Proverbios 6:12 - Q'eqchi Bible

¹² Li ink'a' us xch'ool ut yib'ru xna'leb' junes tik'ti' na'elk chi xtz'uumal re;

Li Santil hu

¹² Eb li incꞌaꞌ useb xnaꞌleb ma̱cꞌaꞌ nequeꞌoc cuiꞌ. Junes ticꞌtiꞌic nequeꞌxba̱nu.

Proverbios 6:12 ပူးပေါင်းရင်းမြစ်များ

San Mateo 12:34

Ex ral q'anb'olay, chan ta wi' ru naq teeye chaab'il aatin, naq moko usex ta? Xb'aan naq rik'in li xnumnujenaqil li ch'oolej na'aatinak li xtz'uumal re li winq.

Proverbios 16:27

Li ink'a' us xna'leb' junes maa'usilal naxk'oxla; ut eb' li raatin chanchan li raq'xam.

Proverbios 4:24

Isi sa' xtz'uumal aawe chixjunil li tik'ti' jo' ajwi' li b'alaq'il aatin.

1 Timoteo 5:13

Jo'wi' anchal, neke'k'ayk chi sub'uk kutan ut neke'xtzol rib' chi xik chirehatq kab'lal; ut moko ka'aj ta wi' sub'uk kutan neke'xb'aanu, neke'molok aj b'an wi' aatin, neke'xch'ik rib' yalaq b'ar ut neke'xye li moko yehe'k ta naraj.

Hechos 20:30

Sa' eeyanq ajwi' laa'ex wanqeb' winq te'wakliiq chi xyeeb'al k'a'aq re ru ink'a' us re xk'amb'aleb' laj paab'anel chirixeb'.

Proverbios 17:4

Li ink'a' us xch'ool ut laj tik'ti' neke'xpaab' li neke'xye eb' laj maak.

Proverbios 8:13

Roxloq'inkil ru li Yos a'an xtz'eqtaanankil li maa'usilal; laa'in xik' nawil li q'etq'etil, li nimob'resink ib', li yib'ru yu'amej ut li tik'ti'.

Salmos 59:7

Ewu neke'sutq'iik chaq; kama'eb' li tz'i' naq neke'woob'ak, neke'xsutya rib' sa' chixjunil li tenamit.

Santiago 3:6

Ut li ru'uj qaq' a'an xam, a'an jun ruuchich'och' nujenaq chi maa'usilal. Li ru'uj qaq' a'an jun xcha'al li qatz'ejwal, ab'an nokooxtz'ajni chi qajunxaqalil; naxloch xxamlel chixjunil li qayu'am chalen sa' xtiklajik, rik'in jun xam nachalk chaq sa' li xb'alb'a.

Proverbios 11:6

Li tiikilal naxkoleb' li chaab'ileb' xch'ool; a'ut eb' laj b'alaq' neke'aaleek xb'aan li k'aru neke'rataw.

Proverbios 6:14

Yib'ru li xna'leb': junes maa'usilal wank sa' xch'ool ut junelik yo chi xyoob'ankil raaxiik'.

Proverbios 2:12

tatrisi sa' li ink'a' usil b'e ut tatxkol chiruheb' laj b'alaq',

Salmos 36:3

K'ajo' naq naxra rib' ut ink'a' naxk'e reetal li xmaak chi moko naxtz'eqtaana li xmaa'usilal.

Salmos 10:7

Sa' re numtajenaq li b'alaq' ut li tik'ti', rub'el li ru'uj raq' k'uulanb'il li maa'usilal ut rahob'tesink.

Salmos 10:3

Li yib'ru xna'leb' naxnimob'resi rib' rik'in li naratawin li xch'ool; k'ajo' naq laj pix naxtz'eqtaana ut naxmaa'usila li Qaawa'.

Santiago 1:21

Jo'kan utan, tz'eqtaanahomaq chixjunil li tz'ajb'eetal jo'wi' chixjunil li maa'usilal li yo chi numtaak, ut k'ulumaq sa' q'unil li Aatin awb'il eerik'in: a'an wank xwankil chekolb'al.

Jeremías 24:2

Sa' jun chakach q'axal chaab'il li iig wank chisa' jo' tz'aqal li xb'een ru li awimq; ab'an sa' li jun chik ink'a' us li iig wank chisa', tik ink'a' chaab'il ut ink'a' naru xtzekankil.

1 Samuel 17:28

Naq laj Eliab kirab'i li yo xyeeb'al li riitz'in reheb' li winq, kichalk xjosq'il sa' xb'een laj David ut kixye re: “K'a' aj e naq xatchalk arin? Ani aj ik'in xakanab' chaq li jun ch'ina ch'uuteb' li karneer sa' li chaqich'och'? Ninnaw laaq'etq'etil ut li xlab'al laach'ool, xb'aan naq xatchalk arin yal re rilb'al li yalok”, chan.

Proverbios 10:32

Sa rab'inkil chi aatinak li tiik xch'ool; a'ut li ink'a' us xna'leb' junes yib' aj aatin naxye.

Salmos 101:3

ut ink'a' tink'e sa' xnaq' wu li ink'a' us. Xik' nawil eb' li neke'xq'et xchaq'rab' li Yos ut maajoq'e tinjunaji wib' rik'ineb'.

Proverbios 3:32

xb'aan naq li Qaawa' xik' narileb' li ink'a' useb' xna'leb', ab'an naxraheb' li tiikeb' xch'ool.

Proverbios 16:30

Li naxmutz' li ru, yo xk'uub'ankil li ink'a' us; ut li naxk'ux li xtz'uumal re, a'an ak xb'aanu li maa'usilal.