Sofonías 3:1 - Q'eqchi Bible

¹ Ra chaalel sa' xb'een Jerusalén, li tenamit q'etq'et, muxb'il ru ut aj rahob'tesinel.

Li Santil hu

¹ Raylal ta̱cha̱lk saꞌ xbe̱n li tenamit Jerusalén xban nak xeꞌxkꞌetkꞌeti rib. Queꞌxba̱nu li incꞌaꞌ us joꞌ queꞌxba̱nu li jalan tenamit ut queꞌxrahobtesi li nebaꞌ.

Sofonías 3:1 ပူးပေါင်းရင်းမြစ်များ

Jeremías 6:6

A'an a'in li kixye li Qaawa', li Nimajwal Yos, reheb' li awab'ej a'an: “Yok'omaq eb' li che' ut yiib'omaq eetaqleb'aal re naq tex'ok chi yalok rik'ineb' laj Jerusalén. Li tenamit xteneb'aak li rahilal sa' xb'een, xb'aan naq numtajenaq li rahob'tesink aran.

Isaías 59:13

Xqamajewa ut xqatz'eqtaana li Qaawa', ink'a' xqaj xtaaqenkil li qaYos; ka'ajwi' li maa'usilal ut li raaxiik' xqak'oxla xb'aanunkil, ut junes b'alaq'ik x'alaak sa' qach'ool.

Isaías 30:12

Jo'kan naq li Qaawa', li xSant laj Israel, kixye chi jo'ka'in: “Laa'ex xetz'eqtaana li aatin a'in ut xek'ojob' leech'ool sa' li raaxiik' ut li maa'usilal; kaw leech'ool rik'in chixjunil a'an.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Zacarías 7:10

Meerahob'tesi li xmalka'an, li neb'a'yox, laj ab'l tenamit ut li neb'a'; chi moko teek'oxla sa' leech'ool xb'aanunkil li rahilal cherib'il eerib'.

Ezequiel 22:7

Eb' li poyanam li wankeb' aawik'in ink'a' neke'roxloq'i eb' li xna' xyuwa'eb', neke'xrahob'tesi eb' laj ab'l tenamit ut neke'xtawasi li neb'a'yox jo'wi' li xmalka'an.

Miqueas 2:2

Neke'rahink jalanil ch'och', ut neke'reechani; neke'rataw junaq ochoch, ut neke'relq'a. Neke'xrahob'tesi laj eechal junkab'al ut eb' li wankeb' chisa', li winq jo'wi' li k'aru re.

Jeremías 22:17

“A'ut laa'at a' li tumin naxik wi' laach'ool ut maak'a' nakawaj wi' chanru naq taataw; nakak'eheb' chi kamk li maak'a'eb' xmaak, ut nakarahob'tesi ut nakasacheb' laatenamit”.

Isaías 5:7

Li xyaalal li b'ich, a'an a'in: li rawimq li Nimajwal Yos, a'an li tenamit Israel, ut eb' laj Judá, a'an li iyaj jwal raaro xb'aan. Li Qaawa' kiroyb'eni naq te'xb'aanu li us, ut maa'usilal chik kixtaw; kixyo'oni naq te'wanq sa' tiikilal, ut junes a' chik li rahob'tesink ib' kixtaw.

Levítico 1:16

Taarisi li xpuj ut li wank chisa'; toja' naq tixk'e sa' xjayal releb'l li saq'e chi xk'atq li artal, naraj naxye sa' xna'aj li cha.

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Amós 3:9

Yehomaq a'in sa'eb' li xchaq'alil ru rochocheb' laj Asdod; puktesihomaq resil sa'atqeb' li xch'ina'usal ochoch re Ejiipt: “Ch'utub'omaq eerib' sa'eb' li xtzuulul Samaria re teeril li k'iila rahilal nawank sa' li tenamit a'an ut k'ajo' li maa'usilal neke'xb'aanu aran”.

Ezequiel 23:30

Taachalq chixjunil a'in sa' aab'een xb'aan naq xutaanal li xab'aanu ut xaloq'oniheb' ru li jalanil yos.

Ezequiel 22:29

Eb' li poyanam junes raaxiik' ut elq'ak neke'raj; neke'xrahob'tesi li neb'a' ut li maak'a' wank re, ut ink'a' neke'xk'e li xk'ulub' laj ab'l tenamit.

Jeremías 5:23

Ab'an li tenamit a'in a'an aj b'alaq', jip li xch'ool ut q'etq'et; xine'xtz'eqtaana ut xkoheb'.

Isaías 59:6

Li xkemomeb' moko us ta re li aq'ej; maa'ani naru xb'atb'al rib' rik'in li xk'uub'ahomeb'. Li xb'aanuhomeb' a'an junes raaxiik', ut li ruq'eb' junes rahob'tesink neke'xb'aanu.

Jeremías 6:7

Jo' naq nayo'laak li ha' sa' junaq jul, jo'kan ajwi' naq na'elk chaq li maa'usilal Jerusalén. Sa' li tenamit a'an ka'ajwi' li rahilal ut li elq'ak na'ab'imank resil; junes raaxiik' ut rahil ch'oolej nawil junelik.