Proverbios 28:2 - Q'eqchi Bible

² Naq nanumtaak li q'etok chaq'rab' sa' li tenamit, neke'numtaak ajwi' laj jolominel; ab'an, wi li awab'ej wank xna'leb', li tenamit nak'ojlaak xch'ool ut kaw rib'.

Li Santil hu

² Nak li tenamit incꞌaꞌ sa saꞌ xchꞌo̱l cocꞌ aj xsaꞌ nequeꞌxjal li acuabej. Abanan nak cuan junak acuabej cha̱bil xnaꞌleb, li tenamit cau rib ut xakxo saꞌ xnaꞌaj.

Proverbios 28:2 ပူးပေါင်းရင်းမြစ်များ

1 Reyes 15:28

Oxib' chihab' rokik laj Asá cho'q awab'ej re Judá, naq kikamsiik laj Nadab xb'aan laj Basá, ut a'in kikanaak sa' xna'aj.

Oseas 13:11

Sa' linjosq'il kink'e laa'awab'ej, ut xb'aan linjosq'il kiwisi wi' chik chawu.

Daniel 4:27

Jo'kan utan, at awab'ej, paab' li na'leb' tink'e aawe: toj rix laamaak rik'in xb'aanunkil li tiikilal ut xtenq'ankileb' li neb'a', ut matmaakob'k chik re naq sahaq taxaq aach'ool chi junelik”.

Isaías 58:12

Taawaklesi wi' chik li xpo'lemil laatenamit ut taak'ojob' wi' chik li rub'elankil li kiwank najter. «Aj waklesinel po'lem» taak'ab'a'in; «aj yiib'ahom re li po'lemil ochoch», cha'qeb' aawe chixjunileb'.

Eclesiastés 9:15

Aran sa' li tenamit wank jun li winq neb'a', ab'an q'axal wank xna'leb'. Li winq a'an kiruuk raj xkolb'al li xtenamit rik'in xnimal xk'a'uxl, ab'anan maa'ani kipatz'ok re, xb'aan naq neb'a'!

1 Reyes 15:25

Laj Nadab, ralal laj Jerobohán, ki'ok chi awab'ejink sa' xb'eeneb' laj Israel, naq ak wiib' chihab' chik rokik laj Asá cho'q awab'ej re Judá. Wiib' chihab' kitaqlank sa' xb'eeneb' laj Israel.

Proverbios 11:11

Naq li Yos narosob'tesiheb' li tiikeb' xch'ool, nawakliik chixjunil li tenamit; a'ut li ink'a' useb' xna'leb' neke'xjuk' li tenamit rik'in li raatineb'.