Sofonías 3:12 - Q'eqchi Bible

¹² Tinkanab' aawik'in jun tenamit kub'enaq xwankil ut neb'a', li te'xkawub'resi xch'ooleb' wik'in.

Li Santil hu

¹² Li joꞌ qꞌuialeb li cha̱bil xnaꞌlebeb ut li tu̱laneb saꞌ li tenamit, aꞌaneb li teꞌcana̱k. Ut cauhakeb xchꞌo̱l cuiqꞌuin.

Sofonías 3:12 ပူးပေါင်းရင်းမြစ်များ

Isaías 14:32

K'aru taayeemanq reheb' li xtaql eb' laj Filistea li te'chalq qik'in? Taayeemanq reheb' naq li Qaawa' kik'ojob'ank re Sión ut aran te'xkol rib' li neb'a' wankeb' sa' li xtenamit li Yos.

Nahum 1:7

Li Qaawa' a'an q'axal chaab'il cho'q re li kaw xch'ool chirix; a'an li kawilal sa' xhonalil li rahil ch'oolej ut narileb' li neke'oyb'enink rik'in

San Mateo 5:3

“Us xaq reheb' li neb'a'eb' li xch'ool, xb'aan naq reheb' a'an li xnimajwal wankilal li choxa.

Isaías 50:10

Ani sa' eeyanq naxiwank re li Qaawa', chirab'iiq xyaab' xkux laj K'anjel chiru. Wi nekexb'eek sa' li aak'ab' b'arwi' maajun li saqenk, kawaq eech'ool rik'in li Qaawa' ut chekuutuuq eerib' rik'in leeYos.

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

1 Pedro 1:21

Sa' xk'ab'a' li Kriist nekepaab' li Yos, li kiwaklesink re chi yo'yo sa' xyanqeb' li kamenaq ut kixk'e xnimal xloq'al: ut chi jo'kan leepaab'aal ut leeroyb'enihom xaqxookeb' rik'in li Yos.

Romanos 15:12

Laj Isaías kixye ajwi': “Taatuxmeq chaq xxe' laj Jesé ut taawakliiq chaq chi awab'ejink sa' xb'eeneb' li tenamit. Rik'in a'an xaqxooq xnimal royb'enihomeb' li poyanam”.

San Mateo 12:21

Ut rik'in a'an xaqxooq royb'enihomeb' li tenamit”.

San Mateo 11:5

Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

Zacarías 11:11

Chiru li kutan a'an kisache'k xwankil li sumwank, ut eb' laj k'ay karneer li yookeb' chi wilb'al, ke'xtaw ru naq a' li Qaawa' x'aatinak.

Salmos 37:40

Li Qaawa' natenq'ank reheb' ut narisiheb' sa' rahilal; narisiheb' sa' ruq' laj maak ut naxkoleb', xb'aan naq rub'el roq neke'muhenk.

Isaías 14:30

Toja' naq eb' linneb'a' te'wanq xtzekemq ut eb' li toq'ob'aal ruheb' sa chik te'wanq; a'ut leeralal eek'ajol te'kamq xb'aan li we'ej, ut wi wanq junaq li taakole'q, laa'in tinkamsi”.

Zacarías 11:7

Toja' naq kin'ok chi rilb'aleb' li karneer re kamsiik, jo' chanru xyeemank xb'aaneb' laj k'ay. Kinsik' ajwi' wiib' inxuq': li jun “Sahil wank” kink'e cho'q xk'ab'a', ut li jun chik “Junajil” kixk'ab'a'in.

Esdras 9:8

Ab'an anaqwan, at Qaawa', at qaYos, xawil xtoq'ob'aal qu chiru li jun k'amok a'in ut xak'e qe naq toj wanq jun rela' laatenamit chi ach'ab'anb'il, a'ano laa'o li toj wanko. Xasi qe naq tqak'ojob' qamuheb'aal sa' santil ch'och'. Jo'ka'in naq xakutanob'resi li qab'e ut xak'e b'ayaq xkawub' qach'ool naq xoowank chi munil.

Isaías 6:13

Us ta jun aj chik li poyanam tkanaaq sa' xyanq li lajeetq, taasache'q ajwi' ru a'an jo' na'uxk re li ji malaj li tz'unu'j che' naq nayok'mank: ka'aj chik li xtoonal nakanaak. Ab'anan sa' li xtoonal taa'elq jun li santil tuxm”, chan li Qaawa'.

Isaías 29:19

Eb' li kub'enaqeb' xwankil te'saho'q wi' chik xch'ool rik'in li Qaawa', ut eb' li neb'a' q'axal te'k'ojlaaq xch'ool rik'in li Yos, li xSant laj Israel.

Jeremías 17:7

“Osob'tesinb'il li poyanam k'ojk'o xch'ool rik'in li Qaawa', ut rik'in A'an wank li royb'enihom.

Jeremías 50:20

Chiruheb' li kutan a'an maak'a'aq chik xmaakeb' laj Israel ut laj Judá, xb'aan naq laa'in twil xtoq'ob'aal ruheb' li jo'k'ihal xe'kole'k”, chan li Qaawa'.

Ezequiel 6:8

«Ab'anan tinkanab'eb' wiib' oxib'aqeb' chi yo'yo sa' eeyanq: te'kole'q chiru li kamk ut te'cha'cha'iiq sa'atqeb' li tenamit.

Miqueas 5:6

Eb' a'an te'awab'ejinq re Asiria, li xna'aj laj Nemrod, rik'in q'esnal ch'iich', ut toohe'xkol chiruheb' laj Asiria li te'ok sa' li qatenamit re reechaninkil li qach'och'.