Santiago 4:3 - Q'eqchi Bible

³ Nekextz'aamank ut ink'a' nekexk'uluk xb'aan naq ink'a' nekextz'aamank chi chaab'il: yal nekeraj xsachb'al chixjunil rik'in li k'aru naxrahi xb'aanunkil li tz'ejwalej.

Li Santil hu

³ Ut nak nequextzꞌa̱man chiru li Dios, incꞌaꞌ nequecꞌul xban nak incꞌaꞌ nequetzꞌa̱ma joꞌ naraj li Dios. Incꞌaꞌ nequecꞌul xban nak nequetzꞌa̱ma yal re xsachbal saꞌ li joꞌ ma̱joꞌil naꞌleb.

Santiago 4:3 ပူးပေါင်းရင်းမြစ်များ

1 Juan 5:14

A'in wan wi' xkawub' qach'ool rik'in li Yos: naq A'an nokoorab'i wi wank k'aru tqatz'aama chiru jo' chanru naraj A'an.

1 Juan 3:22

ut chixjunil li tqatz'aama tqak'ul sa' ruq'. K'a'ut? Xb'aan naq yooko chi xpaab'ankileb' li xchaq'rab' ut naqab'aanu li k'aru nawulak chiru.

Santiago 4:1

B'ar nachalk chaq li raaxiik' ut li ch'e'oj ib' wank sa' eeyanq? Ma ink'a' tab'i' nachalk xb'aan li maa'usilal naxamnak sa' leejunxaqalil?

Miqueas 3:4

Jo'kan wi teeyaab'a xk'ab'a' li Qaawa', A'an ink'a' texxsume chaq. Chiruheb' li kutan a'an tixmuq rib' cheru xb'aan li maa'usilal xeb'aanu”.

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Proverbios 21:13

Li ink'a' naruxtaana ru li neb'a' naq wank sa' rahilal, ink'a' ajwi' taatenq'aaq naq tixpatz' usilal.

Li xHu LAJ JOB 35:12

Neke'xpatz' xtenq'ankileb', ab'an li Qaawa' ink'a' nachaq'ok chaq, xb'aan naq ink'a' useb' xna'leb' ut q'etq'eteb'.

Zacarías 7:13

Jo' naq eb' a'an ink'a' ke'raj wab'inkil naq keb'inb'oq, laa'in ink'a' ajwi' nawaj rab'inkil li neke'xtz'aama ut neke'relaji chiwu.

San Lucas 15:13

Ink'a'aq k'iila kutan a'an, li iitz'inb'ej kixk'ayi li k'aru wank re ut koho sa' najtil tenamit b'arwi' kixsach chixjunil, yo xq'axb'al li kutan chi jo'maajo'.

San Marcos 10:38

A'ut li Jesus kixye reheb': —Ink'a' nekenaw k'aru yookex chi xtz'aamankil. Ma truuq teeruk' xsa' li sek' nin'uk'ak wi' laa'in, malaj truuq teek'ul li kub'iha' nink'ul laa'in?

San Mateo 20:22

Ab'an li Jesus kixye: —Ink'a' nekenaw k'aru yookex chi xtz'aamankil. Ma truuq teeruk' xsa' li sek' tinwuk' laa'in?

Jeremías 11:14

Ut laa'at, a Jeremías, mattijok chirixeb' li tenamit a'in. Mattz'aamank chi moko chat-elajink chirixeb', xb'aan naq moko te'wab'i ta naq te'xpatz' xtenq'ankileb' sa' xkutankil li nimla rahilal.

Proverbios 21:27

Li Qaawa' naxtz'eqtaana li xmayejeb' li ink'a' useb' xch'ool. Ma toja' ta chik naq yal kab' rix xch'ooleb' naq neke'xk'e?

Proverbios 1:28

“Toja' naq tineeb'oq, ab'anan laa'in ink'a' tinchaq'oq; tineesik', ab'anan ink'a' tineetaw.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Salmos 18:41

xak'eheb' chi elelik li xik' neke'ilok we, ut xinjuk'eb' jo'k'ihaleb' li neke'tz'eqtaanank we.

Jeremías 11:11

Jo'kan naq tintaqla chaq jun nimla rahilal sa' xb'eeneb' ut ink'a' te'xkol rib' chiru. Us ta japjo'qeb' re chi xpatz'b'al xtenq'ankileb' chiwu, ink'a' tin'ab'inq chiruheb'.

San Lucas 15:30

Ab'an naq xk'ulunk laawalal a'in li xchoy chaq laajunkab'lal rik'ineb' laj yumb'eet, xakamsi cho'q re li ral wakax ch'oolaninb'il chi us».

1 Reyes 3:11

Toja' naq li Qaawa' kixye re: “Xb'aan naq ink'a' xatz'aama chiwu xnajtil roq laayu'am, chi moko aab'ihomal chi moko xkamikeb' li xik' neke'ilok aawe, xatz'aama b'an aachaab'il na'leb' re ab'ink ut awab'ejink sa' tiikil ch'oolej,

San Lucas 11:10

Xb'aan naq chixjunil li natz'aamank nak'uluk; li nasik'ok natawok, ut li nab'oqok chire kab'l natehe'k chiru.