Sofonías 1:2 - Q'eqchi Bible

² Jo'ka'in xye li Qaawa': “Ok we chi xsachb'al chi junajwa chixjunil li wank sa' ruuchich'och'.

Li Santil hu

² Li Ka̱cuaꞌ quixye: —Tinsacheb ru chi junaj cua li cꞌaꞌak re ru cuan saꞌ ruchichꞌochꞌ.

Sofonías 1:2 ပူးပေါင်းရင်းမြစ်များ

Miqueas 7:13

Ab'an nakirnak taakanaaq li xna'ajeb' li tenamit a'an xb'aan li maa'usilal xe'xb'aanu jo'k'ihaleb' li wankeb' aran.

Jeremías 36:29

Ut ye re laj Johakín: «Li Qaawa' xye chi jo'ka'in: Laa'at xak'at li b'otb'ookil hu ut xaye: K'a'ut naq xatz'iib'a sa' li hu naq relik chi yaal li awab'ej re Babilonia tolxjuk'i li tenamit a'in, ut maajun chik poyanam chi moko xul taakanaaq chisa'?

Jeremías 34:22

Laa'in tinsutq'isiheb' chaq wi' chik ut te'chalq chi xsachb'al Jerusalén; te'reechani ut te'xk'e xxamlel. Ut nakirirnak te'kanaaq chixjunileb' li tenamit sa' xteepal Judá ut maajun chik poyanam taawanq chisa'”, chan li Qaawa'.

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

2 Crónicas 36:21

Chi jo'kan kitz'aqlok ru li xyehom li Qaawa' chi xtz'uumal re laj Jeremías li propeet: “Li na'ajej taakanaaq chi po'lemil ut taahilanq chiru lajeeb' xkaak'aal chihab', re xtojb'al rix chixjunileb' li hilob'aal kutan ink'a' ke'roxloq'i xb'enwa”.

Génesis 6:7

“Tinsach ruheb' sa' xb'een li ruuchich'och' chixjunileb' li winq xinyoob'tesi: li winq jo' ajwi' li ketomq, eb' li xul neke'xjukuki rib' sa' ch'och' ut eb' li neke'rupupik chiru choxa. Nayot'e'k linch'ool naq xeb'inyoob'tesi”, chan li Yos.

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

2 Crónicas 24:24

Us ta ink'a' k'iheb' laj puub' li ke'chalk chaq Aram, ab'an q'axal naab'aleb' laj puub' aj Judá li ke'q'axtesiik sa' ruq'eb' xb'aan li Qaawa', xb'aan naq ke'xtz'eqtaana li Qaawa', xYos eb' li xxe'toonil yuwa'eb'. Jo'ka'in naq eb' laj Aram ke'xk'e laj Johás chi xtojb'al rix li xmaak.

Lamentaciones 2:17

Li Qaawa' xb'aanu li k'uub'k'u xb'aan; xtz'aqlok ru li raatin yeeb'il chaq junxil. Li Yos xjuk'uk chi ink'a' xril xtoq'ob'aal aawu; ut xk'e li xik' na'ilok aawe chi xq'axb'al aawu ut chi saho'k sa' xch'ool.