Sofonías 2:13 - Q'eqchi Bible

¹³ Li Qaawa' tixtaqsi li ruq' sa' xb'eeneb' li na'ajej wankeb' sa' xjayal releb'l iq' re xsachb'al Asiria, ut nakirirnak taakanaaq Nínive, joxk' aj chik taakanaaq wi'.

Li Santil hu

¹³ Li Ka̱cuaꞌ tixqꞌueheb chixtojbal xma̱queb laj Asiria li cuanqueb saꞌ li norte. Ta̱sachekꞌ ru li nimla tenamit Nínive. Ma̱ ani chic ta̱cua̱nk aran. Joꞌ chaki chꞌochꞌ ta̱cana̱k.

Sofonías 2:13 ပူးပေါင်းရင်းမြစ်များ

Nahum 3:7

Chi jo'kan chixjunileb' li te'iloq aawe te'eleliq chawu ut yooqeb' xyeeb'al: «Xjuk'e'k li tenamit Nínive. Ani taatoq'ob'anq ru? Ani taak'ojob'anq xch'ool?», cha'qeb'.

Nahum 1:1

Xyehom li Qaawa' chirix li tenamit Nínive. A'an a'in li hu tz'iib'anb'il wi' li moy u kiril laj Nahúm, aj Elkós.

Isaías 10:16

Jo'kan naq li Nimajwal Yos tixkanab'eb' li kaweb' rib' chi maak'a'eb' chik xmetz'ew, ut tixk'e xxamlel li neke'xnimob'resi rib' jo' naq nak'ate'k li chaqi si'.

Isaías 10:12

Naq akaq xraqe'k li Qaawa' chi xb'aanunkil li xk'anjel sa' li tzuul Sión ut Jerusalén, tixrahob'tesi li awab'ej re Asiria xb'aan li xq'etq'etil ut li xnimob'resinkil rib'.

Nahum 3:15

Us ta tatk'ihanq jo' laj saak' malaj tattamq ta jo' laj raxq'een, tat-oso'q xb'aan li xam aran ut tatsache'q rik'in q'esnal ch'iich'.

Miqueas 5:6

Eb' a'an te'awab'ejinq re Asiria, li xna'aj laj Nemrod, rik'in q'esnal ch'iich', ut toohe'xkol chiruheb' laj Asiria li te'ok sa' li qatenamit re reechaninkil li qach'och'.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Isaías 10:5

“Asiria a'an xk'anjelob'aal linjosq'il, a'an li tz'uum nawoksi naq yo injosq'il.

Isaías 14:26

A'an a'in li xink'uub' xb'aanunkil sa' li ruuchich'och', ut a'an li xinteneb' sa' xb'een chixjunileb' li tenamit.

Isaías 37:37

Toja' naq laj Senakerib, awab'ej re Asiria, kixmoch eb' li xmuheb'aal ut kisutq'iik sa' li tenamit Nínive, ut aran kikanaak.

Jeremías 49:33

Li tenamit Jasor taakanaaq chi junajwa cho'q xna'ajeb' laj xojb' ut taajoxk'ch'och'o'q. Maajun chik poyanam taawanq sa' li na'ajej a'an chi moko taa'uxq chik nume'k aran”.

Jonás 1:2

“Kawresi aawib' ut ayu Nínive, li xnimal ru tenamit, ut ye reheb' naq chalk re li tojb'amaak sa' xb'eeneb', xb'aan naq toj wik'in xwulak resil li xmaa'usilaleb'”.

Jonás 3:2

“Ayu sa' li nimla tenamit Nínive ut toxaaye li k'aru tinye aawe”.

Sofonías 1:4

“Tinrahob'tesiheb' laj Judá ut chixjunileb' li wankeb' Jerusalén. Jo'nimal toj xkanaak re laj Bahal li xyoseb' tinsach ru chi junajwa; a' ajwi' li xk'ab'a'eb' laj k'anjel chiru ut eb' laj tij tinsacheb' ru.