Proverbios 5:12 - Q'eqchi Bible

¹² Ut taaye: “K'a'ut naq ink'a' xinpaab' linq'usb'al? K'a'ut naq xintz'eqtaana lintzolb'al?

Li Santil hu

¹² Ut te̱ye: —¿Cꞌaꞌut nak incꞌaꞌ xinqꞌue saꞌ inchꞌo̱l li kꞌusbal li quiqꞌueheꞌ cue? ¿Cꞌaꞌut nak xintzꞌekta̱na?

Proverbios 5:12 ပူးပေါင်းရင်းမြစ်များ

Proverbios 12:1

Li naxk'ul ru li tije'k, a'an wank xna'leb'. Li xik' nareek'a q'use'k, a'an maak'a' xna'leb'.

Proverbios 15:5

Li maak'a' xna'leb' naxtz'eqtaana li xtijb'al xb'aan li xyuwa'; a'ut li wank xna'leb' naxk'e sa' xch'ool li xq'usb'al.

Proverbios 1:25

Xetz'eqtaana b'an chixjunileb' li waatin ut ink'a' xeraj xk'ulub'ankil linq'usum.

Proverbios 1:22

“Laa'ex li maak'a' eena'leb', jo' najtil chik teeraj wank sa' xmajelal leena'leb'? Ut laa'ex li nekeq'etq'eti eerib', jo' najtil chik texwanq sa' leeq'etq'etil? Ex jip, toj jo'q'e teekanab' xtz'eqtaanankil li chaab'il k'a'uxl?

Proverbios 1:7

Li roxloq'inkil li Qaawa' a'an xtiklajik li chaab'il k'a'uxl; eb' li jip neke'xtz'eqtaana li tije'k ut li q'use'k.

Jeremías 44:4

«Laa'in junelik kink'e inch'ool chi xtaqlankileb' chaq eerik'in linpropeet, aj k'anjeleb' chiwu, re xyeeb'al eere naq meeb'aanu li tz'i'b'eetalil na'leb' li ink'a' nawulak chiwu.

Proverbios 13:18

Xutaanal ut neb'a'il tixtaw li ink'a' naraj q'use'k; a'ut li naxk'e sa' xch'ool li tijb'al, taak'ehe'q xloq'al.

Salmos 50:17

laa'at li xik' nakawil laatijb'al inb'aan, laa'at li nakatz'eqtaana chixjunil li waatin?

Salmos 73:22

laa'in chaq jun jip ut maak'a' inna'leb'; kama'in chaq junaq xul chawu, at Qaawa'.

2 Crónicas 36:16

Ab'anan eb' a'an ke'xse'e eb' li xtaql li Yos, ke'xtz'eqtaana li raatineb', ke'reetz'uhatq li xpropeet, toj reetal kichalk xjosq'il li Qaawa' rik'in li xtenamit ut maak'a' chik kikolok reheb'.

2 Crónicas 25:16

Toj yo ajwi' chi aatinak li propeet naq laj Amasías kixye re: “Ma xate'xxaqab' tab'i' cho'q aj k'ehol xna'leb' li awab'ej? Kanab' aatinak. Malaj taawaj naq tate'xkamsi?”. Ut li propeet kixye: “Laa'in ninnaw naq li Qaawa' xk'uub' xsachb'al aawu, xb'aan naq xab'aanu li ink'a' us ut ink'a' nakawaj rab'inkil li xinye aawe”. Ut kixkanab' aatinak.

Génesis 19:9

A'ut eb' a'an ke'chaq'ok: “Elen arin! Junaq chalenaq sa' jalan tenamit ma taaraqoq aatin sa' qab'een? Anaqwan q'axal ra chik taak'ul laa'at chiruheb' a'an”, chankeb'. Tikto ke'xtiikisi laj Lot ut ke'xyal xweqb'al li kab'l;

Proverbios 6:23

Xb'aan naq li chaq'rab' ut li taqlahom, a'an jun lochlookil xam; li qatijb'al ut qaq'usb'al a'an xb'ehil li yu'am.

Proverbios 5:11

Mare anchal ra taaweek'a moqon naq yooqat chi oso'k ut maak'a'aq chik xkawilal laawoq laawuq'.

Proverbios 8:36

Ab'an li natz'eqtaanank we, naxsach rib' xjunes; li xik' na'ilok we, naxsik' li xkamik”.

Proverbios 10:17

Li naxpaab' li xtijb'al, chaab'il b'e naxik wi'; a'ut li ink'a' naxpaab', taasachq.