Sofonías 2:8 - Q'eqchi Bible

⁸ Jo'ka'in xye li Qaawa': “Xwab'i naq eb' laj Mohab xe'xmajewa lintenamit ut eb' laj Amón xe'xtz'eqtaanaheb', naq xe'numtaak sa' xb'eeneb' ut xe'b'ihomo'k sa' li xna'ajeb'.

Li Santil hu

⁸ Quixye li Ka̱cuaꞌ li kꞌaxal nim xcuanquil: —La̱in nacuabi nak eb laj Moab ut eb laj Amón nequeꞌxhob lin tenamit. Queꞌrisi xlokꞌal lin tenamit ut queꞌnumta saꞌ xbe̱neb.

Sofonías 2:8 ပူးပေါင်းရင်းမြစ်များ

Amós 1:13

Jo'ka'in kixye li Qaawa': “Ak k'iila sut xinkuy xmaakeb' laj Amón ut anaqwan maak'a' chik xkuyb'al, xb'aan naq jachb'il xe'xb'aanu reheb' li yaj aj ixq aj Galahad naq xe'xkamsiheb', yal re xmaq'b'al li xch'och'eb'.

Jeremías 49:1

Jo'ka'in kixye li Qaawa' chirixeb' laj Amón: “Ma maak'a'eb' tab'i' ralal xk'ajoleb' laj Israel? Ma maajun taa'eechaninq re li xna'ajeb'? K'a' put naq li yos Mikón chik x'eechanink re Gad ut eb' laj Amón xe'kanaak sa'eb' li xtenamiteb'?

Ezequiel 36:2

Laa'in, li Qaawa', ninye chi jo'ka'in: Eb' li xik' neke'ilok reheb' laj Israel, neke'xye: «Qe chik laa'o eb' li tzuul li ke'yiib'aak najter q'e kutan», chankeb'.

Josué 5:9

Toja' naq li Qaawa' kixye re laj Josué: “Sa' li kutan a'in xwisi sa' eeb'een leexutaan kitiklaak chaq Ejiipt”, chan. Jo'kan naq Kilkal xk'ab'a' li na'ajej a'an chalen toj anaqwan.

Isaías 15:1

A'an a'in jun li esil chirix Mohab. Chiru jun q'oqyink ajwi' xsache'k li tenamit Ar ut Kir, ut ch'anch'o xkanaak li na'ajej Mohab.

Isaías 16:6

Ak qab'ihom resil li xq'etq'etil eb' laj Mohab: q'etq'eteb', josq' aj winqeb' ut neke'xnimob'resi li xwankileb' chi maak'a' rajb'al.

Jeremías 12:14

Jo'ka'in kixye li Qaawa': “Chixjunileb' li rechkab'al laj Israel ink'a' useb' xna'leb'. A'aneb' li xe'sachok re li na'ajej ink'ehom re li tenamit Israel; jo'kan naq laa'in twisiheb' sa' li xna'ajeb', ut twisiheb' chaq laj Judá sa' xyanqeb'.

Lamentaciones 3:61

Xawab'i chanru nikine'xhob', at Qaawa', ut li k'aru neke'xk'uub' chiwix.

Ezequiel 21:28

“At kaamel winq, aatinan sa' ink'ab'a' ut ye reheb' laj Amón li neke'xse'e eb' laj Israel: «Li q'esnal ch'iich' ak q'esnanb'il ut ak yo'oon wank re kamsink; ak lemtz'unb'il ru re naq replotq rilb'al naq taasachoq».

Amós 2:1

Jo'ka'in kixye li Qaawa': “Ak k'iila sut xinkuy xmaakeb' laj Mohab ut anaqwan maak'a' chik xkuyb'al, xb'aan naq xe'xk'at li xb'aqel li awab'ej re Edom toj reetal naq cha xchahirk.

Sofonías 2:10

A'an te'xtoj wi' li xq'etq'etil eb' laj Mohab ut aj Amón, xb'aan naq xe'xmajewa ut xe'xhob' li xtenamit li Nimajwal Yos.

Génesis 19:37

Li chaq'na'b'ej kiwank jun xk'uula'al, ut aj Mohab kixk'e cho'q xk'ab'a': a'an xyuwa'ileb' laj Mohab chalen toj anaqwan.

Génesis 19:38

Jo'kan ajwi' li iitz'inb'ej kiwank jun xk'uula'al, ut aj Ben-Amí kixk'e cho'q xk'ab'a': a'an xyuwa'ileb' laj Amón chalen toj anaqwan.

Jeremías 48:1

Jo'ka'in kixye li Nimajwal Yos, li xYos laj Israel, chirixeb' laj Mohab: “Toq'ob' xaq ru li tenamit Nebo naq juk'ulk aj chik. Xsache'k xwankil ut x'eechaniik Kiriatáhin. Xutaanal xkanaak li kawub'resinb'il tenamit naq xjuk'e'k.

Ezequiel 25:1

Li Qaawa' kinraatina ut kixye we chi jo'ka'in:

Ezequiel 35:12

Toj aran taanaw naq laa'in xwab'i chixjunil laahob'om chirixeb' li xtzuulul Israel naq xaye: Ak xe'oso'k, anaqwan taaqeechani, chankat.