Sofonías 1:10 - Q'eqchi Bible

¹⁰ Jo'ka'in xye li Qaawa': “Sa' li kutan a'an taa'ab'imanq xyaab' kuxej chi xtz'aamankil xtenq'ankileb' chalen toj sa' li Okeb'aal reheb' li kar. Japjo'qeb' re chi tz'uyink sa' li Ak' Na'ajej ut taa'ab'iiq xyaab'eb' li tzuul li yooqeb' chi uq'e'k.

Li Santil hu

¹⁰ Quixye ajcuiꞌ li Ka̱cuaꞌ: —Saꞌ eb li cutan aꞌan japjo̱keb re chixtzꞌa̱manquil xtenkꞌanquileb laj Judá joꞌqueb ajcuiꞌ li cuanqueb Jerusalén. Ut ta̱abima̱nk lix ya̱b lix cuxeb toj cuan cuiꞌ li oqueba̱l li nequeꞌcꞌayin cuiꞌ car. Ta̱abi̱k ajcuiꞌ lix ya̱b xcuxeb toj saꞌ lix cab oqueba̱l. Ut teꞌrabi nak yo̱keb chak chi cha̱lc saꞌ li tzu̱l li xicꞌ nequeꞌiloc reheb.

Sofonías 1:10 ပူးပေါင်းရင်းမြစ်များ

2 Crónicas 33:14

Moqon chik kixyiib' li xsuttz'akil li xtenamit laj David, sa' xjayal rokeb'l saq'e re Kijón, wan wi' li yu'amha', toj sa' Rokeb'aaleb' li kar; kixsut rix Ofel chi jwal najt xteram. Kixxaqab'eb' ajwi' xjolomileb' laj puub' sa' chixjunil li tenamit kawub'resinb'ileb' sa' xteepal Judá.

Amós 8:3

Sa' li kutan a'an, eb' li ixq li neke'b'ichank sa' rochoch li awab'ej te'xb'icha rahil b'ich -chan li Qaawa' Yos-. Naab'aleb' li poyanam te'kamq ut maak'a'aq aatinak naq toxe'kutiiq yalaq b'ar”.

2 Reyes 22:14

Toja' naq laj Jilkías, xb'eenil aj tij, laj Ajikán, laj Akbor, laj Safán ut laj Asaías koheb' rik'in lix Juldá, ixqipropeet, rixaqil laj Salún, ralal laj Tikbá ut ri laj Jarkás, aj k'uulahom re li raq'eb' laj tij. Lix Juldá wank rochoch Jerusalén, sa' li Ak' Na'ajej, ut naq eb' li xtaql li awab'ej ke'aatinak rik'in,

Nehemías 3:3

Eb' laj Hasená ke'xyiib' wi' chik li Rokeb'aaleb' li Kar: ke'xk'e li xtz'amb'ahil, li xtz'apb'al ut li xnat'b'al rix.

Sofonías 1:15

A'anaq xkutankil li josq'il, xkutankil li rahil ch'oolej ut rahilal, xkutankil li sachok ut juk'uk, xkutankil li aak'ab' ut li q'oqyink; muhaq ru li kutan a'an ut choqlaq ru,

Sofonías 1:7

Mexchoqink chiru li Qaawa' xb'aan naq nach' chik wank li xkutankil li Qaawa'. Li Yos xkawresi jun mayejak ut ak xrosob'tesiheb' li rula'.

Jeremías 39:2

Ak b'eleeb' kutan xb'e li xka po re li xjunlaju chihab' rokik laj Sedesías cho'q awab'ej, eb' laj Kaldeha ke'xte jun li okeb'aal sa' li xsuttz'akil li tenamit,

Jeremías 4:31

Toja' naq xwab'i xyaab' xkux jun li ixq, chanchan naq toj xb'enwa ok re chi alank. A'an pe' li xyaab' xkux li xrab'in li tenamit Sión; naxjiq' xch'ool chi yaab'ak, naxye' li ruq' ut naxye: «Toq'ob' wu, oso'k we xb'aaneb' laj kamsinel poyanam!»”.

Isaías 59:11

Chiqajunilo xqajap qe jo' li tz'uqtz'un, xooq'urnak jo' li mukuy; xqoyb'eni li qakolb'al, ab'an ink'a' xk'ulunk; xqayo'oni wank chi ach'ab'anb'il, ab'anan xnajto'k qik'in.

2 Crónicas 32:22

Jo'ka'in li Qaawa' kixkol laj Esekías ut eb' laj Jerusalén chiru laj Senakerib, awab'ej re Asiria, ut chiru chixjunileb' li xik' neke'ilok re, ut kixk'eheb' chi wank sa' tuqtuukilal rik'ineb' li wankeb' chi xsutam.

2 Crónicas 3:1

Laj Salomón kixtikib' xkab'lankil li rochoch li Qaawa' aran Jerusalén, sa' li tzuul Moria xk'ab'a', b'arwi' kixk'ut rib' li Qaawa' chiru laj David li xyuwa', sa' li na'ajej kixk'uub' laj David, sa' xch'oxleb'aal laj Ornán, Jebús xtenamit.

2 Samuel 5:9

Laj David kixk'ojob' xna'aj sa' li kawub'resinb'il kab'l, ut xTenamit laj David kixk'e cho'q xk'ab'a'. Kixwaklesi jun li suttz'ak chi xsutam, chalen chaq Miló toj chisa'.

2 Samuel 5:7

Ab'anan laj David ki'ok sa' li kawub'resinb'il ochoch re Sión, li xTenamit laj David chik naxk'ab'a'in.

2 Crónicas 34:22

Laj Jilkías ut eb' li xtaql li awab'ej koheb' rik'in lix Juldá, ixqipropeet, rixaqil laj Salún, ralal laj Tokat ut ri laj Jasrá, aj k'uulahom re li raq'eb' laj tij. Lix Juldá wank rochoch Jerusalén sa' li Ak' Na'ajej. Ut eb' a'an ke'xseeraq'i re jo' chanru kik'uub'amank.

Nehemías 12:39

Koonume'k sa' xb'een li Okeb'aal re laj Efraín, sa' xb'een li Okeb'aal reheb' li Kar, sa' xb'een li najt xteramil rochoch laj Jananel jo'wi' li najt xteramil kab'l O'k'aal xk'ab'a', toj wan wi' li Okeb'aal reheb' li Karneer, ut kooxaqliik wan wi' li Okeb'aal re li Tz'alam.

Ezequiel 6:13

Toj aran teenaw laa'ex naq laa'in li Qaawa' Yos, naq teerileb' li kamenaq sa' xyanqeb' li jalanil yos ut chi xsutameb' li artal, sa' xb'eenatqeb' li b'ool najteb' xteram, sa' xjolomeb' li ninqal tzuul, rub'elatqeb' li che', eb' li ninqi ji ut sa'atqeb' li na'ajej xe'mayejak wi' li sununkil pom chiruheb' li xyoseb'.