Sofonías 2:7 - Q'eqchi Bible

⁷ Ut jo'k'ihaleb' te'kole'q sa' xteepal Judá a'aneb' chik te'eechaninq re li na'ajej a'an. Aran te'xk'aak'ale li xketomqeb' ut te'hilanq sa' rochocheb' laj Askalón, naq li Qaawa' li qaYos tolxtenq'aheb' laj Judá ut tixsutq'isiheb' wi' chik sa'eb' li xna'ajeb'.

Li Santil hu

⁷ Ut li joꞌ qꞌuial chic li teꞌcolekꞌ saꞌ li naꞌajej Judá, aꞌaneb chic teꞌe̱chani̱nk re lix naꞌajeb laj Ascalón ut aran chic teꞌcua̱nk. Chiru li kꞌojyi̱n teꞌcua̱rk saꞌ li rochocheb laj Ascalón xban nak li Ka̱cuaꞌ lix Dioseb tixtenkꞌaheb ut ta̱rosobtesiheb cuiꞌchic.

Sofonías 2:7 ပူးပေါင်းရင်းမြစ်များ

Sofonías 3:20

Chiruheb' li kutan a'an texink'am chaq ut texinch'utub'. Toja' naq tinnima leek'ab'a' ut texink'e chi nawe'k sa' xyanqeb' chixjunileb' li tenamit sa' ruuchich'och', naq texwosob'tesi wi' chik”, chan li Qaawa' Yos.

Ezequiel 39:25

“Jo'kan naq laa'in, li Qaawa', ninye chi jo'ka'in: Anaqwan twuxtaana ru chixjunileb' laj Israel, eb' li ralal xk'ajol laj Jakob. Tink'ameb' chaq wi' chik sa' li xna'ajeb', re naq taaloq'onimaaq linsantil k'ab'a'.

Éxodo 4:31

Eb' laj Israel ke'xpaab' ut, naq ke'rab'i naq li Qaawa' xulrula'ani li xtenamit ut xk'e reetal li xrahilaleb', ke'xhupub' rib' chi loq'onink.

San Lucas 1:68

“Usilaatinanb'il taxaq li Qaawa', xYos laj Israel, xb'aan naq kolrula'ani ut kixkol li xtenamit;

Miqueas 4:7

Sa' xyanqeb' li yeq ra'eb' tinkol jun ch'uut li taakanaaq; ut eb' li najt wankeb' chaq tink'uub' junaq kawil tenamit rik'ineb'. Toja' naq tin'awab'ejinq sa' xb'eeneb' aran Sión, chalen anaqwan ut chi junelik.

Miqueas 2:12

Ok we chi xch'utub'ankil chixjunil li xtenamit laj Jakob; twaj tinxok li rela'eb' laj Israel. Tinch'utub'eb' jo' na'uxk reheb' li karneer sa' li koral, jo' na'uxk reheb' li ketomq sa' li pach'aya'; ut tz'aapixikaq rab'inkileb' xb'aan xk'ihaleb'.

Abdías 1:19

Eb' laj Israel li wankeb' Nejeb te'reechaniheb' li tzuul sa' xteepal Edom; ut eb' li wankeb' chiru taq'a, te'reechani li xtenamiteb' laj Filistea. Te'reechani ajwi' li xteepaleb' laj Efraín ut aj Samaria; ut eb' laj Benjamín, a'aneb' li te'eechaninq re li na'ajej Galahad.

Jeremías 33:7

Tinsutq'isiheb' chaq eb' laj Judá ut eb' laj Israel sa' li xna'ajeb' ut tink'ojob'eb' wi' chik sa' li xtenamiteb' re naq te'wanq jo' naq ke'wank chaq junxil.

Jeremías 29:14

Tink'e wib' chi tawe'k eeb'aan ut tink'eheb' chaq chi sutq'iik leekomon li wankeb' chaq chi preexil; texwisi chaq sa' chixjunileb' li tenamit ut na'ajej b'arwi' xexincha'cha'i, texinch'utub' ut texinsutq'isi wi' chik sa' li na'ajej b'arwi' kexwisi. Laa'in, li Qaawa', ninyehok re a'in».

Romanos 11:5

Jo'kan ajwi' anaqwan, sa'eb' li kutan a'in, wank jun “rela'” sik'b'il ru xb'aan rusilal li Yos.

