Proverbios 3:25 - Q'eqchi Bible

²⁵ Ink'a' taaxiwa li rahilal taachalq chi junpaat, chi moko li xsachikeb' li ink'a' useb' xch'ool,

Li Santil hu

²⁵ Incꞌaꞌ texxucuak xban li raylal ta̱cha̱lk saꞌ e̱be̱n chi ma̱cꞌaꞌ saꞌ e̱chꞌo̱l. Chi moco texxucuak xban li raylal li nachal saꞌ xbe̱neb li incꞌaꞌ useb xnaꞌleb.

Proverbios 3:25 ပူးပေါင်းရင်းမြစ်များ

Salmos 112:7

Ink'a' naxiwak chi rab'inkil li ink'a' usil esilal, xb'aan naq kaw xch'ool, ut k'ojk'o li raanm rik'in li Qaawa'.

1 Pedro 3:14

Ab'anan, us ta teek'ul rahilal sa' xk'ab'a' li tiikilal, us xaq eere. Meexiwa ru anihaq ut ink'a' chi'ok leek'a'uxl.

Salmos 91:5

Ink'a' taaxiwa li ch'a'ajkilal nachalk sa' li q'oqyink chi moko li xiik'ilal nawank chiru li kutan;

San Juan 14:1

“Misachk eech'ool chi k'oxlak. Chepaab' li Yos ut chineepaab' ajwi' laa'in.

San Marcos 4:40

Chirix chik a'an kixye li Jesus reheb' li xtzolom: —K'a'ut naq k'ajo' leexiw? K'a'ut naq maak'a' eepaab'aal?

San Mateo 24:6

Teerab'ihatq naq yooq li kamsij ib' malaj ut yal resil li yalok, ab'anan chek'ehaq reetal, mexxiwak! Xb'aan naq tento taak'ulmanq a'in; ab'an toj maji'aq li roso'jik.

Salmos 73:19

Sa' junpaat te'kanaaq chi xiwajel rilb'aleb' ut te'ok chi oso'k xb'aaneb' xxiw.

San Lucas 21:9

Naq teerab'ihatq resil li yalok ut mululij ib', mexxiwak: tento taak'ulmanq a'in xb'enwa; ab'an toj maji'aq li roso'jik”.

San Mateo 24:15

“Jo'kan utan, naq teeril li xnimal tz'i'b'eetalil yeeb'il chaq xb'aan li propeet Daniel yooq sa' li santil na'ajej (li na'ilok ru hu chixtawaq xyaalal),

Proverbios 1:27

naq li xiwak tox'elq jo' junaq kaqsut-iq', naq li rahilal taachalq jo' li muqyax, ut toxexxtaw li raaxiik' ut li rahil ch'oolej.

Isaías 54:14

K'ojk'ooqat sa' xb'een li tiikilal, kolb'ilaqat chiru li rahob'tesiik ut li xiwak, ut maajun chik taaxib'esinq aawe.

Miqueas 4:4

Ut li junjunq taahilanq sa' xmu li rochoch sa' tuqtuukilal, chi maak'a'aq xxiw. A'an a'in xyehom li Qaawa', li Nimajwal Yos.

Zacarías 9:8

Toja' naq laa'in tink'aak'ale lintenamit, re xkolb'al chiru li yalaq ani taachalq malaj taaxik; ut maajoq'e chik taarahob'tesiiq, xb'aan naq rik'in chik wu nink'aak'ale”, chan li Yos.