Proverbios 30:8 - Q'eqchi Bible

⁸ Minaak'e chi b'alaq'iik ut chi tik'ti'ik; maak'e inb'ihomal chi moko neb'a'il, ka'ajaq b'an wi' lintzekemq re rajlal kutan.

Li Santil hu

⁸ China̱tenkꞌa re nak incꞌaꞌ tinticꞌtiꞌik. Incꞌaꞌ ta̱qꞌue nabal inbiomal, chi moco tina̱canab saꞌ nebaꞌil. Caꞌaj cuiꞌ intzacae̱mk re rajlal cutan ta̱qꞌue cue.

Proverbios 30:8 ပူးပေါင်းရင်းမြစ်များ

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

San Lucas 11:3

Chak'e qe wulaj wulaj li qawa re li junjunq chi kutan,

Salmos 119:37

Chak'e taxaq naq ink'a' tink'e reetal li maak'a' na'ok wi', ut chak'e inyu'am rik'in laawaatin.

Salmos 119:29

Chinaanajtob'resi taxaq rik'in li b'e ink'a' us; xb'aan xnimal aawuxtaan chak'e we laachaq'rab'.

Li xHu LAJ JOB 23:12

Maajun wa xinq'et li xchaq'rab', ut junelik xink'uula sa' li waanm li raatin.

Proverbios 21:6

Li b'ihomal sik'b'il rik'in b'alaq'ik, maak'a' na'ok wi'; a'an chanchan li sib' cho'q reheb' li neke'xsik' li kamk.

San Mateo 6:11

Chak'e ta qe hoon li qawa re rajlal kutan,

Proverbios 22:8

Li nab'aanunk maa'usilal, tixk'ul rahilal, xb'aan naq li xwankilal taasache'q ru ut taa'oso'q.

2 Reyes 25:30

Jo'kan ajwi' kich'oolaniik xb'aan li awab'ej rajlal kutan chiru chixjunil li xyu'am.

Éxodo 16:35

Chiru ka'k'aal chihab' eb' laj Israel ke'xwa' li maná toj reetal ke'wulak sa' li chaab'il ch'och'. Ke'xwa' a'an toj ke'wulak sa' xnub'ajlil li tenamit Kanahán.

Hechos 14:15

—Ex qamiiw, k'a'ut naq nekeb'aanu a'in? Laa'o yal winqo ajwi', juntaq'eeto eerik'in laa'ex. Wanko arin chi xyeeb'al eere li chaab'il esilal a'in: naq chekanab'aq a k'a'aq re ru a'in li maak'a' xyaalal ut cheq'axtesi eerib' re li yo'yookil Yos li kib'aanunk re li choxach'och', li palaw ut chixjunil li wankeb' chisa'.

Isaías 5:18

Ra chaalel sa' xb'eeneb' li neke'yoob'ank rahilal rik'in li b'alaq'ik ut neke'k'amok chaq li maak jo' tawi' yookeb' chi kelonk kareet.

Eclesiastés 1:2

Li qayu'am maak'a' na'ok wi' -chan laj Ch'olob'anel-; jo'ch'inal jo'nimal wank sa' ruuchich'och', a'an maak'a' xyaalal ut maak'a' rajb'al!

Éxodo 16:18

Ut naq ke'xb'is rik'in chakach, ke'xk'e reetal naq eb' li ke'xokok naab'al, maak'a' na'ela'ank reheb', ut eb' li ke'xokok b'a'b'ay tz'aqal wank reheb': li junjunq kixxok jo'ch'inal jo'nimal li tixtzeka.

Éxodo 16:15

Naq eb' laj Israel ke'ril a'an, ke'ok chi xyeeb'al chirib'ileb' rib': “K'aru a'in?”. Xb'aan naq ink'a' neke'xnaw k'aru a'an. Ut laj Moisés kixye reheb': “A'an a'in li wa naxk'e li Qaawa' cho'q eetzekemq.

Jeremías 52:34

Kich'oolaniik ajwi' xb'aan li awab'ej re Babilonia rajlal kutan chiru chixjunil li xyu'am, toj sa' xkutankil li xkamik.

Jeremías 37:21

Toja' naq laj Sedesías, li awab'ej, kixye naq laj Jeremías taakanaaq sa' tz'alam, chiru xneb'aalil li rochocheb' laj k'aak'alenel, ut chik'eemanq junaq xwa rajlal kutan, xkomon eb' li neke'yiib'aak sa' li B'e reheb' laj yiib'ahom wa. Ut a'an tz'aqal ki'uxmank toj reetal kilajk li wa sa' li tenamit. Jo'ka'in naq kikanaak laj Jeremías chi tz'apam, chiru li xneb'aalil li rochocheb' laj k'aak'alenel.

Proverbios 23:5

xb'aan naq sa' junpaat naxik jo' naxik'ank li t'iw. Wi relik chi yaal toxaawil li b'ihomal, sa' junpaat taasachq chawu.

Éxodo 16:29

K'ehomaq reetal, laa'in li Qaawa' kinxaqab' li sábado cho'q eere; jo'kan naq sa' li xwaq li kutan tink'e eewa re wiib' kutan. Li junjunq sa' eeyanq chikanaaq sa' li rochoch ut maajun chixkanab' li xna'aj sa' li xwuq li kutan”.

Génesis 28:20

Aran laj Jakob kixyeechi'i a'in chiru li Qaawa': “Wi li Yos tinxb'eresi ut tinxkol chiru linb'eenik, wi tixk'e inwa ut li waq',

San Juan 2:8

Toja' naq kixye reheb': —Lekomaq anaqwan ut k'amomaq re laj k'ulul ula'. Ut eb' a'an ke'xk'am.

Isaías 59:4

Maajun napatz'ok li tiikilal sa' li raqleb'aal aatin, chi moko wank li naraqok aatin rik'in sa' xyaalal; kaw b'an xch'ooleb' li poyanam chirix li moko yaal ta ut junelik yo'oon wankeb' chi xyeeb'al li tik'ti'. Maa'usilal nasiyaak sa' xch'ooleb', ut nayo'laak chaq li raaxiik'.

Proverbios 30:7

Wiib' ajwi' li na'leb' xintz'aama aawe, at Qaawa', rub'elaj linkamik, ut maaram chiwu:

Proverbios 13:5

Li tiik xch'ool xik' naril li tik'ti'; li ink'a' us xna'leb' xik' na'ile'k ut xutaanal na'elk.