Proverbios 3:1 - Q'eqchi Bible

¹ At walal ink'ajol, misachk sa' laach'ool link'utum ut k'uula sa' laawaanm linchaq'rab';

Li Santil hu

¹ Ex cualal incꞌajol, misach saꞌ e̱chꞌo̱l lin chakꞌrab. Chi anchal ban le̱ chꞌo̱l chepa̱bak le̱ taklanquil inban.

Proverbios 3:1 ပူးပေါင်းရင်းမြစ်များ

Proverbios 4:5

Sik' li chaab'il na'leb', ut chiwanq xseeb'al laach'ool; maatz'eqtaanaheb', chi moko chisachq sa' laach'ool li k'aru ninye.

Salmos 119:16

Rik'in laachaq'rab' nasaho'k li waanm; ink'a' taasachq sa' inch'ool laaloq'laj aatin.

Proverbios 1:8

At walal ink'ajol, ab'i laaq'usb'al xb'aan laayuwa' ut maatz'eq chirix laach'ool laatijb'al xb'aan laana',

Salmos 119:93

Maajoq'e taasachq sa' inch'ool laawaatin: sa' xk'ab'a' a'an nakak'e inyu'am.

Salmos 119:34

Chak'e taxaq inna'leb' ut tinb'aanu li nakawaj; chi anchal linch'ool tinpaab' laataqlahom.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Salmos 119:11

Xink'uula sa' li waanm laayeechi'om re naq ink'a' tinmaakob'q chawu.

Deuteronomio 8:1

“Chepaab' chixjunil li chaq'rab' xinye eere sa' li kutan a'in, re naq taawanq eeyu'am, texk'ihanq ut toxeereechani li ch'och' kixyeechi'i li Qaawa' reheb' leena' leeyuwa'.

Salmos 119:153

Chawil taxaq xtoq'ob'aal wu ut chinaakol, xb'aan naq ink'a' nasachk sa' inch'ool laachaq'rab'.

Oseas 4:6

Yo chi kamk lintenamit xb'aan naq ink'a' neke'xnaw wu. Ut laa'at, aj tij, xatz'eqtaana xnawb'al wu, jo'kan naq tatwisi sa' laak'anjel. Xb'aan naq xatz'eqtaana li xchaq'rab' laaYos, laa'in ajwi' teb'intz'eq chirix inch'ool eb' laawalal aak'ajol.

Deuteronomio 4:9

Ab'anan k'ehomaq reetal ut ilomaq chi us. Misachk sa' eech'ool li k'a' re ru a'in li xeril; meetz'eq chirix leech'ool chiru chixjunil leeyu'am, k'utomaq b'an xpaab'ankil chiruheb' leeralal eek'ajol ut chiruheb' leeri eemam.

Salmos 119:176

Jo' junaq karneer xinsachk chawu. Kim chinsik'b'al: laa'in aj k'anjel chawu. Ink'a' nasachk sa' li waanm laachaq'rab'.

Deuteronomio 4:23

Chek'e b'i' reetal, misachk sa' leech'ool li Sumwank li kixk'ojob' eerik'in li Qaawa' leeYos ut meeyiib' junaq reetalil chixjunil li k'aru xram cheru li Qaawa' leeYos,

Proverbios 31:5

xb'aan naq wi neke'kalaak, nasachk li chaq'rab' sa' xch'ooleb' ut ink'a' chik neke'xkol li neb'a'.

Isaías 51:17

Ajen, ajsi aawu, waklin, at Jerusalén! Laa'at li xat-uk'ak sa' xsek'ul li xjosq'il li Qaawa', jo' tawi' li na'uk'ak b'iin sa' junaq sek' toj reetal naxchoy ut nataktotk nakanaak.

Éxodo 20:6

ab'anan nawuxtaana ru chi junelik eb' li neke'rahok we ut neke'xpaab' linchaq'rab'.

Salmos 91:16

Tinnajtob'resi roq li xyu'am chi yo'oon ut tink'ut chiru naq laa'in laj kolonel”.

Salmos 119:61

Eb' li ink'a' useb' neke'raj inra'lenkil, ab'an ink'a' nasachk sa' inch'ool laataqlahom.

Proverbios 2:1

At walal ink'ajol, chak'ulub'an li waatin ut chak'uula sa' laach'ool lintaqlahom;

Proverbios 4:2

Jwal chaab'il li na'leb' nekexintzol wi'; jo'kan naq meetz'eqtaana li nink'ut cheru.

Proverbios 16:31

Wi saq rismal laajolom, a'an reetalil laaloq'al li xamaatani sa' xk'ab'a' li xtiikilal laach'ool.

Proverbios 23:26

At walal ink'ajol, k'e aach'ool chi wab'inkil, ut il chi us li b'e nink'ut chawu.

Deuteronomio 5:16

«Chawoxloq'i laana' laayuwa' jo' chanru xatxchaq'rab'i wi' li Qaawa' laaYos, re naq najtaq roq laayu'am ut sahaq laach'ool sa' li na'ajej tixk'e aawe li Qaawa' laaYos.

Deuteronomio 5:33

Taaqehomaq chi junelik li b'e kixch'olob' cheru li Qaawa' leeYos: chi jo'kan sa texwanq ut najt texyo'yooq sa' li ch'och' toxeereechani.

Proverbios 4:21

Misachk chawu, k'uula b'an sa' xchamal laawaanm.

Proverbios 8:1

Li chaab'il na'leb' yo chi b'oqok, kaw xyaab' xkux li seeb'al k'a'uxl.

Proverbios 9:1

Li chaab'il na'leb' xkab'la li rochoch ut xruutz'u'uji ru rik'in wuqub' chi oqech;