Sofonías 1:6 - Q'eqchi Bible

⁶ eb' li xe'xkanab' intaaqenkil, eb' li ink'a' nikine'xsik' cho'q Qaawa' chi moko neke'patz'ok wik'in”.

Li Santil hu

⁶ Eb li queꞌxcanab inlokꞌoninquil tinsacheb ru joꞌqueb ajcuiꞌ li ma̱ jun cua niquineꞌxlokꞌoni chi moco niquineꞌxcꞌoxla, chan li Dios.

Sofonías 1:6 ပူးပေါင်းရင်းမြစ်များ

Jeremías 2:13

Wiib' li maak xe'xb'aanu lintenamit: xine'xtz'eqtaana laa'in, li yu'amha', ut xe'xyiib' li xkumb'eb', ab'anan x'it'e'k chiruheb' ut ink'a' nat'ilk li ha' chisa'.

Isaías 1:4

Toq'ob' eeru, ex aj maak, ex tenamit nujenaqex chi maa'usilal, ex aj yoob'anel ink'a' us; k'ajo' xyib'al ru leena'leb'! Xexnajto'k rik'in li Qaawa', xetz'eqtaana li xSantil Yos laj Israel ut xekanab' chi junajwa.

Jeremías 15:6

Laa'at xattz'eqtaanank we ut xkohat -chan li Qaawa'-. Jo'kan naq laa'in xintitz'k chi xkuyb'al laamaak: xintaqsi li wuq' sa' aab'een charahob'tesinkil ut xinsach aawu.

Jeremías 2:17

Ma ink'a' tab'i' xek'ul chi jo'kan xb'aan naq xetz'eqtaana li Qaawa' leeYos, li xk'amok chaq b'e sa' leeb'eenik?

Oseas 11:7

Lintenamit jwal kaw xch'ooleb' chintz'eqtaanankil; us ta neke'xpatz' xk'ab'a' laj Bahal, ab'an maajun natenq'ank reheb'.

Jeremías 3:10

Chirix chixjunil a'an, laj Judá, laj b'alaq', ink'a' ajwi' kisutq'iik chaq wik'in chi anchal xch'ool, junes rik'in b'an b'alaq'il”, chan li Qaawa'.

Isaías 9:13

Eb' li tenamit ink'a' xe'sutq'iik rik'in li Yos li yo chi rahob'tesink reheb', chi moko xe'xsik' li Nimajwal Yos.

Hebreos 2:3

chan put ru naq tookole'q laa'o, wi tqatz'eqtaana li xnimal kolb'a ib' a'in? A'an kiyehe'k resil sa' xtiklajik xb'aan li Qaawa', ut moqon chik kich'olob'aak chiqu xb'aaneb' li ke'ab'ink chaq re.

Ezequiel 3:20

“Mare taak'ulmanq chi kama'in: junaq winq tiik xch'ool tixkanab' li chaab'il b'e ut taa'ok chi xb'aanunkil li ink'a' us. Wi laa'in tink'e junaq xtichk'ob'aal sa' xb'e ut laa'at ink'a' taaq'us, li winq a'an taakamq xb'aan li xmaa'usilal. Laa'in ink'a' tink'e sa' inch'ool li tiikilal xb'aanu, ut sa' aab'een laa'at taakanaaq li xkamik.

Salmos 125:5

A'ut eb' li neke'xk'am li b'e ink'a' us chatz'eqtaanaheb' rochb'eeneb' li neke'b'aanunk li maa'usilal. Chiwanq taxaq tuqtuukilal rik'ineb' laj Israel!

Salmos 10:4

Laj maak ink'a' naxsik' li Qaawa' xb'aan naq q'etq'et; junelik naxye sa' xch'ool: “Moko wank ta li Yos!”, chan.

1 Samuel 15:11

“Ink'a' sa sa' inch'ool rik'in laj Saúl. Ink'a' raj xinxaqab' cho'q awab'ej, xb'aan naq ink'a' xtaaqe linb'e chi moko xpaab' lintaqlahom”, chan. Kiraho'k xch'ool laj Samuel ut kixnumsi li q'oqyink a'an chi tijok chiru li Qaawa'.

Oseas 7:7

Chixjunileb' nachalk xjosq'ileb' jo' li tiqwal xam, ut neke'xkamsi li xjolomileb'. Kamenaqeb' chik chixjunileb' li x'awab'ejeb', ab'anan maajun naxyaab'a link'ab'a'.

Salmos 36:3

K'ajo' naq naxra rib' ut ink'a' naxk'e reetal li xmaak chi moko naxtz'eqtaana li xmaa'usilal.

Romanos 3:11

Maa'ani wank xna'leb', junaq taxaq li nasik'ok re li Yos.

Isaías 43:22

“Ab'an laa'at, a Jakob, ink'a' xapatz' link'ab'a', xattitz'k b'an inb'aan, a Israel.

Jeremías 10:25

Isi laajosq'il sa' xb'eeneb' li tenamit li ink'a' neke'nawok aawu, jo' ajwi' sa' xb'eeneb' li poyanam li ink'a' neke'tijok chawu. Xb'aan naq xe'xsach ruheb' li ralal xk'ajol laj Jakob toj reetal xe'oso'k chi junajwa, ut nakirirnak aj chik li xna'ajeb' xe'xkanab'.

Oseas 7:10

Li xq'etq'etileb' laj Israel yo chi numtaak sa' xb'eeneb', ab'an ink'a' neke'raj sutq'iik rik'in li Qaawa'. Us ta q'axal ra xe'xk'ul, ab'anan ink'a' neke'xsik' li Qaawa' li xYoseb'.

Josué 23:12

“Ab'anan wi texnajto'q rik'in li Qaawa' ut teejunaji eerib' rik'ineb' li tenamit a'in li xe'kanaak sa' eeyanq, wi nekerech'alalin eerib' ut nekeb'on eerib' rik'ineb',

2 Samuel 22:22

xb'aan naq junelik xinwank sa' xb'e li Qaawa' ut maajun wa xinkanab' linYos.

2 Crónicas 15:13

Ke'xye ajwi' naq chixjunileb' li ink'a' te'xpaab' li Qaawa', xYos laj Israel, te'kamsiiq, jo' kok' ut ninq, jo' winq ut ixq.

Isaías 9:12

eb' laj Siria xe'chalje'k chaq sa' xjayal releb'l saq'e, ut sa' xjayal rokeb'l saq'e xe'chalk eb' laj Filistea. Sa' junpaat xe'xsach ruheb' laj Israel. Ab'anan ink'a' xch'anaak xjosq'il li Qaawa' ut toj yo chi xrahob'tesinkileb' li tenamit.

Sofonías 3:2

Ink'a' xraj rab'inkil li xyaab' xkux li Qaawa' chi moko xk'ulub'a li q'use'k xb'aan; ink'a' xk'ojob' xch'ool chirix li xYos chi moko xjilok chi xk'atq A'an.