Sofonías 1:4 - Q'eqchi Bible

⁴ “Tinrahob'tesiheb' laj Judá ut chixjunileb' li wankeb' Jerusalén. Jo'nimal toj xkanaak re laj Bahal li xyoseb' tinsach ru chi junajwa; a' ajwi' li xk'ab'a'eb' laj k'anjel chiru ut eb' laj tij tinsacheb' ru.

Li Santil hu

⁴ Ut quixye ajcuiꞌ li Ka̱cuaꞌ: —Tinrakok a̱tin saꞌ xbe̱neb laj Judá joꞌqueb ajcuiꞌ li cuanqueb aran Jerusalén. Tinsacheb ru chi junaj cua laj Baal lix dioseb, joꞌqueb ajcuiꞌ chixjunileb laj tij li nequeꞌcꞌanjelac chiru ut chixjunileb li nequeꞌlokꞌonin re.

Sofonías 1:4 ပူးပေါင်းရင်းမြစ်များ

Oseas 10:5

Eb' laj Samaria neke'siksotk ut neke'yaab'ak xb'aan naq xsache'k li wakax oor re Bet-Abén. Neke'huyhutk chi yaab'ak eb' li tenamit rochb'eeneb' laj tij, xb'aan naq xsache'k xloq'al li xyoseb'.

Miqueas 5:13

Teb'insach laayiib'anb'il yos jo'wi' eb' li pek nakaloq'oni ru, re naq ink'a' chik taawiq'ib' aawib' chi xloq'oninkil li yal xyiib'ahom laawuq'.

Jeremías 6:12

Eb' li rochocheb', li xk'aleb'aaleb' ut li rixaqileb' jalan chik taa'eechaninq reheb', naq tintaqla chaq li nimla rahilal re xrahob'tesinkileb' li wankeb' sa' li na'ajej a'in -chan li Qaawa' Yos-.

2 Crónicas 34:4

Chiru ajwi' laj Josías ke'juk'mank li x'artal laj Bahal; ke'xputz'i eb' li artal namayejamank wi' li sununkil b'an, ut ke'xtoqi eb' li xjalam u lix Aserá ut eb' li jalanil yos yiib'anb'ileb' rik'in ha'lesinb'il ch'iich' ut pek, toj reetal ke'kok'puk'iik, ut li pojtz' kipajimank sa' xb'een xmuqleb'aaleb' li poyanam li ke'mayejak chiruheb'.

2 Reyes 21:13

Juntaq'eet tink'e chi xtojb'al xmaakeb' laj Jerusalén, laj Samaria ut eb' li ralal xk'ajol laj Ajab. Tinch'ajob'resi Jerusalén jo' naq naji'e'k ru jun li sek' ut nahupub'aak.

Éxodo 15:12

Xaye' laanim uq' ut xe'nuq'e'k xb'aan li ch'och'.

Jeremías 15:6

Laa'at xattz'eqtaanank we ut xkohat -chan li Qaawa'-. Jo'kan naq laa'in xintitz'k chi xkuyb'al laamaak: xintaqsi li wuq' sa' aab'een charahob'tesinkil ut xinsach aawu.

Ezequiel 6:14

Tinye' li wuq' re xsachb'al ruheb' chi junwaakaj ut joxk' tinkanab' li xch'och'eb', chalen sa' li chaqich'och', sa' xjayal rokeb'l iq', toj Riblá sa' releb'l iq'. Ut aran te'xnaw naq laa'in li Qaawa'”.

Ezequiel 25:7

Jo'kan naq tintaqsi li wuq' sa' eeb'een cherahob'tesinkil ut texinq'axtesi sa' ruq'eb' li xninqal ru tenamit re naq taa'elq'aaq chixjunil li k'aru eere. Tinsach eeru chi junwaakaj re teenaw naq laa'in li Qaawa'».

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Sofonías 2:13

Li Qaawa' tixtaqsi li ruq' sa' xb'eeneb' li na'ajej wankeb' sa' xjayal releb'l iq' re xsachb'al Asiria, ut nakirirnak taakanaaq Nínive, joxk' aj chik taakanaaq wi'.

2 Reyes 23:12

ut kixjuk'eb' li artal xyiib'ahomeb' li awab'ej re Judá, a'eb' li wankeb' sa' xb'een li rochoch laj Ajás, ut eb' li artal li ke'yiib'aak xb'aan laj Manasés sa' li wiib' xneb'aalil li rochoch li Yos. Kirisiheb', kixputz'iheb' aran ut koxpaji li xpojtz'ileb' sa' li nima' Sedrón.