Proverbios 4:23 - Q'eqchi Bible

²³ Xb'een xb'een chab'eresi laak'a'uxl, xb'aan naq rik'in a'an natiklaak li yu'am.

Li Santil hu

²³ Cheqꞌuehak retal chi us li cꞌaꞌru te̱ba̱nu xban nak riqꞌuin xba̱nunquil li us ta̱cua̱nk e̱yuꞌam.

Proverbios 4:23 ပူးပေါင်းရင်းမြစ်များ

San Lucas 6:45

Li chaab'il winq narisi chaq li us sa' li xch'ool xb'aan naq li chaab'ilal wank rik'in; ut li ink'a' usil winq narisi chaq li ink'a' us sa' li xch'ool xb'aan naq li maa'usilal wank rik'in. Rik'in li xnumnujenaqil li ch'oolej na'aatinak li xtz'uumal re li winq.

Proverbios 13:3

Li naxk'e reetal li k'aru naxye, yo chi xkolb'al li xyu'am; a'ut li k'ajo' naxye, xjunes naxsach rib'.

Jeremías 17:9

“Q'axal aj b'alaq' li xch'ool li poyanam, k'ajo' xyib'al ru chiru chixjunil li k'a'aq re ru. Maajun natawok ru li naxk'oxla.

San Mateo 15:19

Xb'aan naq sa' li ch'oolej na'elk chaq li ink'a' usil na'leb': li kamsink, muxuk sumlaak, ko'b'eetak yumb'eetak, elq'ak, yoob'ank aatin, majewank.

Proverbios 23:19

Ab'i, at walal, ut tzol aawib'; maakanab' xtaaqenkil li chaab'il b'e.

Proverbios 28:26

Li naxkawu xch'ool xjunes rib', a'an maak'a' xna'leb'; ab'an li nab'eresiik xyu'am xb'aan li chaab'il na'leb', a'an tixkol rib'.

San Marcos 14:38

Yo'lenqex ut tijonqex re naq mext'ane'k sa' li aaleek: li musiq'ej yo'oon wank, a'ut li tz'ejwalej lub'lub' wank.

Deuteronomio 4:9

Ab'anan k'ehomaq reetal ut ilomaq chi us. Misachk sa' eech'ool li k'a' re ru a'in li xeril; meetz'eq chirix leech'ool chiru chixjunil leeyu'am, k'utomaq b'an xpaab'ankil chiruheb' leeralal eek'ajol ut chiruheb' leeri eemam.

Hebreos 12:15

Yo'oon wanqex re naq maa'ani tixnajtob'resi rib' rik'in li rusilal li Yos. Chek'ehaq reetal naq maajun xtoonal li k'ahil pim chik'iiq sa' eeyanq: mare anchal tixpo' eech'ool ut tixb'on chixjunil li komonil.

Proverbios 4:7

Chayal aaq'e chi xtawb'al aana'leb'; chaweechani li seeb'al k'a'uxl, us ta tento xk'ayinkil laajunkab'lal.

Proverbios 3:21

At walal ink'ajol, k'uula sa' laach'ool li chaab'il na'leb' ut k'a'uxl, ut misachk chawu li wank sa' xyaalal:

Proverbios 22:5

Li ink'a' us xna'leb' naxtaw k'ix ut ra'al sa' li xb'e; ab'an li naxkol li xyu'am ink'a' naxk'ul chi jo'kan.

Proverbios 11:16

Li ixq chaab'il xna'leb' nak'eemank xloq'al, ut li winq seeb' xk'a'uxl nab'ihomo'k.

Eclesiastés 5:13

Wank jun chik ch'a'ajkilal ak xwil arin sa' ruuchich'och': a'an li xxokb'al naab'al li b'ihomal yal re naq laj eechal re tixk'ul rahilal moqon.

San Mateo 15:18

Ut li k'aru na'elk chaq sa' ehej, nachalk chaq sa' li ch'oolej, ut a'an li natz'ajnink re li poyanam.

2 Reyes 10:31

Ab'an laj Jehú ink'a' kixpaab' chi anchal xch'ool chixjunil li xchaq'rab' li Qaawa', xYos laj Israel. Ink'a' kixkanab' xb'aanunkil li xmaak laj Jerobohán, naq kixk'am xb'eheb' laj Israel chi maakob'k.

Proverbios 16:17

Li tiikeb' xch'ool xik' neke'ril li maa'usilal; neke'xk'e reetal li xb'aanuhomeb' re naq te'xkol rix li xyu'ameb'.