Sofonías 1:7 - Q'eqchi Bible

⁷ Mexchoqink chiru li Qaawa' xb'aan naq nach' chik wank li xkutankil li Qaawa'. Li Yos xkawresi jun mayejak ut ak xrosob'tesiheb' li rula'.

Li Santil hu

⁷ Chexucua ru li Ka̱cuaꞌ Dios xban nak cuulac re xkꞌehil nak ta̱rakok a̱tin saꞌ e̱be̱n. Chanchan mayejanbil tixba̱nu reheb lix tenamit nak tixkꞌaxtesiheb saꞌ rukꞌeb li xicꞌ nequeꞌiloc reheb.

Sofonías 1:7 ပူးပေါင်းရင်းမြစ်များ

Habacuc 2:20

A'ut li Qaawa' wank sa' li xsantil ochoch: maajun na'aatinak chiru A'an junsut junrub'el choxa!

Zacarías 2:13

Ch'anch'ooq chixjunileb' chiru li Qaawa', xb'aan naq A'an xwakliik ut yo chi elk chaq sa' li xloq'laj muheb'aal!

Sofonías 1:14

Xnach'ok chaq li xnimla kutankil li Qaawa'; ak xseeb'ank ut nach' chik wank. Naq taawulaq li kutan a'an, xiwajelaq li japok e: tixjap ajwi' re chi yaab'ak li jwal kaw rib'.

Jeremías 46:10

A'anaq xkutankil li Nimajwal Yos, naq taa'eeqajunq sa' xb'eeneb' li xik' neke'ilok re. Li q'esnal ch'iich' taasachoq toj reetal taak'ojlaaq xch'ool ut toj taaruk' xkik'eleb' li xe't'ane'k. Xb'aan naq nimla kamsink tixb'aanu li Nimajwal Yos chire li nima' Éwfrates, sa' li na'ajej wank sa' xjayal releb'l iq'.

Isaías 34:6

Oso'jenaq li xq'esnal ch'iich' li Qaawa' sa' kik' ut xeeb', kama' naq neke'kamsiik eb' li karneer ut li chib'aat sa' xhonalil li mayejak. Li Qaawa' taamayejaq aran Bosrá, ut taawanq nimla kamsink sa' xteepal Edom.

Isaías 13:6

Japomaq eere chi yaab'ak xb'aan naq nach' chik wank li xkutankil li Qaawa', jo' jun aj sachonel naq tol'elq li Nimajwal Yos.

San Mateo 22:4

Toj kixtaqlaheb' jalan chik li xmoos: «Yehomaq reheb' li wula': Ak k'uub'k'u lintzekemq; eb' linwakax ut eb' linch'oolaninb'il xul ak xe'kamsiik. Ak kawresinb'il chixjunil. Kimqex chi xninq'ehinkil li sumlaak!».

Joel 2:31

Taa'aak'ab'o'q ru li saq'e ut li po taakik'o'q ru, rub'elaj xk'ulunik li xKutankil li Qaawa', a' li xnimal ru kutan ut q'axal xiwajel”.

Isaías 2:12

Sa' li kutan a'an li Nimajwal Yos taachalq re xkub'sinkileb' xwankil li neke'xnima rib', eb' li q'etq'et ut li ninqeb' xwankil;

1 Samuel 16:5

Kichaq'ok laj Samuel ut kixye: “Hehe', xinchalk chi mayejak chiru li Qaawa'. Ch'ajob'resihomaq eerib' ut kimqex chiwix chi mayejak”, chan. Tikto laj Samuel kixch'ajob'resi laj Jesé ut eb' li ralal, ut kixb'oqeb' chi mayejak.

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

Amós 6:10

Yal wiib' oxib' ajwi' li te'kole'q re risinkileb' li kamenaq sa' li kab'l; ut wi taapatz'manq re li toj wanq chaq sa' li kab'l: “Ma maajun chik wan chaq aawochb'een?”, a'an tixsume chaq: “Maajun chik”. Ut tixye li xpatz'ok: “Mat-aatinak, mare anchal taapatz' xk'ab'a' li Qaawa'”, cha'aq.

