k sa' xteepal Basán ut Galahad, jo' naq ke'wank chaq junxil.

Joel 3:21

Laa'in tin'eeqajunq chirix li xkik'eleb', moko taakanaaq ta yal chi jo'kan. Ut sa' li tzuul Sión tink'ojob' linmuheb'aal chi junajwa”, chan li Qaawa' Yos.

Isaías 65:10

Sarón a'anaq xna'ajeb' li karneer, ut li xtaq'ahil Akor taakanaaq cho'q xwa'leb'aaleb' li wakax, cho'q reheb' lintenamit xe'sik'ok we.

Isaías 63:8

Li Qaawa' kixye: “Relik chi yaal naq a'aneb' lintenamit, a'aneb' li walal li maajoq'e tine'xb'alaq'i”. Ut A'an kikolok reheb'

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

Isaías 6:13

Us ta jun aj chik li poyanam tkanaaq sa' xyanq li lajeetq, taasache'q ajwi' ru a'an jo' na'uxk re li ji malaj li tz'unu'j che' naq nayok'mank: ka'aj chik li xtoonal nakanaak. Ab'anan sa' li xtoonal taa'elq jun li santil tuxm”, chan li Qaawa'.

Salmos 119:3

eb' li ink'a' neke'b'aanunk maa'usilal, neke'xtaaqe b'an li xb'e li Qaawa'.

Salmos 23:2

Nikinxk'e chi hilank sa' raxil pach'aya', nikinxk'am b'arwi' wank li tuqtuukil ru ha':

Levítico 26:6

Tink'e tuqtuukil usilal sa' leena'aj ut sa ajwi' texwarq, xb'aan naq maajun taaxib'esinq eere. Laa'in te'wisi sa' leetenamit eb' li josq' aj xul ut maa'ani taa'ok chi yalok eerik'in.

Li xHu LAJ JOB 11:19

Maak'a' taaxib'esinq aawe naq yooqat chi hilank, ut naab'aleb' te'chalq chi xpatz'b'al aawe xtenq'ankileb'.

Salmos 120:2

At Qaawa', chinaakol chiruheb' li neke'tik'ti'ik, chinaakol chiruheb' li neke'b'alaq'ik.

Salmos 120:3

K'aru tixk'e aawe li Qaawa' malaj k'aru tixtaqla aawik'in, at aj ka'pak'al u?

Sofonías 3:5

Ab'anan li Qaawa' wank sa' xyanqeb'. A'an usilal naxb'aanu, ut maawa' li ink'a' us. Wulaj wulaj naraqok aatin ut rajlal eq'la naxk'ut li tiikilal chiruheb'. A'ut li reemaaru aj winq ink'a' naxnaw xutaanak.

Zacarías 8:3

“Jo'ka'in naxye li Qaawa': Tinsutq'iiq wi' chik Sión ut tink'ojlaaq sa' xyi li tenamit Jerusalén. Xtenamit li tiikil ch'oolej taayeemanq re Jerusalén, ut Santil Tzuul tixk'ab'a'in li xtzuulil li Nimajwal Yos.

Zacarías 8:16

A'an a'in li teeb'aanu: xyeeb'al li yaal cherib'il eerib', texraqoq aatin sa' tiikilal sa' leeraqleb'aal aatin re twanq li tuqtuukilal;

2 Crónicas 20:30

Chalen sa' li kutan a'an li x'awab'ejom laj Josafat kiwank sa' tuqtuukilal, xb'aan naq li Qaawa' li xYos kixk'eheb' chi wank sa' xyaalal chixjunileb' li wankeb' chi xsutam.

Zacarías 8:12

Xb'aan naq laa'in tin'awoq re li tuqtuukil usilal: eb' li xtoonal li uub' te'uuchinq chi us; taa'elq chik li awimq chiru li ch'och' ut li k'ajob' tixt'aqresi wi' chik li ch'och'; ut chixjunil a'in tink'e chi reechaniheb' li Rela' li tenamit a'in.