Sofonías 1:5 - Q'eqchi Bible

⁵ Tinsach ruheb' li neke'taqe'k sa' xb'een li kab'l chi xloq'oninkileb' ru li chahim, eb' li neke'xwiq'ib' rib' chiwu laa'in ut neke'xpatz' ajwi' xk'ab'a' laj Milkón li xyoseb';

Li Santil hu

⁵ Tinsacheb ru li nequeꞌtakeꞌ saꞌ xbe̱n li rochocheb ut nequeꞌxlokꞌoni li sakꞌe, ut li po, joꞌqueb ajcuiꞌ li chahim. Nequeꞌxcuikꞌib rib ut nequeꞌxpatzꞌ xcꞌabaꞌ lix dioseb Milcom. Ut nequeꞌxpatzꞌ ajcuiꞌ incꞌabaꞌ la̱in.

Sofonías 1:5 ပူးပေါင်းရင်းမြစ်များ

Jeremías 19:13

Chixjunileb' li ochoch re Jerusalén, li rochocheb' li awab'ej re Judá ut eb' li kab'l xe'mayejak wi' k'ajpom chiru chixjunileb' li chahim ut xe'mayejak b'iin chiruheb' li jalanil yos, te'kanaaq chi muxb'il ruheb', jo' tz'aqal Tófet»”.

2 Reyes 17:33

Us ta neke'xloq'oni ru li Qaawa', neke'k'anjelak ajwi' chiru li xyoseb' jo' k'aynaqeb' chi xb'aanunkil sa'atqeb' li na'ajej b'arwi' ke'chalk chaq.

1 Reyes 11:33

Xb'aan naq laj Salomón xinxtz'eqtaana ut x'ok chi xloq'oninkil ru lix Astarté, xyoseb' laj Sidón, laj Kamós, xyoseb' laj Mohab, ut laj Milkón, xyoseb' laj Amón, ut ink'a' chik nab'eek sa' tiikilal chiwu, ink'a' chik naxpaab' li waatin ut linchaq'rab', jo' kixb'aanu laj David li xyuwa'.

Amós 5:26

Ab'an anaqwan yookex chi xk'amb'al eb' li jalam u eeyiib'ahom laa'ex: laj Sikut, lee'awab'ej, ut laj Kebán, li chahim li xek'e cho'q eeyos.

2 Reyes 23:12

ut kixjuk'eb' li artal xyiib'ahomeb' li awab'ej re Judá, a'eb' li wankeb' sa' xb'een li rochoch laj Ajás, ut eb' li artal li ke'yiib'aak xb'aan laj Manasés sa' li wiib' xneb'aalil li rochoch li Yos. Kirisiheb', kixputz'iheb' aran ut koxpaji li xpojtz'ileb' sa' li nima' Sedrón.

2 Reyes 17:41

Eb' li tenamit a'an neke'xloq'oni ru li Qaawa', ab'an neke'xk'anjela ajwi' ru li jalanil yos. Toj anaqwan ajwi' eb' li ri xmameb' li ralal xk'ajol neke'xb'aanu jo' li xmama' rixa'aneb'.

1 Reyes 18:21

Toja' naq laj Elías kijilok wankeb' wi' li poyanam ut kixye reheb': “Toj jo'q'e texwanq chi wiib' ru leena'leb'? Wi li Qaawa' a'an li tz'aqal Yos, paab'omaq; wi ut laj Bahal, taaqehomaq a'an”. Eb' li poyanam maajun aatin ke'xye.

Romanos 14:11

xb'aan naq tz'iib'anb'il sa' li Santil Hu: “Relik chi yaal ninye eere -chan li Qaawa'- naq chixjunileb' te'xwiq'ib' rib' chiwu ut rik'in xtz'uumaleb' re te'xnima ru li Yos chixjunileb'”.

San Mateo 6:24

“Maa'ani naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin.

Oseas 4:15

“At Israel, wi laa'at nakamux laapaab'aal, ab'an ink'a' taxaq taamaakob'q laj Judá. Mexxik aran Kilkal chi moko chex'ok Bet-Abén; meeye eejurament sa' xk'ab'a' li Qaawa'.

Jeremías 32:29

Eb' laj Kaldeha li yookeb' chi yalok rik'in Jerusalén te'ok chisa', te'xk'e xxamlel ut taa'oso'q rochb'eeneb' li ochoch nak'atmank wi' pom chiru laj Bahal ut na'uk'mank b'iin sa' xk'ab'a'eb' li jalanil yos yal re xchiq'b'al linjosq'il.

Jeremías 5:7

“Chan ta naq tinkuy aamaak xb'aan a'an, a Jerusalén? -chan li Qaawa'-. Eb' laawalal aak'ajol xine'xtz'eqtaana ut a' chik li maawa' yos neke'xpatz' sa' jurament. Naq xink'eheb' chi tzekank toj reetal xe'nujak, intz'eqtaanankil chik xe'xb'aanu ut jun xikikeb' sa' rochochil li maa'usilal chi xmuxb'aleb' rib'.

