Sofonías 1:9 - Q'eqchi Bible

⁹ Sa' li kutan a'an tinrahob'tesiheb' ajwi' li neke'ok chi pisk'onb'il sa' rochoch li xyoseb' ut neke'xnujob'resi a'an rik'in elq' ut b'alaq'ik”.

Li Santil hu

⁹ Saꞌeb li cutan aꞌan tinqꞌueheb ajcuiꞌ chixtojbal xma̱queb li nequeꞌoc chi piscꞌonbil saꞌ li rochocheb lix dioseb joꞌ ajcuiꞌ li nequeꞌxtu̱b saꞌ rochocheb lix dioseb li nequeꞌrelkꞌa chak riqꞌuin balakꞌi̱nc.

Sofonías 1:9 ပူးပေါင်းရင်းမြစ်များ

1 Samuel 5:5

Jo'kan naq eb' laj tij chiru laj Dagón ut chixjunileb' li neke'loq'onink re li yos a'an, ink'a' neke'xyeq' li rokeb'aal li rochoch sa' li tenamit Asdod, toj chalen sa' li kutan a'an.

Amós 3:10

Li Qaawa' kixye chi jo'ka'in: “Eb' a'an ink'a' neke'xb'aanu li tiikilal, ut neke'xnujob'resi li rochocheb' rik'in li k'aru xe'relq'a naq xe'xrahob'tesi eb' li ras riitz'in”.

Hechos 16:19

Eb' laj eechal re, naq ke'ril naq maak'a' chik te'xyo'oni wi' xtumineb', ke'xchap laj Pablo ut laj Silas ut ke'xkeleli toj sa' li poopol, chiruheb' li wankeb' xwankil;

Proverbios 29:12

Li awab'ej li napaab'ank tik'ti', naxpo' xna'leb' chixjunileb' laj k'anjel chiru.

Nehemías 5:15

Ab'anan eb' laj taqlanel li ke'wank xb'een chiwu laa'in, ke'numtaak chi taqlank sa' xb'een li tenamit: rajlal kutan neke'xpatz' reheb' ka'k'aal chi tumin plaat jo' xkub'siil cho'q re li xwa ruk'a'eb'. Jo'kan ajwi' ke'xb'aanu eb' laj k'anjel chiruheb'. A'ut laa'in maajun wa kinb'aanu a'an xb'aan naq ninxiwa ru li Yos.

Jueces 19:27

Eq'la kiwakliik li xb'eelom, kixte li okeb'aal re taaxik, ut kiril li ixq jiljo chirix kab'l chi wank ruq'eb' sa' xjayal li okeb'aal.

Jeremías 5:27

Chanchan naq nujenaq chi xik'anel xul li xra'aleb', jo'kan naq li rochocheb' nujenaq chi k'a'aq ru elq'anb'il; xe'ninqank xwankil ut xe'b'ihomo'k,

Miqueas 6:12

Chixjunileb' li b'ihom sa' li tenamit a'in aj rahob'tesineleb'; ut eb' li tenamit aj tik'ti'eb' ut aj b'alaq'eb'.

Zacarías 5:6

Ut laa'in kinpatz' re: “K'aru a'an?”, chankin re. Kichaq'ok a'an: “A'an chakach re b'isok -chan-. A'an xb'ismank wi' li xmaakeb' li poyanam sa' chixjunil li tenamit a'in”.