Proverbios 4:18 - Q'eqchi Bible

¹⁸ Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

Li Santil hu

¹⁸ Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Proverbios 4:18 ပူးပေါင်းရင်းမြစ်များ

San Juan 8:12

Li Jesus kiraatinaheb' wi' chik li tenamit ut kixye reheb': —Laa'in li xsaqenk li ruuchich'och'. Li taataaqenq we, ink'a' taab'eeq sa' li aak'ab', wanq b'an li xsaqenk li yu'am rik'in.

Li xHu LAJ JOB 11:17

Taalemtz'uno'q laayu'am jo' li saq'e tuqtu wa'leb'. Naq wanqat sa' li honal q'oqyink ru, matk'oxlak: li aak'ab' kama'aq chik hik'e'k.

Daniel 12:3

Eb' li wankeb' xna'leb', li ke'k'utuk re li tiikil ch'oolej chiruheb' li k'iila tenamit, te'lemtz'uno'q jo' li saqenk sa' choxa ut jo'kaqeb' li chahim chi junelik.

2 Corintios 3:18

Chiqajunilo laa'o li naqajalam'uuchi xloq'al li Qaawa' jo' sa' junaq lem chi maak'a' xtz'apb'al li xnaq' qu, yooko chi jalano'k jo' tz'aqal A'an: rajlal yo chi k'ihank li qaloq'al; ut a'in naxb'aanu li Qaawa' xb'aan naq a'an Musiq'ej.

Filipenses 2:15

re naq wanqex chi maak'a'aq eeq'usb'al ut saqaq ru leech'ool, ralalaqex li Yos chi maak'a' eemaak sa' xyanqeb' li tenamit a'an ink'a' useb' ut sachenaqeb' sa' li maak. Sa' xyanqeb' a'an nekexlemtz'unk jo'kex li chahim sa' ruuchich'och',

2 Pedro 1:19

Chi jo'kan q'axal chik paab'ajel cho'q qe li raatineb' li propeet. Us teeb'aanu wi teek'e eech'ool chi xk'ulub'ankil jo' nak'ulub'aak junaq saqenk nakutanob'resink sa' junaq na'ajej q'oqyink ru, toj reetal taahik'e'q li kutan ut taayo'laaq li kaq chahim sa' leech'ool.

San Mateo 5:16

Jo'ka'in naq chilemtz'unq leesaqenkil chiruheb' li tenamit, re naq te'ril leechaab'il b'aanuhom ut te'xnima xloq'al leechoxahil Yuwa'.

San Mateo 5:14

“Laa'ex li xkutan li ruuchich'och'. Junaq tenamit k'ojk'o sa' xb'een tzuul ink'a' naru xmuqb'al;

Salmos 84:7

Naq toxe'nume'q sa' li Taq'a re li Yaab'ak, te'xsutq'isi li na'ajej cho'q yu'amha', ut li xtiklajik li hab'alq'e k'ajo'aq li rosob'tesihom sa' xb'een.

Isaías 26:7

Li xyu'am li tiik xch'ool a'an li tiikilal; laa'at, at Qaawa', nakattuqub'ank ru li xb'e.

2 Samuel 23:4

chanchanaq li kutan naq yo chi hik'e'k, chanchanaq li saq'e naq maak'a' li choql eq'la ut naxk'e chi lemtz'unk li pim chiru ch'och' sa' xraqik li hab'».

Apocalipsis 22:5

Aran maak'a'aq chik q'oqyink; moko te'raj ta ru xsaqenkil li xam chi moko xsaqenkil li saq'e, xb'aan naq li Qaawa' Yos taakutanob'resinq reheb', ut te'awab'ejinq chi junelik q'e kutan.

2 Pedro 3:18

Chexk'iiq sa' rusilal li Qaawa' rik'in xnawb'al ru li Jesukriist, laj Kolol qe. Rehaq taxaq li loq'al, anaqwan toj sa' li kutan ink'a' nalajk na'oso'k. Jo'kan taxaq.

Apocalipsis 21:23

Li tenamit ink'a' chik naraj ru taakutanob'resiiq xb'aan li saq'e chi moko xb'aan li po, xb'aan naq nakutanob'resiik xb'aan li xnimal xloq'al li Yos, ut li Karneer a'an li xsaqenk.

Oseas 6:3

Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

Li xHu LAJ JOB 23:10

A'ut a'an naxnaw chixjunil linb'aanuhom: wi tixyal wix, tinkanaaq jo' tz'aqal li chaab'il oor.

San Mateo 5:45

re naq laa'exaq ralal xk'ajol leechoxahil Yuwa' li naxk'e chaq li saq'e sa' xb'eeneb' li ink'a' useb' jo'wi' li useb' xch'ool, ut naxk'e chaq li hab' sa' xb'eeneb' li tiikeb' jo'wi' li ink'a' tiikeb' xch'ool.

Li xHu LAJ JOB 17:9

Ab'an li tiik xch'ool kaw xaqxooq sa' li xpaab'aal, ut li maak'a' xmaak chinimanq li xkawilal xch'ool.

Salmos 97:11

A'an naxtaqla chaq li saqenk ut li sahil ch'oolej cho'q reheb' li tiikeb' xch'ool ut neke'wank sa' xyaalal.

Proverbios 2:9

Taanaw ajwi' xyaalal li tiikil ch'oolej ut li yaal, ut taataw ru k'aru li chaab'ilal.

Proverbios 2:20

A'ut laa'at, at walal, chataaqe xb'e eb' li chaab'ileb' xch'ool, ut wanqat sa' tiikilal.

Proverbios 13:9

Li xyu'ameb' li tiikeb' xch'ool chanchan jun lochlookil saqenk; a'ut li ink'a' useb' xna'leb' chanchaneb' jun saqenk chupchu.

Proverbios 15:24

Li xb'ehil li yu'am taqe'q naxik, ut naxkol li tiik xch'ool chiru li kamk.

Jueces 5:31

“Jo'ka'in taxaq naq che'oso'q chixjunileb' li xik' neke'ilok aawe, at Qaawa'. Ut eb' li neke'rahok aawe, chanchanaqeb' taxaq li saq'e naq nalemtz'unk chaq wa'leb'!”. Ut li tenamit ke'wank sa' tuqtuukilal chiru ka'k'aal chihab'.