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Isaías 48:1

“Ab'ihomaq a'in, ex ralal xk'ajol laj Jakob, li nekek'ab'a'in ajwi' Israel, laa'ex li xexyo'laak sa' riyajil laj Judá. Nekeye eejurament sa' xk'ab'a' li Qaawa' ut nekepatz' xk'ab'a' li xYos laj Israel, ab'an ink'a' nekeb'aanu sa' xyaalal chi moko rik'in xtiikilal eech'ool.

Isaías 45:23

Sa' xk'ab'a' linloq'al xinye injurament, sa' we x'elk li tz'aqal yaal, jun li aatin xaqxooq xwankil chi junelik: «Chixjunileb' te'xwiq'ib' rib' chiwu, chixjunileb' te'yehoq jurament

Isaías 44:5

Li jun tixye: «Laa'in rehin li Qaawa'», li jun chik tixk'ab'a'in ralal xk'ajol laj Jakob, ut li jun chik tixtz'iib'a sa' ruq': «Li Qaawa' a'an laj eechal we», ut tixye naq xkomoneb' laj Israel”.

1 Reyes 11:5

Laj Salomón kixloq'oni ru lix Astarté, xyoseb' laj Sidón, ut kixloq'oni ajwi' ru laj Milkón, xtz'eqb'eetalil yos eb' laj Amón.

Josué 23:7

Meeb'on eerib' rik'ineb' li tenamit a'an li toj wankeb' sa' eeyanq. Meeyaab'a xk'ab'a' li xyoseb' chi moko teeye jurament sa' xk'ab'a'eb'. Meeloq'oni ruheb' chi moko teehupub' eerib' chiruheb',

Deuteronomio 10:20

“A' li Qaawa' laaYos taawoxloq'i ut ka'ajwi' chiru A'an tatk'anjelaq; wanqat rik'in A'an chi junelik ut ka'ajwi' sa' xk'ab'a' A'an taab'aanu jurament.

Hechos 10:9

Sa' li kutan jun chik, naq eb' a'an yookeb' chi xik, ak nach' chik rik'in li tenamit, laj Pedro kitaqe'k sa' xb'een li kab'l chi tijok wa'leb' tana re li kutan.

2 Reyes 17:32

Neke'xloq'oni ajwi' ru li Qaawa', ab'an ke'xxaqab'eb' ajwi' aj tij sa' xyanqeb', re naq te'k'anjelaq sa'eb' li tijob'aal sa' xjolomeb' li tzuul.

Jeremías 5:2

Wankeb' neke'xpatz' xk'ab'a' li Qaawa' sa' jurament, ab'anan moko neke'xb'aanu ta li neke'xye”.

Jeremías 7:9

Nekex'elq'ak, nekekamsi leeras eeriitz'in, nekexmuxuk sumlaak, nekexyehok jurament sa' tik'ti', nekexmayejak chiruheb' laj Bahal ut nekeloq'oni ruheb' li yos ink'a' eenawomeb' ru.

Jeremías 7:10

Chirix chik a'an nekexchalk arin sa' li wochoch li ninloq'oniik wi', ut nekeye: Kolb'ilo, sa wanko arin, chankex. Ut nekeb'aanu wi' chik chixjunil li maa'usilal a'an.

Jeremías 8:2

ut te'hire'q chiru li saq'e, chiru li po ut chiruheb' chixjunil li xchahimal li choxa li ke'xra ut ke'xk'anjela ru, li ke'xtaaqe, li ke'patz'ok wi' ut ke'xloq'oni ru. Ink'a' chik te'xoke'q chi moko te'muqmanq; jo'kaqeb' aj chik li k'ot chiru ch'och'.

Jeremías 12:16

Relik chi yaal naq a'aneb' xe'tzolok re lintenamit chi yehok jurament sa' xk'ab'a' laj Bahal, ab'an anaqwan naru te'wanq sa' xyanqeb' lintenamit wi relik chi yaal naq neke'xtzol li xpaab'aaleb' laj Israel ut neke'yehok jurament sa' ink'ab'a', sa' xk'ab'a' li yo'yookil Yos.

Jeremías 49:1

Jo'ka'in kixye li Qaawa' chirixeb' laj Amón: “Ma maak'a'eb' tab'i' ralal xk'ajoleb' laj Israel? Ma maajun taa'eechaninq re li xna'ajeb'? K'a' put naq li yos Mikón chik x'eechanink re Gad ut eb' laj Amón xe'kanaak sa'eb' li xtenamiteb'?

Oseas 10:2

Jachjo li xch'ooleb', ut anaqwan te'xtoj rix li xmaakeb'. Li Qaawa' tixjuk'i eb' li artal ut tixputz'i eb' li jalanil yos.

Deuteronomio 4:19

Naq taawil li choxa, li saq'e, li po, eb' li chahim ut chixjunil li wank chiru choxa, maak'e aawib' chi b'alaq'iik chi moko taawiq'ib' aawib' chiruheb' chi xloq'oninkileb' ru, xb'aan naq li Qaawa' laaYos kixyiib' eb' a'an re naq te'k'anjelaq chiruheb' chixjunil li tenamit wankatqeb' junsut junrub'el choxa.

Isaías 22:1

Resilal li rahilal chaalel sa' xb'een li xTaq'ahil li Moy u. K'aru xek'ul chejunilex anaqwan naq xextaqje'k sa' xb'eeneb' li ochoch,