Hechos 8:40

ut laj Felipe koxkanaaq Asoto; kixb'eeni chixjunileb' li tenamit, yo xpuktesinkil li Chaab'il Esilal toj kiwulak Cesarea.

Hechos 8:26

Moqon chik li x'ánjel li Qaawa' kiraatina laj Felipe, ut kixye re: “Xaqlin ut ayu sa' xjayal rokeb'l iq', sa' li b'e na'elk chaq Jerusalén ut naxik Gasa; a'an junesal na'ajej”.

San Lucas 7:16

K'ajo' naq ke'xiwak chixjunileb' ut ke'ok chi xnimankil ru li Yos: —Jun xnimal ru propeet xwakliik sa' qayanq. Ke'xye ajwi': —Li Yos xolrula'ani li xtenamit.

Miqueas 4:10

Yaab'an ut chimayoq aach'ool, at Sión, jo'qat li ixq yo chi alank, xb'aan naq anaqwan tento tat-elq sa' li tenamit ut tatq'axonq sa' li k'aleb'aal. Tatwulaq toj Babilonia, ab'an aran tatkole'q, xb'aan naq li Qaawa' taa'isinq aawe sa' ruq'eb' li xik' neke'ilok aawe.

Jeremías 32:44

Te'xloq'atq xch'och'eb' ut te'xtoj rik'in plaat; te'xtz'iib'a xhuhul, te'xkaaxti ut eb' li testiiw te'xjuch' li xk'ab'a'eb' sa' xhuhul li ch'och'. A'in taak'ulmanq sa' xteepal Benjamín, sa' xsutam Jerusalén ut sa'atqeb' li tenamit re Judá, sa'eb' li tzuultaq'a ut sa' xteepal Nejeb, xb'aan naq te'sutq'iiq chaq wi' chik li wankeb' chaq chi preexil”, chan li Qaawa'.

Jeremías 31:7

Jo'ka'in ajwi' kixye li Qaawa': “Japomaq eere xb'aan xsahil leech'ool chirixeb' laj Jakob, chiwanq sahil ch'oolejil sa' xk'ab'a' li xnimal ru tenamit. Puktesihomaq resil, chenimaaq ru ut yehomaq: «Li Qaawa' xkol li xtenamit, li rela'eb' laj Israel».

Jeremías 30:3

xb'aan naq twulaq xkutankil naq tinsutq'isiheb' chaq wi' chik eb' lintenamit Israel ut Judá li wankeb' chaq chi preexil. Laa'in, li Qaawa', ninyehok re a'in. Tink'eheb' chi wank sa' li xna'ajeb' ink'ehom reheb' li xxe'toonil yuwa'”, chan li Qaawa'.

Jeremías 23:3

Laa'in tink'ameb' chaq linkarneer b'arwi' xwaanilasiheb', tinch'utub'eb' ut teb'ink'am chaq wi' chik sa' li xna'ajeb', re naq te'k'iiq ut te'k'ihanq.

Jeremías 3:18

“Chiruheb' li kutan a'an eb' laj Israel ut eb' laj Judá te'wanq chik sa' junajil, ut sa' wiib'al chik te'chalq sa'eb' li na'ajej wankeb' chaq sa' xjayal releb'l iq' ut tole'okaq sa' li ch'och' ink'ehom chi reechani eb' leexe'toonil yuwa'.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Salmos 85:1

Re li xjolomileb' laj b'ichanel. Xsaalm eb' li ralal xk'ajol laj Koré.

Génesis 50:24

Sa' jun kutan laj José kixye reheb' li ras: “Kamk we, ab'anan ch'olch'o naq li Yos tulextenq'a ut texrisi sa' li tenamit a'in, re texxik sa' li ch'och' kixyeechi'i rik'in jurament re laj Abrahán, laj Isahak ut laj Jakob”.

Hageo 2:2

“Anaqwan aatinan rik'in laj Sorobabel, ralal laj Salatiel, aj jolominel re Judá, jo'wi' rik'in laj Josué, ralal laj Josadak, li xyuwa'il laj tij, ut rik'ineb' chixjunil li tenamit. Ut ye reheb' chi jo'ka'in:

Hageo 1:12

Naq laj Sorobabel, ralal laj Salatiel, ut laj Josué, ralal laj Josadak, xyuwa'il aj tij, jo'wi' chixjunileb' li tenamit ke'rab'i li raatin li Qaawa' li xYoseb', li kixye chi xtz'uumal re laj Hageo li propeet, jo' chanru chaq'rab'inb'il xb'aan, k'ajo' naq ke'ok xxiw.

