Sofonías 2:11 - Q'eqchi Bible

¹¹ Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Li Santil hu

¹¹ Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb.

Sofonías 2:11 ပူးပေါင်းရင်းမြစ်များ

Zacarías 13:2

“Sa' li kutan a'an tinsachi li xk'ab'a'eb' li jalanil yos, sa' xteepal Judá, re naq maajun chik taajultikanq reheb'. Tinsacheb' ajwi' li propeet aj b'alaq' ut eb' li maa'us aj musiq'ej -chan li Nimajwal Yos-.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Oseas 2:17

Twisi sa' xch'ool li xk'ab'a'eb' laj Bahal ut maajoq'e chik tixpatz'eb' -chan li Yos-.

Salmos 138:4

Chixjunileb' li awab'ej sa' ruuchich'och' te'yoxinq chawu, at Qaawa', naq te'rab'i li aatin x'elk chi xtz'uumal aawe.

Génesis 10:5

Rik'ineb' a'in ke'xtikib' tenamito'k eb' li na'ajej sutsuukeb' xb'aan li palaw. A'aneb' a'in li ralal laj Jafet, ak xna'aj xna'aj, ak raatinob'aal raatinob'aal li junjunq, ak riyajil riyajil ut ak xtenamit xtenamit li junjunq.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

1 Timoteo 2:8

Nawaj naq eb' li winq che'tijoq yalaq b'ar ut che'xtaqsihaq li ruq'eb' sa' choxa chi saqaq ru, chi maak'a'aq josq'il ut wech'ij ib'.

Zacarías 8:23

“Jo'ka'in naxye li Nimajwal Yos: Chiruheb' li kutan a'an lajeeb' chi winq li jalan jalanq raatinob'aal ut xtenamiteb', te'xchap chi raq' junaq aj Judá ut te'xye re: «Naqaj xik cherix, xb'aan naq xqab'i resil naq li Yos wank eerik'in», cha'qeb'”.

Zacarías 8:20

“Jo'ka'in naxye li Nimajwal Yos: Toj te'chalje'q li poyanam re kok' ut xninqal tenamit.

Sofonías 3:9

“Naq taawulaq li kutan a'an, tink'e naq eb' li poyanam chaab'il aatin chik te'xye, re naq chixjunileb' te'xyaab'a xk'ab'a' li Qaawa' ut te'k'anjelaq chiru chi junajaq xch'ooleb'.

Sofonías 1:4

“Tinrahob'tesiheb' laj Judá ut chixjunileb' li wankeb' Jerusalén. Jo'nimal toj xkanaak re laj Bahal li xyoseb' tinsach ru chi junajwa; a' ajwi' li xk'ab'a'eb' laj k'anjel chiru ut eb' laj tij tinsacheb' ru.

Joel 2:11

Li Qaawa' tixjap re chi xtaqlankileb' a'an. K'ajo'aq xk'ihaleb' laj k'anjel chiru ut jwal naab'alaqeb' li neke'paab'ank re. Xiwajelaq li kutan taaraqoq wi' aatin li Qaawa'. Maajun taakuyuq re rilb'al.

Isaías 49:1

Ab'ihomaqin, ex tenamit li wankex chaq chire li palaw, k'ehomaq reetal, laa'ex li wankex chaq chi najt. Li Qaawa' kinxb'oq chaq naq toj wankin rik'in linna' ut kixye link'ab'a' naq toj maji' ninyo'laak.

Isaías 42:10

B'ichahomaq junaq ak' b'ich cho'q re li Qaawa'; k'ehomaq xloq'al laa'ex li wankatqex chaq sa' xmaril li ruuchich'och', laa'ex li nekexxik chiru li palaw jo'wi' chixjunil li wank chisa', eb' li na'ajej sutsuukeb' chi ha' ut eb' li xpoyanamil.

Isaías 42:4

Ink'a' taahilanq chi moko taach'inanq xch'ool toj reetal tixk'ojob' li k'ulub'ej junsut junrub'el choxa. Ut rik'in a'an xaqxooq li royb'enihomeb' li tenamit sutsuukeb' chi ha'.

Salmos 86:9

At Qaawa', laa'at xayiib' chixjunileb' li tenamit, ut eb' a'an tule'xwiq'ib' rib' chawu: te'chalq chi xk'eeb'al xloq'al laak'ab'a'.

Salmos 72:17

Usilaatinanb'il taxaq xk'ab'a' chi junajwa ut wanqaq chi junelik kama' li saq'e! Osob'tesinb'ileb' taxaq chixjunileb' li tenamit sa' xk'ab'a' a'an. “Us xaq re”, cha'qeb' taxaq chixjunil li ruuchich'och'.

Deuteronomio 32:38

eb' li neke'tzekank re li xxeeb'ul li xmayejeb' ut neke'uk'uk re li b'iin yeechi'inb'il reheb'? Che'wakliiq chaq ut xtenq'aaqex; a'anaqeb' laj kolol eere!

Jeremías 10:11

Jo'ka'in teeye reheb' li tenamit maak'a' xpaab'aaleb', ex ralal xk'ajol laj Israel: “Eb' li yos, li ink'a' ke'yiib'ank re li choxach'och', te'oso'q junsut junrub'el choxa”, cha'qex.

Jeremías 46:25

Jo'ka'in kixye li Nimajwal Yos, li xYos laj Israel: “Tink'e chi xtojb'al xmaak laj Amón, li xyos li tenamit Tebas; tinrahob'tesi ajwi' eb' laj Ejiipt rochb'eeneb' li xyos ut eb' li awab'ej, jo'wi' laj Parahón ut eb' li neke'xk'ojob' xch'ooleb' chirix.

Daniel 11:18

Moqon chik taaxik chi yalok rik'ineb' li tenamit wankeb' sa' sutha' ut naab'aleb' li taareechani; ab'anan jun xjolomileb' laj puub' taaq'axoq ru ut tixram li xutaanal b'aanuhem a'in, chi ink'a' chik tixkuy xsumenkil.

Malaquías 1:14

Tz'eqtaananb'ilaq taxaq li nab'alaq'ik, a' li wank jun xchaab'il xul ut naxye naq tixq'axtesi we, ab'anan chirix chik a'an tixmayeja re li Qaawa' li yaj aj xul! Laa'in li Nimajwal Awab'ej, ut nak'eemank inloq'al sa' xyanqeb' li tenamit!”, chan li Qaawa', li Nimajwal Yos.

Isaías 2:20

Sa' li kutan a'an te'xrumi eb' li jalanil yos chiruheb' li ch'o ut chiruheb' laj tz'uum xik', a'eb' li yos xe'xyiib' rik'in oor ut plaat re xloq'oninkileb' ru.