Sofonías 2:10 - Q'eqchi Bible

¹⁰ A'an te'xtoj wi' li xq'etq'etil eb' laj Mohab ut aj Amón, xb'aan naq xe'xmajewa ut xe'xhob' li xtenamit li Nimajwal Yos.

Li Santil hu

¹⁰ Chixjunil li raylal aꞌin ta̱cha̱lk saꞌ xbe̱neb laj Moab joꞌqueb ajcuiꞌ laj Amón xban nak xeꞌxnimobresi ribeb, ut queꞌxhob lix tenamit li Dios li kꞌaxal nim xcuanquil ut queꞌnumta saꞌ xbe̱neb.

Sofonías 2:10 ပူးပေါင်းရင်းမြစ်များ

Isaías 16:6

Ak qab'ihom resil li xq'etq'etil eb' laj Mohab: q'etq'eteb', josq' aj winqeb' ut neke'xnimob'resi li xwankileb' chi maak'a' rajb'al.

Jeremías 48:29

Naqanaw naq q'axal q'etq'eteb' laj Mohab: neke'xk'e xwankileb', neke'numtaak ut jipeb'.

Sofonías 2:8

Jo'ka'in xye li Qaawa': “Xwab'i naq eb' laj Mohab xe'xmajewa lintenamit ut eb' laj Amón xe'xtz'eqtaanaheb', naq xe'numtaak sa' xb'eeneb' ut xe'b'ihomo'k sa' li xna'ajeb'.

1 Pedro 5:5

Jo'kan ajwi' laa'ex li saaj al, chexpaab'anq chiruheb' li xcheekel winqilaleb' li Iklees, ut chetiqib'aq eerib' chejunilex rik'in q'unil ch'oolej cherib'il eerib', xb'aan naq: “Li Yos xik' narileb' li b'ach'b'ach'eb', ab'an narusilaheb' li q'uneb' xch'ool”.

Abdías 1:3

Li xq'etq'etil laach'ool xatxb'alaq'i. Wankat sa' xyanqeb' li saqoonak ut chiru tzuul nakayiib' laamuheb'aal; jo'kan naq xaye sa' laach'ool: «Ani tkutuq we chi ch'och'?», chankat.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Éxodo 10:3

Naq laj Moisés ut laj Aharón ke'wulak rik'in laj Parahón, ke'xye re: “Jo'ka'in naxye li Qaawa', li xYoseb' laj Hebreo: «Toj jo' najtil chik ink'a' taawaj xkub'sinkil aawib' chiwu? Kanab'eb' chi elk lintenamit re naq tine'xloq'oni.

Éxodo 9:17

Laa'at toj nakaram relikeb' lintenamit:

Lamentaciones 1:9

Li xtz'ajnil naxletz rib' chiru li xb'aatal; maajun sut xk'oxla chanru naq taa'oso'q sa' junaq kutan. K'ajo' xiwajel li xt'anik! Maa'ani nak'ojob'ank xch'ool: “At Qaawa', chak'e taxaq reetal linrahilal, xb'aan naq li xik' na'ilok we yo chi numtaak sa' inb'een”.

Ezequiel 25:6

«Laa'in, li Qaawa', ninye chi jo'ka'in: Laa'ex xepoq'poq'i leeruq', xexpisk'ok xb'aan xsahil leech'ool ut k'ajo' naq xetz'eqtaanaheb' laj Israel.

1 Crónicas 16:21

ab'anan li Yos maa'ani kixkanab' chi rahob'tesink reheb', ut kixjultika reheb' li awab'ej:

Jeremías 12:14

Jo'ka'in kixye li Qaawa': “Chixjunileb' li rechkab'al laj Israel ink'a' useb' xna'leb'. A'aneb' li xe'sachok re li na'ajej ink'ehom re li tenamit Israel; jo'kan naq laa'in twisiheb' sa' li xna'ajeb', ut twisiheb' chaq laj Judá sa' xyanqeb'.

Jeremías 48:14

“K'a'ut naq nekeye laa'ex aj Mohab: «Kaw qib' ut k'ajo' xnimal li qametz'ew chi yalok»?

Abdías 1:11

Sa' li kutan naq eb' li xik' neke'ilok re li tenamit xe'xchap chixjunil ut eb' li jalaneb' xtenamit xe'xjuk' li rokeb'aal Jerusalén ut xe'xb'uuli rix, laa'at ajwi' jun sa' xyanqeb': maak'a' xab'aanu re xtenq'ankileb' laakomon.