Joel 2:11

Li Qaawa' tixjap re chi xtaqlankileb' a'an. K'ajo'aq xk'ihaleb' laj k'anjel chiru ut jwal naab'alaqeb' li neke'paab'ank re. Xiwajelaq li kutan taaraqoq wi' aatin li Qaawa'. Maajun taakuyuq re rilb'al.

Ezequiel 7:10

“K'e reetal, a'an a'in li kutan! Li maa'usilal yo chi numtaak yalaq b'ar ut k'ajo' li nimank wankilal.

Ezequiel 7:7

Xtaw xq'ehil cho'q eere, ex poyanam. Xwulak li xhonalil, nach' chik wank li xkutankil li Qaawa' naq junes poqoqij ib' taawanq sa'eb' li tzuultaq'a, ut maak'a'aq chik li sahil ch'oolejil.

Isaías 6:5

Ut kinye sa' inch'ool: “Toq'ob' xaq wu, xin'oso'k, xb'aan naq laa'in jun li winq ninye li ink'a' us ut wankin sa' jun tenamit aj maak. Xwil rik'in wu li Awab'ej, a' li Nimajwal Yos!”.

Colosenses 1:12

chexyoxinq rik'in sahil ch'oolej chiru li Yuwa'b'ej li xk'ehok eere chi tz'aqonk sa' li xmaataneb' laj santil paab'anel sa' li saqenk.

Filipenses 4:5

Li xtuulanil eech'ool chik'utunq chiruheb' chixjunil. Li Qaawa' ak nach' wan chaq.

Romanos 9:20

At winq, k'a' aawu laa'at re xwech'b'al rix li Yos? Ma tixye tab'i' li pak'b'il sek' re laj pak'ol re: “K'a' naq xinaapak' chi jo'ka'in?”.

Romanos 3:19

Us b'i', naqanaw naq chixjunil li naxye li Chaq'rab', a'an yeeb'il cho'q reheb' li wankeb' rub'el xwankil li Chaq'rab', re naq chixjunileb' te'memo'q, ut chixjunil li ruuchich'och' chireek'ahaq rib' naq wank xmaak chiru li Yos.

Salmos 46:10

A'an xch'anab'ank re li yalok toj sa' xmaril li ruuchich'och', xtoqi li xna' simaj ut xjach li jutz' che'; a'an xk'ehok xxamlel li ramleb' ch'iich'.

1 Samuel 20:26

Sa' li kutan a'an maak'a' kixye laj Saúl, xb'aan naq kixk'oxla: “Mare wank k'aru xk'ulum laj David. Mare muxb'il ru ut maji' naxch'ajob'resi rib'”.

Li xHu LAJ JOB 24:1

K'a'ut naq li Nimajwal Yos ink'a' naxxaqab' xkutankil li raqb'a aatin re naq eb' li neke'paab'ank re te'xk'e reetal li xtiikilal xch'ool?

Isaías 13:3

Laa'in xintaqla xb'oqb'aleb' li xq'axtesihomeb' rib' chiwu, xinb'oqeb' li jwal kaweb' rib' chi yalok, eb' li neke'saho'k rik'in linwankilal, re naq te'yaloq sa' ink'ab'a' re risinkil linjosq'il”.

Isaías 29:2

toja' naq tink'e li tenamit a'in sa' rahilal, ut taawanq yaab'ak ut tz'uyink; ut laa'ataq tz'aqal jun li artal nujenaq chi kik'.

Isaías 34:5

Xb'aan naq linq'esnal ch'iich' sa' choxa yo royb'eninkil jo'q'e tolxrahob'tesi Edom, jo'q'e taakub'eeq sa' xb'een li tenamit li xinq'axtesi chi sache'k ru.

Joel 1:15

Rahil kutan chalk re! Nach' chik wank li xKutankil li Qaawa'; xiwajel rilb'al li sachok chalk re xb'aan li Nimajwal Yos.

Amós 8:3

Sa' li kutan a'an, eb' li ixq li neke'b'ichank sa' rochoch li awab'ej te'xb'icha rahil b'ich -chan li Qaawa' Yos-. Naab'aleb' li poyanam te'kamq ut maak'a'aq aatinak naq toxe'kutiiq yalaq b'ar”.

Zacarías 14:1

At Jerusalén, naq taawulaq xKutankil li Qaawa', chixjunil li k'a'aq re ru aawe taacha'cha'iiq.