Proverbios 5:16 - Q'eqchi Bible

¹⁶ Maab'atz'unle laayu'am sa' b'e, chi moko chara jalan chik li ixq.

Li Santil hu

¹⁶ ¿Cꞌaꞌru aj e nak teꞌcua̱nk a̱cualal a̱cꞌajol saꞌ be? ¿Cꞌaꞌru aj e nak ta̱canabeb chi tzꞌektzꞌo yalak bar?

Proverbios 5:16 ပူးပေါင်းရင်းမြစ်များ

Salmos 128:3

Laawixaqil chanchanaq jun toon chi uub' li q'axal na'uuchink chi xmu laawochoch. Eb' laawalal aak'ajol chanchanaqeb' xtux li oliiw chi xsutam laameex.

Salmos 127:3

Li qakok'al a'aneb' li rosob'tesihom li Qaawa', eb' li qalal qak'ajol a'aneb' li qaq'ajkamunkil.

Isaías 48:21

Naq yookeb' chi nume'k sa' li chaqich'och', ink'a' ke'chaqik re; li Qaawa' kixk'eheb' ruk'a' naq kixjor li saqoonak ut ki'elk roq nima'.

Salmos 68:26

Chi uub'ej neke'xik laj b'ichanel, chi ixb'ej wankeb' li neke'wajb'ak; sa' yiib'ej neke'b'eek eb' li tuq'ixq, chi wankeb' xtzojtzoj tun sa' ruq'eb'.

Jueces 12:9

Laj Ibsán kiwank chaq lajeeb' xka'k'aal (30) li ralal ut lajeeb' xka'k'aal li xrab'in, ut chixjunileb' kixsumub'eb' rik'ineb' li jalaneb' xtenamit. Wuqub' chihab' kitaqlank sa' xb'eeneb' laj Israel,

Deuteronomio 33:28

Laj Israel wanq chi k'ojk'o li xch'ool; eb' li ralal xk'ajol laj Jakob wanqeb' sa' tuqtuukilal. Q'axal naab'al li triiw ut li uub' sa' li xch'och'eb'; junelik wanq li k'ajob' nachalk chaq sa' choxa.

Génesis 24:60

Ke'rosob'tesi lix Rebeka ut ke'xye re: “At qanab', chatk'ihanq chi k'iila o'q'ob', ut eb' laawalal aak'ajol che'eechaninq re li xtenamiteb' li xik' neke'ilok reheb'”.

Proverbios 5:15

K'ojob' aach'ool rik'in laawixaqil, ut yal xsahil li rahok ka'ajwi' sa' laawochoch.

Proverbios 5:17

Aawehaq aajunes laawixaqil, ut maawotz xsahil li sumlaak rik'in jalan chik.

Proverbios 5:18

Osob'tesinb'ilaq taxaq laasum'aatin, ut sahaq aach'ool rik'in laawixaqil li xatsumlaak wi' sa' laasaajilal!

Proverbios 9:17

Li uk'a' elq'anb'il, a'an jwal ki'; ut li wa nawa'mank sa' muqmu, a'an jwal sa”, chan reheb'.

Cantares 4:12

Laa'at li xtz'aptz'ookil na'aj awimq, at wanab', at xsumwaanm; laa'at xtz'aptz'ookil na'aj awimq ut yu'amha' kaaxtinb'il.

Cantares 4:15

Laa'at xyo'leb'aal ha' li wank sa' li awimq, laa'at li yu'amha' li nab'ulb'utk sa' xtoonal li tzuul Líbano.