Proverbios 8:17 - Q'eqchi Bible

¹⁷ Laa'in ninraheb' li nake'rahok we; ut eb' li nikine'xsik' chi anchaleb' xch'ool, nikine'xtaw.

Li Santil hu

¹⁷ La̱in nequebinra li nequeꞌcuulac chiruheb xba̱nunquil li cha̱bil naꞌleb. Eb li nequeꞌxqꞌue xchꞌo̱l chixsicꞌbal nequeꞌxtau ajcuiꞌ.

Proverbios 8:17 ပူးပေါင်းရင်းမြစ်များ

San Juan 14:23

Kichaq'ok li Jesus ut kixye: —Ani narahok we, tixk'e xch'ool chirix li waatin; linYuwa' taarahoq re, toochalq rik'in ut tqak'ojob' qana'aj rik'in.

San Juan 14:21

Ani aj ik'in wankeb' linchaq'rab', wi naxpaab' li neke'xye, a'an li narahok we. Ut li narahok we, taarahe'q xb'aan linYuwa'; ut laa'in ajwi' tinra ut tink'ut wib' chiru”.

Salmos 91:14

“Xq'axtesi rib' chiwu, jo'kan naq tinkol -chan li Qaawa'-; tinmuheela xb'aan naq naxnaw wu.

Isaías 55:6

“Sik'omaq li Qaawa' naq toj naru xtawb'al; b'oqomaq A'an naq toj wank chi nach'.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

1 Juan 4:19

Laa'o nokoorahok xb'aan naq A'an kooxra xb'enwa.

Isaías 45:19

Ink'a' xin'aatinak sa' hasb' chi moko sa' junaq muqmuukil na'ajej. Moko xinye ta reheb' li ralal xk'ajoleb' laj Jakob: «Sik'omaqin b'arwi' maak'a' wank». Laa'in li Qaawa' li nin'aatinak chi tz'aqal yaal, ut tiikil aatin ninye.

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

Santiago 1:5

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

San Juan 16:27

xb'aan naq a' ajwi' li Yuwa'b'ej narahok eere. A'an nekexra laa'ex xb'aan naq nikineera ut kaw nekepaab' naq rik'in li Yos elenaqin chaq.

San Marcos 10:14

Naq li Jesus kiril a'an, kijosq'o'k ut kixye reheb': —Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal awab'ejihom li Yos.

Proverbios 1:28

“Toja' naq tineeb'oq, ab'anan laa'in ink'a' tinchaq'oq; tineesik', ab'anan ink'a' tineetaw.

Eclesiastés 12:1

Chijultiko'q aawe laj Yoob'tesihom aawe anaqwan naq toj saajat ut maji' neke'chalk li ink'a' usil kutan. Chalk re li kutan taaye wi': “Maak'a' xsahil linyu'am”, cha'qat.

San Juan 7:37

Sa' roso'jik li ninq'e, sa' xnimal xkutankil, kixye li Jesus chi xaqxo ut chi kaw xyaab' xkux: “Li taachaqiq re, chalqaq wik'in, ut li napaab'ank we, chi'uk'aq.

2 Crónicas 34:3

Ak waqxaqib' chihab' rokik cho'q awab'ej chi toj saaj ajwi', laj Josías kixtikib' xsik'b'al li xYos laj David li xyuwa'; ut naq yo chik xkab'laju chihab', kixtikib' risinkileb' li tijob'aal wankatqeb' chi tzuul sa' xteepal Judá ut Jerusalén, jo' ajwi' eb' li xjalam u lix Aserá ut eb' li jalanil yos yiib'anb'ileb' rik'in ha'lesinb'il ch'iich' ut pek.

Proverbios 2:4

chasik' a'an jo' nasik'mank li tumin, ut k'e aach'ool chirix jo' nasik'e'k li b'ihomal.

Proverbios 2:5

Chi jo'kan taataw xyaalal li roxloq'inkil li Qaawa' jo' ajwi' taanaw ru A'an chi yaal.

Proverbios 4:6

Wi nakara li chaab'il na'leb' ut maajun sut nakatz'eqtaana, a'an tatxtenq'a ut tatxkol.

Proverbios 8:16

Sa' ink'ab'a' wankeb' xwankil li xjolomileb' li tenamit, ut tiik xch'ooleb' chixjunileb' laj raqol aatin.

Cantares 3:4

Toje' ajwi' teb'inkanab', naq xintaw li xrahom li waanm. Xinq'alu ut ink'a' chik tinkanab' chi xik, toj reetal twoksi sa' rochoch linna', toj sa' xwarib'aal li x'alank we.

San Juan 5:4

Xb'aan naq jun li ánjel nakub'e chaq yalaq jo'q'ehatqil chi reek'asinkil li ha', ut li ani na'ok xb'enwa chisa' naq ak x'eek'asiik li ha', nak'iraak a' yaal k'aru li xyajel.