Proverbios 28:4 - Q'eqchi Bible

⁴ Li naxtz'eqtaana li chaq'rab' nasaho'k xch'ool chirixeb' li ink'a' useb' xna'leb'; ab'an li tiik xch'ool xik' narileb'.

Li Santil hu

⁴ Li nequeꞌxtzꞌekta̱na li chakꞌrab nequeꞌxqꞌue xlokꞌal li incꞌaꞌ useb xnaꞌleb. Ut eb li nequeꞌxba̱nu li naxye li chakꞌrab, xicꞌ nequeꞌril li cꞌaꞌru nequeꞌxba̱nu eb aꞌan.

Proverbios 28:4 ပူးပေါင်းရင်းမြစ်များ

Romanos 1:32

Us ta ch'olch'o chiruheb' li xchaq'rab' li Yos, li naxye naq eb' li neke'b'aanunk re a'in teneb'anb'il li kamk sa' xb'eeneb', ab'an moko ka'aj ta wi' neke'xb'aanu li maak, neke'saho'k aj b'an wi' sa' xch'ool rik'ineb' li neke'b'aanunk a'in.

Efesios 5:11

ut mex'okenk chi xb'aanunkil xk'anjel li aak'ab' li maak'a' na'ok wi', jwal us b'an naq teerisi chi kutankil re xjitb'al.

San Mateo 14:4

Xb'aan naq xyehom laj Jwan re laj Herodes: “Ink'a' us naq taawanq aawik'in”.

San Mateo 3:7

Ab'an naq kiril naq naab'aleb' laj Pariseey ut laj Saduseey yookeb' chi chalk rik'in re raj naq te'kub'siiq xha', kixye reheb': “Ex ral q'anb'olay, ani xk'utuk cheru elelik chiru li josq'il chaalel sa' eeb'een?

Salmos 49:18

xb'aan naq sa' li xkamik maak'a' tixk'am chirix, chi moko li xjunkab'lal taaxik rochb'een.

1 Reyes 18:18

Kisumeek: “Moko laa'in ta li yookin chi sachok re Israel, laa'at b'an ut eb' li ralal xk'ajol laayuwa', xb'aan naq xatz'eqtaana li xchaq'rab' li Qaawa' ut xkohat chirixeb' laj Bahal.

San Judas 1:3

Ex inrahom, q'axal xink'e inch'ool chi tz'iib'ak eerik'in chirix li qakolb'al naqawotz sa' komonil; ab'an anaqwan tz'aqal xweek'a naq tento tintz'iib'aq eerik'in re xtz'aamankil naq teeyal eeq'e chi xkolb'al rix li paab'aal li kiq'axtesiik chi junwaakaj reheb' laj santil paab'anel.

1 Juan 4:5

Eb' a'an reheb' li ruuchich'och'; jo'kan naq ruuchich'och'il aatin neke'xye, ut neke'ab'iik xb'aan li ruuchich'och'.

Hechos 15:2

Jo'kan naq makach'in li choqij ib' ut wech'ink kitiklaak sa' xyanqeb' a'an rik'ineb' laj Pablo ut laj Bernabé. Toja' naq kik'uub'amank naq laj Pablo ut laj Bernabé, rochb'eeneb' wiib' oxib' chik, te'xik Jerusalén rik'ineb' li apóstol ut eb' li cheekel winq re k'uub'ank chirix li na'leb' a'in.

Salmos 10:3

Li yib'ru xna'leb' naxnimob'resi rib' rik'in li naratawin li xch'ool; k'ajo' naq laj pix naxtz'eqtaana ut naxmaa'usila li Qaawa'.

1 Reyes 18:21

Toja' naq laj Elías kijilok wankeb' wi' li poyanam ut kixye reheb': “Toj jo'q'e texwanq chi wiib' ru leena'leb'? Wi li Qaawa' a'an li tz'aqal Yos, paab'omaq; wi ut laj Bahal, taaqehomaq a'an”. Eb' li poyanam maajun aatin ke'xye.

1 Ts 2:2

Us ta ak qak'ulum chaq li rahilal ut hob'e'k aran Filipos, jo' ak ch'olch'o cheru, ab'an li qaYos xk'e xkawub' qach'ool ut ink'a' xooxiwak chi xpuktesinkil li xChaab'il Esil li Yos eere laa'ex sa' xyanqeb' li k'iila rahilal.

Hechos 19:9

Ab'anan wankeb' li ke'kawuuk xch'ool; ink'a' ke'raj paab'ank ut ke'ok chi xyeeb'al chiruheb' li poyanam yib' aj na'leb' chirix li xB'e li Qaawa'; jo'kan naq laj Pablo kixkanab'eb'. Kixjek'eb' laj paab'anel rik'ineb' laj ch'utleb'aal kab'l ut rajlal kutan naseeraq'ik rik'ineb' sa' li xtzoleb'aal kab'l laj Tirano.

Hechos 12:22

japjookeb' re li tenamit chi xyeeb'al: “Raatin li Yos a'an, maawa' raatin winq!”.

San Mateo 3:15

Kichaq'ok li Jesus ut kixye re: —Kanab' wan chi jo'kan anaqwan, xb'aan naq jo'ka'in taatz'aqloq ru qab'aan chixjunil li rajom li Yos. Toja' naq kixk'ulub'an xch'ool laj Jwan.

Jeremías 5:30

Jwal xiw xiw ut tz'i'b'eetal li k'aru yo chi k'ulmank sa' li na'ajej a'in.

Nehemías 13:28

Jun reheb' li ralal laj Johadá, ralal laj Eliasib li xyuwa'il aj tij, a'an chaq xhi' laj Sanbalat aj Jorón, ut laa'in kiwisi chink'atq.

Nehemías 13:15

Sa'eb' li kutan a'an kink'e ajwi' reetal naq wankeb' aj Judá neke'k'anjelak sa' li hilob'aal kutan: neke'yatz'ok uub', neke'b'eelank triiw chi joob', neke'xk'eheb' li b'uur chi riiqankil li b'iin, uub', iig ut yalaq k'a' chi iiqul, re xk'amb'al chaq Jerusalén sa' li kutan sábado. Toja' naq keb'inq'us ut kinye reheb' naq ink'a' te'k'ayinq sa' li kutan a'an.