Sofonías 2:9

Jo'kan naq Laa'in, li Nimajwal Yos ut xYos laj Israel, ninye li waatin naq Mohab taakanaaq jo' Sodoom, ut Amón taa'oso'q jo' Gomoor. Junes k'ix ut atz'am taa'elq chiru; nakirirnak chi junajwa taakanaaq. Jo'k'ihaleb' chik lintenamit xe'kole'k, te'xxok chixjunil ut eb' a'an te'eechaninq re li na'ajej a'an”.

Isaías 14:1

Naq li Qaawa' tixtoq'ob'a ru laj Jakob ut tixsik' wi' chik ru laj Israel, tixk'ojob'eb' wi' chik laj Israel sa' li xtenamiteb' ut eb' laj jalanil tenamit te'xjunaji rib' rik'ineb' li ralal xk'ajol laj Jakob.

Li xHu LIX RUT 1:6

Toja' naq kiwulak sa' xch'ool elk chaq aran Mohab rochb'een xkab'ichaleb' li ralib', xb'aan naq kirab'i naq li Qaawa' kixtoq'ob'a ru li xtenamit ut maak'a' chik we'ej aran.

Salmos 80:14

nachoye'k xb'aan li chakow elenaq sa' li k'iche' ut nat'upiik xb'aaneb' li josq' aj xul.

Isaías 11:16

Chi jo'kan taawanq jun nimb'e cho'q reheb' xkomon li tenamit li te'sutq'iiq chaq Asiria, jo' li ke'xtaw eb' laj Israel naq ke'elk chaq Ejiipt.

Isaías 32:14

Pojpo taakanaaq li rochochil li awab'ej ut maajun chik wanq sa' li tenamit; eb' li kawub'resinb'il kab'l li najt xterameb' te'kanaaq chi po'lemil chi junajwa: aran te'wanq chi ichajib'k eb' li k'iche'il b'uur ut eb' li wakax chi saheb' sa' xch'ool.

Jeremías 29:10

“Xb'aan naq jo'ka'in xye li Qaawa': «Ka'ajwi' taaraqe'q li lajeeb' xkaak'aal chihab' leewanjik rub'el xwankileb' laj Babilonia, laa'in texwula'ani ut tinb'aanu li kinyeechi'i eere, naq texsutq'iiq chaq wi' chik sa' li na'ajej a'in.

Jeremías 33:12

Li Nimajwal Yos kixye chi jo'ka'in: “Sa' li na'ajej a'in li maak'a'eb' wi' li poyanam ut eb' li xul, sa'atqeb' chixjunil li tenamit, taawanq wi' chik li pim b'arwi' eb' laj ilol ketomq te'xk'am li xketomqeb'.

Jeremías 47:5

Eb' laj Gasa te'xjo xjolomeb' xb'aan li rahilal ut mem te'kanaaq eb' laj Askalón. Ut laa'ex li rela' eb' li winq ninqeb' xteram, toj jo'q'e teekanab' xlet'exinkil ru leetib'el?

Oseas 6:11

Ut cho'q aawe, at Judá, ak xaqxo sa' aab'een li xkutankil li tojb'amaak.

Sofonías 3:13

Ut eb' li te'kole'q sa' xyanqeb' laj Israel ink'a' chik te'xb'aanu li maa'usilal chi moko te'tik'ti'iq chik; moko te'xye ta chik b'alaq'il aatin. Naru chik te'tzekanq ut te'hilanq chi sa, chi maajun chik taaxib'esinq reheb'”.

Isaías 11:14

Te'xik sa' xjayal rokeb'l saq'e chi yalok rik'ineb' laj Filistea ut toxe'xchap chi maak'a'aq sa' xch'ooleb'; chi xkab'ichaleb' te'xxok li xb'ihomaleb' li poyanam li wankeb' sa' xjayal releb'l saq'e. Toxe'awab'ejinq sa' xb'eeneb' laj Edom ut Mohab, ut eb' laj Amón te'paab'anq chiruheb'.