26 Chatiikob'resi ru laab'e, re naq maak'a' taak'ul sa' laab'eenik.
26 Cheqꞌuehak retal chi us chanru nak texcua̱nk ut cheba̱nuhak li ti̱quilal.
tiikob'resihomaq li nekexb'eek wi', re naq li yeq ink'a' tixtoq li roq, chik'iraaq b'an.
A' li Qaawa' nab'eresink re li winq; nasaho'k sa' xch'ool rik'in rilb'al li xyu'am.
Us rajan naq kawaq inch'ool sa' laab'e re naq tinpaab' chixjunil laataqlahom.
Tiik xch'ool li Qaawa'; ut a'an tixk'e xkawub' eech'ool ut texxkol chiru li maa'us.
Ma ink'a' nekeril li k'aru yookex chi xk'ulb'al?
Laa'in li Nimajwal Yos, ut nawaj naq teek'oxla chi us k'aru yookex chi xb'aanunkil.
re naq kawub'resinb'ilaq chi us leech'ool sa' santilal chi maak'a'aq eeq'usb'al chiru li Yos li qaYuwa', sa' xk'ulunik li Qaawa' Jesukriist, rochb'een chixjunil li xsantil tenamit.
Jo'kan naq mexwank chi maak'a' eena'leb', chetawaq b'an ru li naraj li Qaawa'.
Wi naxk'e reetal li ink'a' us xb'aanu ut naxtz'eqtaana, relik chi yaal naq tixkol li xyu'am ut ink'a' taakamq.
Xink'e reetal chanru linyu'am: twaj sutq'iik wi' chik chi xpaab'ankil laawaatin.
Li Qaawa' naril li xna'leb' li junjunq ut naxk'e reetal li xb'aanuhom.
Jo'kan utan, k'ehomaq reetal chi us chanru leeyu'am: ink'a' jo'kaqex li maak'a'eb' xna'leb', jo'kaqex b'an li wankeb' xna'leb'.
Li ixq a'an maak'a' naraj wi' li xb'ehil li yu'am, chi moko naxk'e reetal naq yo chi sachk.
Xink'ojob' linch'ool rik'in li Qaawa', ut a'an xk'utzub' chaq rib' re rab'inkil li xyaab' inkux.
Naq akaq xekuy b'ayaq li rahilal, li Yos taatz'aqob'resinq eere eeru, tixk'e xkawub' eech'ool, taawaklesinq ut taaxaqab'anq eere. A'an ajwi' li Yos li kib'oqok eere sa' li xjunelik loq'al sa' xk'ab'a' li Kriist, xb'aan xnimal xrahom.
Tiik tat-iloq chawu ut k'e reetal li k'aru us.
Li maak'a' xna'leb' nasaho'k xch'ool rik'in li xmemil; a'ut li tiik xch'ool nawank sa' tiikilal.
Li ink'a' us xna'leb', naxb'aanu rib' naq kaw xch'ool; a'ut ka'ajwi' li nawank sa' li tiikilal k'ojk'o xch'ool xb'aan naq maak'a' xmaak.
Ab'i, at walal, ut tzol aawib'; maakanab' xtaaqenkil li chaab'il b'e.