Sofonías 1:15 - Q'eqchi Bible

¹⁵ A'anaq xkutankil li josq'il, xkutankil li rahil ch'oolej ut rahilal, xkutankil li sachok ut juk'uk, xkutankil li aak'ab' ut li q'oqyink; muhaq ru li kutan a'an ut choqlaq ru,

Li Santil hu

¹⁵ Saꞌ li cutan aꞌan li Dios tixcꞌutbesi lix joskꞌil chiruheb. Kꞌaxal nabal li raylal ut li rahil chꞌo̱lejil teꞌxcꞌul. Teꞌsachekꞌ ruheb. Ta̱kꞌojyi̱nokꞌ ru li choxa xban li chok ut ta̱mo̱yk ru li cutan.

Sofonías 1:15 ပူးပေါင်းရင်းမြစ်များ

Joel 2:2

a'an xkutankil li aak'ab' ut li q'oqyink, xq'ehil li q'oqyinkil choql ut li mu! Jo' naq nahik'e'k li kutan sa' xb'een li tzuul, jo'kan ajwi' yooqeb' chi chalk eb' laj saak', jo' jun teep chi aj puub' q'axal naab'aleb' ut kaweb' rib': maajun wa ilb'il ru a'in chi moko tox'ilmaq chik moqon sa' xyanqeb' li k'iila teep chi tenamit chaalel.

Isaías 22:5

Xb'aan naq xwulak xkutankil li rahilal, li juk'uk ut li sachok taqlanb'il chaq xb'aan li Qaawa', li Nimajwal Yos. Sa' xTaq'ahil li Moy u yookeb' chi xjuk'b'al li suttz'ak ut li xyaab' kuxej xwulakje'k toj sa'eb' li tzuul chi xsutam.

Apocalipsis 6:17

Xb'aan naq xtaw xq'ehil li xnimal xkutankil li tojb'amaak, ut ani taaruhanq chi xkuyb'al a'an?”.

2 Pedro 3:7

A'ut li choxach'och' li wankeb' anaqwan k'uulanb'ileb' cho'q re li xam xb'aan ajwi' Raatin li Yos, ut xokxookeb' cho'q re xkutankil li raqb'a aatin naq te'sache'q li ink'a' neke'paab'ank.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

Sofonías 2:2

naq toj maji' nekexrume'k chi najt, jo' na'uxk re li k'im li nasachk chiru jun kutan. Junajiiq eerib' rub'elaj naq taachalq sa' eeb'een li xnimal xjosq'il li Qaawa', naq toj maji' nawulak xkutankil li xjosq'il li Yos.

Sofonías 1:18

Sa' xkutankil li xjosq'il li Qaawa', maak'a' taakoloq reheb' li poyanam, chi moko li plaat chi moko li oor, xb'aan naq chixjunil li ruuchich'och' taa'oso'q sa' xxamlel xjosq'il li Yos. Jo'k'ihaleb' li wankeb' junsut junrub'el choxa te'oso'q sa' junpaat.

Joel 2:11

Li Qaawa' tixjap re chi xtaqlankileb' a'an. K'ajo'aq xk'ihaleb' laj k'anjel chiru ut jwal naab'alaqeb' li neke'paab'ank re. Xiwajelaq li kutan taaraqoq wi' aatin li Qaawa'. Maajun taakuyuq re rilb'al.

Jeremías 30:7

Q'axal rahaq rilb'al li kutan a'an, jwal xiwajelaq jo' maajun wa ilb'il. A'an xkutankil li nimla rahil ch'oolej cho'q reheb' laj Jakob, ab'an te'xkoolan xnumsinkil li kutan a'an.

San Mateo 24:29

“Akaq xk'ulmank li nimla rahilal a'an, li saq'e taaq'oqyino'q ru chi junpaat, li po ink'a' chik taasaqeno'q ru, eb' li chahim sa' choxa te't'anje'q chaq ut li xwankilal li choxa taachiq'chiq'iiq sa' xna'aj.

Deuteronomio 28:52

“Te'xsut aawix sa' chixjunileb' laatenamit toj reetal te't'ane'q eb' li tz'ak najt xterameb' ut yiib'anb'ileb' chi chaab'il, a' li kaw wi' aach'ool. Te'xsut aawix sa' chixjunileb' laatenamit ut sa' li na'ajej xk'ehom aawe li Qaawa' laaYos.

Isaías 8:22

chirix chik a'an te'iloq sa' li ruuchich'och', ut junes rahil ch'oolej ut rahilal, aak'ab' ut ch'a'ajkilal te'xtaw. Aran te'oso'q sa' li q'oqyink.

Joel 2:31

Taa'aak'ab'o'q ru li saq'e ut li po taakik'o'q ru, rub'elaj xk'ulunik li xKutankil li Qaawa', a' li xnimal ru kutan ut q'axal xiwajel”.

Isaías 13:9

We' chaq xkutankil li Qaawa', xiwajelaq li xxamlel li xjosq'il, re xkanab'ankil li ruuchich'och' chi nakirirnak aj chik, jo' ajwi' re xsachb'aleb' laj maak li wankeb' chisa'.